Rava adası

Rava adası
xorv. Rava
Marnisa körfəzində tufandan əvvəl
44°00′53″ şm. e. 15°04′14″ ş. u.
Ölkə	Xorvatiya Xorvatiya
Akvatoriya	Adriatik dənizi
Sahəsi	3,63 km²
Hündür nöqtəsi	98 m
Əhalisi	98 nəfər (2001-ci il)
Rava adası
Vikianbarda əlaqəli mediafayllar

Rava adası (xorv. Rava)- Adriatik dənizinin Xorvatiya ərazisində yerləşən adadır. Xorvatiyanın Zadar şəhərinin tərkib hissəsidir. Adanın sahəsi- 3,63 km², sahil xəttinin uzunluğu isə 15995 kilometrdir.

Coğrafi mövqeyi

Rava adasının körfəzlərinin sxemi

Ada Zadarskom arxipelaqına daxildir. Ada İj və Duqi-Otok adalarının arasında yerləşmişdir. Sahillərini İj və Ravs boğazları yuyur. Adanın sahil xətti girintili-çıxıntılıdır. Adada 15 körfəz yerləşmişdir:

1. Тanko
2. Valişina
3. İvanoşeviça
4. Pavaysko
5. Pestexovaç
6. Drajiçe
7. Qolubovaç
8. Martiniça
9. Qrbavaç
10. Qrbaçina
11. Marniça (Mariniça)
12. Paladiniça (Paladniça)
13. Biçabok
14. Lokvina
15. Za Qrbiçu.

İqlimi

Adada isti quru yay və yumşaq yağışlı qış, Aralıq iqlimi üstünlük təşkil edir. Orta illik temperatur -15 °C-dir.

Ən soyuq ay yanvar ayıdır. (orta temperatur — 7 °C) Ən isti ay isə iyul ayıdır. (orta temperatur — 23,5 °С) Orta illik yağıntı miqdarı - təxminən 900 mm-dir. Yağıntılar əsasən yağış formasında tökülür. Yağıntının əsas hissəsi qış ayında yağır.

Bitkilər aləmi

Aralıq dənizinin yumşaq iqlimi Aralıq dənizi bitkilərinin bitməsinə şərait yaradır: Buraya zeytun ağaclıqları və üzüm bağları daxildir. Xırda yarpaqcıqlarla örtülmüş kiçik ölçülü ağaclar üstünlük təşkil edir. Palıd, kollar, şişuclu, böyürtkən və qulançar üstünlük təşkil edir. Son illərdə şam ağaclarının artımı müşahidə olunur. Mədəni bitkilər arasında zeytun və üzümdən başqa, əncir, badam, nar, portağal, limon, naringi və qoz geniş yayılmışdır.

Su təminatı

Nisbətən böyük miqdarda yağıntının yağmasına baxmayaraq, Rava adasında göl yoxdur. Buna görə də, yağış yağan zaman əhali suyu yığıb saxlayır. Quraqlıq zamanı isə bu sudan istifadə edir.

Əhalisi

Rava adasında iki yaşayış məntəqəsi yerləşmişdir: Rava və Kiçik Rava

XX əsrin ortasından başlayaraq adanın əhalisi stabil olaraq azalır. 2001-ci il məlumatlarına görə adada 98 nəfər məskunlaşıb. Əhalinin əsas hissəsini xorvatlar təşkil edir. Cədvəldə Rava adasının 1857-ci ildən 2001-ci ilə qədər əhali sxemi təsvir edilmişdir.

İllər üzrə Rava adasının əhalisi
1857	1869	1880	1890	1900	1910	1921	1931	1948	1953	1961	1971	1981	1991	2001
173	219	247	335	400	400	491	375	411	371	305	234	147	120	98