Rimyonsu şəlaləsi

Vikipediya, azad ensiklopediya
Jump to navigation Jump to search
Rimyonsu
kor. 리명수폭포
Rimyongsu Falls4.jpg
2011-ci ildə çəkilmiş foto
Ölkə Şimali Koreya Şimali Koreya
Region
  • Yanqando
Rayon
  • Samciyen
Çay Rimyonsu
Hündürlüyü 15 m
Eni 27 m
Rimyonsu xəritədə
Rimyonsu
Rimyonsu
Commons-logo.svg Vikianbarda əlaqəli mediafayllar

Rimyonsu (İmyonsu-Pxokpxo) (kor. 리명수폭포, 鯉明水瀑布) — Koreya Xalq Demokratik Respublikasında şəlalə. Şəlalə ölkənin şimal-şərqində, Yanqando regionunun Samciyen rayonunda, Rimyonsu fəhlə qəsəbəsi yaxınlığında yerləşir. Rimyonsu şəlaləsi Mancuriya-Koreya dağları bölgəsində (şimali-şərqdə — Somusan-Mubon yaylası, cənub-qərbdə — Sobeksan-Potxes yaylası) formalaşıb. KXDR-nın simvolu olan Pektusan dağı (vulkan) şəlalənin şimal-şərqindədır[1]. Şəlalədən 700 metr şimal-qərbdə eyni adlı Rimyonsu dəmiryol stansiyası yerləşir. Yeraltı suların yer səthinə çıxması nəticəsində formalaşıb. Şəlalə əslində qayalıqdan səthə çıxan böyük bir bulaqdır.

Ümumi məlumat[redaktə | əsas redaktə]

Şəlalədə qurulmuş kiçik SES

Qrunt suları bazalt qayalar üzərindən bir başa çaya tökülür. Şəlalənin hündürlüyü — 15 metr, eni isə — 27 metrdir. Beş fərqli axımdan ibarət şəlalə həm də onlarca kiçik axımlara ayrılır. Suyun axdığı bazalt qaya iki pilləkənli formadadır. Yuxarı pilləkənin hündürlüyü — 7 m, aşağı pilləkən isə — 8 metr hündürlüyündədir.[2]

Miniatür şəlalələrdən ibarət Rimyonsu uzaqdan çox cəlb edici görsənir. Qara qaya parçası üzərində təmiz , şəffaf su və çay çox gözəl mənzərə yaradır. Şəlaləni əhatə edən sıx meşə örtüyü ayrıca olaraq diqqəti cəlb edir. İlin fəsillərindən asılı olaraq şəlalənin görünüşü dəyişir. Yaz aylarında şəlalənin suyu daha bol və ətraf mənzərə daha gözəl olur. Açıq və günəşli havada tez-tez şəlalə ətrafında göy qurşağı yaranır. Qış aylarında şəlalə qismən donur, donmayan su buz altı ilə axır. Yer altından çıxan nisbətən isti su və soyuq hava ətrafda duman və qrov əmələ gətirir.

Rimyonsu şəlaləsi yeraltı şəlalələr tipinə aiddir. Bu baxımdan şəlalə 1980-cı il yanvar ayında Koreya Xalq Demokratik Respublikasının Milli Təbəti Qoruma Birliyi tərəfindən qeydiyyata alınmış və 345 nömrəli təbiət abidəsi kimi qorunur.[3] Şəlalə üstündə belveder inşa edilmiş. Beldavar şəlalə və ətraf ərazinin müşahidə edilməsinə xidmət edir.

Formalaşması[redaktə | əsas redaktə]

Ərazinin panoraması

Şəlalə çayın eroziyası nəticəsində meydana gəlmiş. Rimyonsu çayı kembriyə qədərki bazalt süxurlarını, eləcədə kaynozoy erasının dördüncü dövr püskürmə süxurlarını parçalamış və qrunt suları səthə çıxmışdır. Bazalt süxurlarının məsamələri ilə axan qrunt suları sonda çay kənarına çataraq şəlaləni formalaşdırır. Uzaqdan şəlalə böyük bir yelpiyi xatırladır. Hər bir kiçik axımlarda öz-özlüyündə kiçik yelpiklər əmələ gətirir. Əslində şəlalənin suyu çay üzərində yaradılmış süni gölə tökülür. Yaxınlıqda kiçik SES qurulub.

İstinadlar[redaktə | əsas redaktə]

Ədəbiyyat[redaktə | əsas redaktə]

  • Ким Чхан Сон. О Корее. В 2 т. Т. 1. Приода / Ким Чхан Сон ; пер. Чо Гён Гук, У Чон Хван : под общ. ред. Ким Чи Хо. — Пхеньян : Изд. лит. на ин. яз., 105 чучхе (2016). — 78 с. — С. 57.
  • Пак Тхэ Хо. Водопад Лимёнсу. Пак Тхэ Хо. Корея сегодня. 104 чучхе (2015). ISSN 1727-8996