Respublika İncəsənət Gimnaziyası

Vikipediya, azad ensiklopediya
Jump to navigation Jump to search
Respublika İncəsənət Gimnaziyası
Əsası qoyulub 1959
Şəhər Bakı
Ölkə Azərbaycan Azərbaycan
Ünvan Hüseyn Cavid prospekti, 506-cı məhəllə, Yasamal rayonu, Bakı, Azərbaycan

Azərbaycan Milli Konservstoriyası tərkibində İncəsənət GimnaziyasıAzərbaycanın orta incəsənət təhsil məktəblərindən biri.

Tarixi[redaktə | əsas redaktə]

Musiqi məktəbi 1959-cu ildə yaradılmışdır. Yarandığı zaman (60-cı illərdə) 8 №-li musiqi təmayüllü internat məktəbi kimi tanınırdı. Sovet hakimiyyəti dövründə Azərbaycan SSR-nın müxtəlif yerlərindən gələn istedadlı uşaqlar burada həm təhsil alır, həm də yaşayırdılar. Musiqi təmayüllü internat məktəbinə uzun illər bəstəkar Oqtay Rəcəbov başçılıq edib. Sonralar 1990-cı ildə o, məktəbi iki illiyə tərk edib. 1991-ci ildən O.Rəcəbov Bəstəkarlar İttifaqının sədri Tofiq Quliyevlə birlikdə internat məktəbinin İncəsənət Gimnaziyasına çevrilməsi ideyası üzərində çalışıb. 1992-ci ildə Təhsil Nazirliyinin sərəncamı ilə məktəbə gimnaziya statusu verilib və O.Rəcəbov bura direktor təyin edilib. O.Rəcəbov gimnaziyayanın ən uzunmüddətli direktoru olub. Gimnaziyada musiqi ixtisaslarının artırılması, incəsənətlə bağlı müxtəlif peşələrin tədrisi üçün uzun illər çalışıb. O.Rəcəbov gimnaziyanın direktoru vəzifəsində 2001-ci ilə qədər işləyib. Elə həmin ilin avqustunda prezident Heydər Əliyevin imzaladığı 10 avqust 2001 ci il tarixli "Azərbaycan Milli Konservatoriyasının maddi-texniki bazasının yaradılması haqqında" sərəncama əsasən İncəsənət Gimnaziyası yeni yaradılmış Milli Konservatoriyanın baza məktəbi hesab edilib və onun tabeçiliyinə verilib. O.Rəcəbovdan sonra gimnaziyanın rəhbərliyi tez-tez dəyişib. 2002-ci ilin oktabrında Yusif Məmmədov, bir il sonra Firəngiz Qayıbova gimnaziyanın direktoru olub. 2004-ün yeni tədris ilində isə Nazim Quliyev direktor təyin edilib. Nəhayət, 2007-ci ilin başlanğıcında - yanvarın 6-da yeni direktor, musiqi təmayüllü internat məktəbi adlandığı vaxt bu müəssisəyə rəhbərlik etmiş Maya Şabanbekova gimnaziyanın kollektivinə təqdim olunub. 2017 ildən incəsənət gimnaziasına Aytən Nadir qızı Əhmədova rəhbərlik edir. Adi məktəblərdə olduğu kimi İncəsənət Gimnaziyasında da şagirdlər orta təhsilə yiyələnir, lakin attestatla yanaşı onlara konkret ixtisas üzrə təhsil almaları haqda sənəd də verilir.

İncəsənət gimnaziasının Təsviri Sənət şöbəsinin müdiri Kəmalə Kərimova,

Musiqi şöbəsinin müdiri Zəhra Aqui,

Teatr şöbəsinin müdiri Hicran Sadıxzadə,

Xoreoqrafiya şöbəsinin müdiri Tahir Eynullayevdir.


Şöbələr[redaktə | əsas redaktə]

Gimnaziya Milli Konservatoriya üçün kadr hazırladığından əsas dərslər musiqi üzrədir. Gimnaziyada təsviri və tətbiqi sənət, teatr və kino, xoreoqrafiya şöbələri də fəaliyyət göstərir.

Musiqi şöbəsi[redaktə | əsas redaktə]

Musiqi şöbəsində fortepiano, tar, kamança, qarmon, saz, balaban, nağara, kontrabas, gitara, nəzəriyyə, arfa, fleyta, qaboy, kanon, skripka, valtorna, violançel, klarnet, faqot, trambon, truba, zərb alətləri ixtisasları üzrə dərslər keçirilir.

Təsviri və tətbiqi sənət şöbəsi[redaktə | əsas redaktə]

Təsviri və tətbiqi sənət şöbəsində rəngkarlıq, xalçaçılıq, heykəltaraşlıq, memarlıq, dizayn, modelyer, rəsam-konstruktor, zərgərlik, xəttatlıq, qobelen, musiqi alətlərinin düzəldilməsi, bədii tikmə və oyma, bədii foto, keramika, ağac və metal üzərində bədii işlər, multiplikasiya, qrafika, kompüter qrafikası tədris edilir.

Teatr və kino şöbəsi[redaktə | əsas redaktə]

Teatr və kino şöbəsində aktyorluq, teatr rejissorluğu, kinorejissor, operator, kinodramaturgiya ixtisasları öyrədilir.

. Xoreoqrafiya şöbəsi

---Xoreoqrafiya şöbəsi--- 1997ci ildən fəalliyət göstərən şöbənin yaradıcısı Pedaqoq baletmeyster Ramiz Eynullayev olub. Azərbaycan Xalq rəqsi, Xoreoqrafiya gimnastikası, Klassik rəqs, Ritmika, Xalq Səhnə rəqsi, Xoreoqrafiya tarixi, Müasir rəqs fənlərindən dərslər keçirilır.

Pedoqoji heyət[redaktə | əsas redaktə]

1997-2004-cü tədris ilinin statistik məlumatına görə, gimnaziyada 1452 şagird təhsil alır, 442 müəllim və tərbıyəçi işləyir. Gimnaziyanın üstünlüklərindən biri onun pedaqoji heyətinin ölkənin ən görkəmli incəsənət xadimlərindən ibarət olmasıdır. Heç bir ali təhsil ocağı bu qədər məşhur insanı ilə fəxr edə bilməz. Ağaxan Abdullayev, Arif Babayev, Firuz Səxavət, Zümrüd Məmmədova, Gülüstan Əliyeva, Aytən Məhərəmmova xanəndəlikdən, kinorejissor Ayaz Salayev kino tarixindən, Muxtar Maniyev, Yaşar Nuri, Əminə Yusifqızı aktyorluq sənətindən, ƏMİNƏ Dilbazi, Ramiz Eynullayev, Roza Cəlilova, Ali Ashari rəqsdən dərs deyirlər.

Mənbə[redaktə | əsas redaktə]