Reyçel Bendayan
| Reyçel Bendayan | |
|---|---|
.jpg) | |
| Doğum tarixi | 1980 (44–45 yaş) |
| Doğum yeri | |
| Təhsili | |
| Fəaliyyəti | siyasətçi, vəkil |
 Vikianbarda əlaqəli mediafayllar | |
Reyçel Bendayan (d. 10 may, 1980) - Kanadalı siyasətçidir və 20 dekabr 2024-cü ildən bəri Rəsmi Dillər Naziri və İctimai Təhlükəsizlik üzrə köməkçi nazir vəzifəsində çalışır. Liberal Partiyanın üzvü olan Bendayan, 25 fevral 2019-cu ildə keçirilən əlavə seçkidə Outremont dairəsindən Kanada Parlamentinin üzvü seçilmişdir. Siyasətə qoşulmazdan əvvəl vəkil kimi fəaliyyət göstərmişdir. 2015-ci il federal seçkilərində Outremont dairəsində namizəd olmuş, lakin Rəsmi Müxalifət lideri və Yeni Demokrat Partiyasının sədri Tomas Mulkerə uduzaraq ikinci yeri tutmuşdur. Mulkerin parlament üzvlüyündən istefa verməsindən sonra 2019-cu ilin fevralında keçirilən əlavə seçkidə qalib gələrək dairəni Liberal Partiya üçün qazandı.[1]
Daha sonra 2019-cu ilin oktyabrında keçirilən ümumi seçkilərdə və 2021-ci ildə yenidən seçilmişdir.
Həyatı
[redaktə | vikimətni redaktə et]Bendayan Mərakeşli yəhudi ailəsində anadan olub və böyüyüb.[2] MakGill Universitetində hüquq təhsili alıb və 2007-ci ildə məzun olaraq kommersiya məhkəmə çəkişmələri və beynəlxalq arbitraj sahəsində ixtisaslaşıb.[3] Məzun olduqdan sonra Norton Rouz Fulbrayt hüquq firmasına işə qəbul olunub [4] və eyni zamanda Monreal Universitetinin Hüquq Fakültəsində dərs deyir.
Siyasi karyerası
[redaktə | vikimətni redaktə et]Kanada Liberal Partiyasının üzvü olan Bendayan 2015-ci il federal seçkilərində ilk dəfə Outremont dairəsindən namizədliyini irəli sürüb və Rəsmi Müxalifət lideri Tomas Mulkerə qarşı mübarizə aparıb. Səslərin 33,4%-ni toplayaraq ikinci yeri tutub. Seçkilərdən sonra Kiçik Biznes və Turizm Naziri Bardiş Çaggerin aparat rəhbəri vəzifəsinə təyin olunub.[4]
Tomas Mulker 2018-ci ilin iyununda siyasətdən ayrıldıqdan sonra, Bendayan növbəti seçkilərdə Liberal Partiyanın namizədi olmaq niyyətini açıqladı. 2018-ci ilin dekabrında seçki dairəsinin üzvlərinin səsverməsi nəticəsində müəllim və aktivist Kim Manningə qarşı namizəd seçildi.[1] 25 fevral 2019-cu ildə keçirilən əlavə seçkilərdə qalib gələrək 40,4% səs topladı və ən yaxın rəqibi, 26.1 % səs toplayan Yeni Demokratik Partiyanın namizədi Xuliya Sançesi 2,161 səs fərqi ilə məğlub etdi.[5] Bendayan 2019-cu il federal seçkilərində yenidən seçildi, səslərin 46,2%-ni toplayaraq ən yaxın rəqibini 10,829 səs fərqi ilə məğlub etdi.[6] Bundan sonra Baş nazir Castin Trüdo onu Kiçik Biznes, İxracın Təşviqi və Beynəlxalq Ticarət Naziri Meri Nqin parlament katibi təyin etdi. 2021-ci il federal seçkilərində üçüncü dəfə seçildi və səslərin 45,4%-ni qazandı. 20 dekabr 2024-cü ildə Rəsmi Dillər Naziri və İctimai Təhlükəsizlik üzrə köməkçi nazir təyin edildi.[7]
Antisemit hücumlar
[redaktə | vikimətni redaktə et]2021-ci il Kanada federal seçkiləri kampaniyası zamanı Bendayan digər yəhudi Liberal Partiya namizədləri ilə birlikdə antisemit hücumlara məruz qalmışdır.[8][9]
Seçki qeydləri
[redaktə | vikimətni redaktə et]| 2019 Kanada federal seçkiləri: Outremont | |||||
| Partiya | Namizəd | Səslər | % | ±% | Xərclər |
|---|---|---|---|---|---|
| Liberal | Reyçel Bendayan | 19,148 | 46.19 | +5.76 | $47,498.81 |
| Yeni Demokrat | Andrea Klark | 8,319 | 20.07 | -7.45 | qeyd olunmayıb |
| Kvebek Bloku | Selia Qrimar | 5,741 | 13.85 | +2.63 | $9,862.60 |
| Yaşıl | Deniel Qrin | 5,018 | 12.1 | -0.83 | qeyd olunmayıb |
| Mühafizəkar | Jasmin Luras | 2,707 | 6.53 | +0.39 | $4,912.03 |
| Xalq Partiyası | Sabin Levesk | 369 | 0.89 | -0.65 | qeyd olunmayıb |
| Rhinoseros partiyası | Mark Con Himstra | 155 | 0.37 | qeyd olunmayıb | |
| Ümumi etibarlı səslər/xərc limiti | 41,457 | 100.0 | $102,446.50 | ||
| Ümumi etibarsız bülletenlər | 455 | ||||
| Seçici fəallığı | 41,912 | 62.2 | |||
| Səsvermə hüququ olan seçicilər | 67,842 | ||||
İstinadlar
[redaktə | vikimətni redaktə et]- ↑ 1 2 Annabelle Olivier, "Liberal Party’s Rachel Bendayan wins federal byelection in Outremont" Arxiv surəti 25 yanvar 2025 tarixindən Wayback Machine saytında. Global News, 25 fevral, 2019.
- ↑ Canada : Rachel Bendayan remporte la circonscription d'Outremont Arxiv surəti 10 dekabr 2023 tarixindən Wayback Machine saytında. CCME
- ↑ "Jewish Candidate Rachel Bendayan Favoured to Win Outremont Liberal Nomination". 4 dekabr 2018. 28 mart 2025 tarixində arxivləşdirilib. İstifadə tarixi: 11 mart 2025.
- ↑ 1 2 "Liberal candidate launches Outremont byelection bid". Canadian Jewish News, 27 yanvar, 2019.
- ↑ Les libéraux reprennent Outremont, tandis que les conservateurs gardent York–Simcoe Arxiv surəti 16 iyul 2023 tarixindən Wayback Machine saytında. Radio-Canada
- ↑ 2019 Canada election results: Outremont Arxiv surəti 27 noyabr 2024 tarixindən Wayback Machine saytında. Global News
- ↑ "'I understand there's going to be a short runway,' new minister says after Trudeau shuffles cabinet". CTVNews (ingilis). 20 dekabr 2024. 23 dekabr 2024 tarixində arxivləşdirilib. İstifadə tarixi: 23 dekabr 2024.
- ↑ "Jewish Liberal candidates, Singh face racist attacks during election campaign". 20 yanvar 2025 tarixində arxivləşdirilib. İstifadə tarixi: 11 mart 2025.
- ↑ There’s no place for the swastika in Canadian political discourse Arxiv surəti 23 iyun 2022 tarixindən Wayback Machine saytında. Toronto Star