Rik və Morti

Vikipediya, açıq ensiklopediya
Jump to navigation Jump to search
Rik və Morti
ing. Rick and Morty
Rick and Morty poster.jpg
Animasiya serialının posteri.
Prodüser Den Harmon
Castin Royland
Ceyms A.Fino (I-II mövsüm)
Co Russo II (I-II mövsüm)
C.Maykl Mendel
Kenni Mikka (pilot)
Yaradıcısı Castin Royland
Den Harmon
Rollarda Castin Royland
Kris Parnell
Spenser Qremmer
Sara Çok
Bəstəkar Rayan Elder
İstehsalçı ölkəABŞ ABŞ
StudiyaJustin Roiland's Solo Vanity
Card Productions
Harmonious Claptrap
Starburns Industries (I-II mövsüm)
Williams Street
Dilingiliscə
Janranimasiya sitkomu
elmi fantastika
qara komediya
Rəngrəngli
Mövsüm sayı3
Seriya sayı31 (seriya siyahısı)
Seriya vaxtı22 dəq.
Davametmə müddəti2 dekabr 2013 – hazırda
TelekanalAdult Swim
Format1080i (16:9 HDTV)
Xarici keçidlər
Rəsmi sayt

Rik və Morti (ing. Rick and Morty) – Castin Royland ilə Den Harmon tərəfindən yaradılmış və Cartoon Network telekanalının Adult Swim gecə televiziya blokunda yayımlanan ABŞ elmi fantastikaqara komediya sitkomu. Serial heç nədən çəkinməyən çılğın alim Rik Sançez və onun şıltaq, tez yola gələn nəvəsi Morti Smitin başına gələn macəralardan bəhs edir. Onlar vaxtlarının çoxunu müxtəlif ölçülü dünyalarda keçirirlər. Royland baş qəhrəmanları səsləndirir. Kris Parnell, Spenser QremmerSara Çok ailənin qalan üzvlərini səsləndirirlər. Serialın premyerası 2 dekabr 2013-cü ildə baş tutmuşdur.

Animasiya serialı Harmonun Channel 101 adlı qısa film festivalı üçün Royland tərəfindən "Gələcəyə qayıdış" filminin qısa parodiya filmi olaraq yaradılmış "Doktor və Martinin real animasiya macəraları"ndan ilhamlanaraq yaradılmışdır. Adult Swim Harmona televiziya verilişi ideyası ilə yanaşanda o və Royland bu qısa parodiya filmindən istifadə etməyə qərar vermişdirlər.

2014-cü ilin yanvarında ikinci mövsümü anons edilmiş və 26 iyul 2015-ci ildə premyerası baş tutmuşdur. 2015-ci ilin avqustunda üçüncü mövsümü açıqlanmış və anons edilmədən (1 aprel zarafatı olaraq) 1 aprel 2017-ci ildə ilk seriyası yayımlanmışdır. Qalan seriyaları isə iyul ayından həftəlik olaraq yayımlanmışdır.[1] Animasiya serialı orijinallığına, yaradıcılığına və yumoruna görə tənqidçilərin müsbət rəylərini almışdır.

Məzmun[redaktə | əsas redaktə]

Personajlar[redaktə | əsas redaktə]

Animasiya serialında hadisələr Smit ailəsinin üzvləri ətrafında cərəyan edir: məktəb, evliliksevgi kimi şeylərdən qaçınan qəribə və alkoqolik çılğın alim Rik Sançez; Rikin 14 yaşlı mehriban, amma kövrək nəvəsi Morti Smit; Mortinin 17 yaşlı böyük bacısı, adi yeniyetmə, dostları arasındakı statusunu düzəltməyə çalışan, bəzən Rik və Mortinin macəralarında iştirak edən Sammer Smit; Rikin qızı, evin başçısı, evliliyindən narazı olan və at cərrahı kimi işləyən Bet Smit; Betin əri olan, saf düşüncəli, digərlərinə güvənməyən və Rikin ailəyə pis təsir göstərdiyini düşünən Cerri Smit.

Qurma[redaktə | əsas redaktə]

Rik və Mortinin macəraları sonsuz sayda reallıqdan ibarət olan multikainatda baş verir. Personajlar portaldan və ya Rikin uçan maşınından istifadə edərək müxtəlif planetlərə və ölçülərə səyahət edirlər. Castin Roylanda görə ailə Vaşinqton ştatının Sietl şəhərinin xaricində yaşayır.[2]

Seriyalar[redaktə | əsas redaktə]

Mövsümlər Seriyalar Orijinal yayım
İlk yayım Keçmiş yayım
1 11 2 dekabr 2013 (2013-12-02) 14 aprel 2014 (2014-04-14)
2 10 26 iyul 2015 (2015-07-26) 4 oktyabr 2015 (2015-10-04)
3 10 1 aprel 2017 (2017-04-01) 1 oktyabr 2017 (2017-10-01)

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Rik və Morti ilə əlaqəli mediafayllar var.