Riçard Stoun

Vikipediya, açıq ensiklopediya
Keçid et: naviqasiya, axtar
Riçard Stoun
ing. John Richard Nicholas Stone
Doğum tarixi: 30 avqust 1913(1913-08-30)
Doğum yeri: London Flag of the United Kingdom.svg Böyük Britaniya
Vəfatı: 6 dekabr 1991 (78 yaşında)
Vəfat yeri: Kembric Flag of the United Kingdom.svg Böyük Britaniya
Milliyyəti: Flag of the United Kingdom.svg Böyük Britaniya
Elm sahəsi: İqtisadiyyat
İş yeri: Kembric Universiteti
Tanınır: Milli gəlir hesabları, Giriş-çıxış modelləri, İqtisadi böyümə
Mükafatları: Nobel mükafatı 1984 İqtisadiyyat üzrə Nobel mükafatı

Riçard Stoun (ing. John Richard Nicholas Stone) (30 avqust 1913 - 6 dekabr 1991) — ingilis iqtisadçı. 1984-cü ildə İqtisadiyyat üzrə Nobel mükafatına layiq görülmüşdür.

Həyatı və fəaliyyəti[redaktə | əsas redaktə]

Riçard Stoun Kembric Universitetinin Qonville və Kayus kollecində oxumuş və 1936-cı ildə məzun olmuşdu. Sonra II Dünya müharibəsi başlayana qədər Londonda tanınmış Lloyds sığorta şirkətində sığorta brokeri olaraq fəaliyyət göstərmişdi. Müharibə dövründə dövlət məmuru kimi statistik və iqtisadçı olaraq işləmişdi. Bu müddət ərzində tanınmış iqtisadçı Ceyms Midlə birlikdə ikili yazılışlı mühasibat hesabına əsaslanan rəsmi Milli gəlir və xərcləmə statistikasını təkmilləşdirib 1941-ci ildə nəşr etdirdilər. Riçard Stoun müharibədən sonra 1945-1955-ci illərdə Kembric Universitetində Tətbiqi iqtisadiyyat bölməsini qurdu və bu bölmənin direktoru olaraq işlədi. Eyni zamanda həmin universitetdə maliyyəmühasibat professoru olaraq işləmiş və 1980-ci ildən sonra təqaüdə fəxri professor olaraq çıxdıqdan sonra da akademik fəaliyyətinə davam etdi.

Riçard Stoun 1984-cü ildə iqtisadi fəaliyyətlərin qeydiyyatını izləmək üçün iqtisadi və sosial mühasibat sistemini təkmilləşdirdiyi üçün İqtisadiyyat üzrə Nobel mükafatına layiq görülmüşdü. Riçard Stoun bəzən milli gəlir mühasibat sisteminin atası hesab olunur. Bundan başqa Riçard Stoun istehlakçı tələb statistikasını, riyazi tələb modelləri, iqtisadi böyümə və giriş-çıxış modelləri ilə bağlı çox önəmli nəzəri tədqiqatlar aparmış, kitablar və məqalələr yazmışdır.

Əsərləri[redaktə | əsas redaktə]

  • 1944 - Milli gəlir və xərclər.
  • 1954 - İstehlakçıların qiymətləndirilməsi: Birləşmiş Krallıqda xərclər və davranış, (1920-1938). (Ceyms Midlə birlikdə)
  • 1966 - Sosial elmlərdə riyaziyyat və başqa esselər.
  • 1970 - İqtisadiyyatın riyazi modelləri və başqa esselər.
  • 1971 - Demoqrafik mühasibat uçotu və model qurma.
  • 1975 - Müşahidələrin tənzimlənməsinə birbaşa və dolayı maneələr.
  • 1980 - Stasionarlığa meylli sadə böyümə prosesi.

Həmçinin bax[redaktə | əsas redaktə]

Xarici keçidlər[redaktə | əsas redaktə]