Riqa motormuzey

Vikipediya, azad ensiklopediya
Jump to navigation Jump to search
Riqa motormuzey
Fotoqrafiya
Əsası qoyulub 1989
Yerləşir S. Eyzenşteyn küçəsi, 6,
Riqa, Latviya
Telefon (+ 371) 7097170
İş rejimi 1 may – 15 oktyabr: hər gün 10.00–17.00 (ç. – 19.00 qədər)
16 oktyabr – 30 aprel: Ç., Ç a., C., Ş., B. 11.00–17.00 ; B.e., Ç.a. – bağlıdır
http://www.motormuzejs.lv
Commons-logo.svg Vikianbarda əlaqəli mediafayllar

Riqa motormuzey (latış. Rīgas motormuzejs‎) — Riqada mövcud olan, XIX əsrin sonlarından XX əsr sonuna qədər istehsal olunmuş 230-dan çox avtomobil, motosiklet və mopedlər daxil olduğu muzey. Motor muzeydə idman və hərbi təyinatlı maşınlar, Latviya istehsalı olanlar, lumizinlər və 30-cu illərin avtomobilləri (Vyaçeslav MolotovunLeonid Brejnevin avtomobilləri)[1] saxlanılır.

Muzeyin tarixi[redaktə | əsas redaktə]

Muzey 21 iyul 1972-ci ildə SSRİ-də Latviya Antik Avtomobil Klubunun bir çox aktivistlərin təşəbbüsü ilə təşkil edilir. AAK antik avtomobillər və motosikletlərin bərpası ilə məşğul olan bir ictimai təşkilat kimi qeydə alınır.

Antik Avtomobillər Klubunun arzusu tematik olaraq 1985-ci ildə reallaşır. Latviya Sovet Sosialist Respublikası Nazirlər Sovetinin 4 dekabr 1985-ci il 586 saylı qərarına əsasən texniki yaradıcılıq, sərgi və istirahət mərkəzi təsis edilməsi qərarına gəlinir. 6 iyun 1986-ci ildə latviyalı memar Viktor Valqums tərəfindən hazırlanmış layihə əsasında muzey binası üçün təməl daşı qoyuldu.

Riqa Motormuzeyinin açılış tarixi 22 aprel 1989-cu ildə baş vermişdir. 1 iyul 1992-ci ildə Riqa motormuzeyi Latviya Respublikası Rabitə Nazirliyi nəzdində dövlət statusu alır.

2 iyul 2016-ci ildə Riqa Motor Muzeyinin yenidən qurulduqdan sonra yenidən açılmışdır. Üç il davam edən təmir sonunda müzeyin daxili görünüşü tamamən dəyişmişdir.

Ekspozisiya[redaktə | əsas redaktə]

  • «Latviyada istehsal olunanlar»;
  • «Kreml dayanacağından olan avtomobillər»;
  • «Hərbi texnika»;
  • «Auto Union» konserninin və digərlərinin kolleksiyaları.

Həmçinin burada təqdim olunan müxtəlif motosikletlər (demək olar ki, bütün Zundapp və BMW ailəsi), Riqa mopedləri, velosipedlər, stasionar və qayıq motorları və s. vardır.

Faktlar[redaktə | əsas redaktə]

  • Muzeyin ərazisi 16 856 m². Binanın ümumi sahəsi — 6 909 m², həmçinin 3 496,7 m² və ya 50,4 % — kirayəyə verilir. Sərgi zalları üç mərtəbədə yerləşir. Sərgi zallarının ümçumi sahəsi — 3 278 m²-dir.
  • Muzey fonduna 16 927 ədəd eksponat daxildir. Saxlanc yerlərinin sahəsi 620,4 m² (196,1 m² muzeyin birinci mərtəbəsində), 424,3 m² anqar. Muzey fondundan əlavə nadir ixtisaslaşdırılmış 1.470 ədəd kitabı olan kitabxanasıda var (bütün məlumatlar 1 yanvar 2005-ci ilə aiddir).
  • Muzeyin Latviya və bəzi Avropa ölkələrindən antikvar avtomobillərin təmir sifarişini həyata keçirən emalatxanasıda vardır.
  • Muzeydə saxlanılan bir çox nümünələrə ancaq burada rastlamaq mümkündür. Məsələn REAF-50.

İstinadlar[redaktə | əsas redaktə]

Mənbə[redaktə | əsas redaktə]