Rheinmetall MG3

Vikipediya, azad ensiklopediya
Jump to navigation Jump to search
Rheinmetall MG3
BundeswehrMG3.jpg
Ölkə
İstismar tarixçəsi
İstismara başlanması 1960
İstehsal tarixçəsi
İstehsalçı Rheinmetall
Xüsusiyyətləri
Ağırlığı 11,5 kq
Vikianbarın loqosu Vikianbarda əlaqəli mediafayllar

MG3, hava soyutmalı, mayon güllə lenti ilə təchiz edilən, Almaniya istehsalı olan ümumi təyinatlı, 7.62 x 51 mm güllələrdən istifadə edən pulemyotdur.

İkinci dünya müharibəsində istifadə edilən MG 42-nin təkmilləşdirilmiş modern versiyasıdır. 1950-ci illərin sonlarında Alman ordusunun xidmətinə qəbul edilmişdir. Standart ayağı ilə istifadə edildikdə yüngül pulemyot, masaya quraşdırıldıqda isə ağır pulemyot kimi istifadə edilə bilər. 122 sm uzunluğundadır, maksimal məsafəsi 4000 m, təsirli mənzili isə 1200 m-dir. Güllənin lülədən çıxış sürəti 820 metr/saniyə təşkil edir.

MG3 və onun törəmələrindən dünyanın 30-dan çox ölkəsinin ordusunda istifadə edilir. İtaliyaİspaniya (MG42/59), Pakistan (MG1A3), Yunanıstan, İran, SudanTürkiyə tərəfindən lisenziya altında istehsal olunur.

Qərbi Almaniya NATO üzvü olduqdan sonra 7.92x57 mm ölçülü Mauzer patronlarından istifadə edən MG 42-ləri 7.62x51mm ölçülü standart NATO patronlarına uyğun olaraq dəyişdirmişdir.

Türkiyə-PKK qarşıdurmalarında Türkiyə Silahlı Qüvvələri tərəfindən intensiv şəkildə istifadə edilmişdir. Uzun məsafəli və güclü patronlarına görə Türkiyə əsgərləri tərəfindən “qara ilan” olaraq adlandırılmışdırlar. Köhnə istehsal edilmiş MG3-lərdə tez-tez tutulmalara rast gəlinsə də, dağıdıcı gücü və dəqiqliyinə görə hələ də intensiv şəkildə istifadə olunurlar.

Texniki xüsusiyyətləri[redaktə | mənbəni redaktə et]

  • Konstruktor: Rheinmetall
  • Konstruksiya tarixi: 1958
  • İstehsalçı: Rheinmetall
  • İstehsal tarixi: 1960-1990
  • Çəki: 10 kq- 27 kq
  • Uzunluq: 1225 mm (1097 mm stoksuz)
  • Lülə uzunluğu: 565 mm
  • Sursat: 7.62x51mm NATO
  • Atış sürəti: 1000-1300 mərmi/dəqiqə
  • Effektiv mənzil: 200-1200 m
  • Maksimum mənzil: 4000 m