Rixter şoranı

Vikipediya, azad ensiklopediya
Jump to navigation Jump to search
?Rixter şoranı
Salsola richteri
Elmi təsnifat
Aləmi:Bitkilər
Şöbə:Örtülütoxumlular
Sinif:İkiləpəlilər
Yarımsinif:Kariofillid
Sıra:Qərənfilçiçəklilər
Fəsilə:Pəncərkimilər
Cins:Şoran
Növ: Rixter şoranı
Elmi adı
Salsola richteri
Commons-logo.svg
Şəklin VikiAnbarda
axtarışı
IPNI  ???

Rixter şoranı (lat. Salsola richteri) — pəncərkimilər fəsiləsinin şoran cinsinə aid bitki növü.

Təbii yayılması[redaktə | əsas redaktə]

Orta Asiyada, səhra zonasında bitir.

Botaniki təsviri[redaktə | əsas redaktə]

Hündürlüyü 2-3 (5), diametri 2 m-dək zərif çətirli və dərin kök sistemi olan kol və ya ağacdır. Nazik birillik zoğların qabığı ağ, parlaq, bəzən qısa tükcüklü, qoca budaqlarda və gövdədə açıq-bozdur. Gövdəsinin diametri 10-15 sm-dir. Yarpaqları növbəli, sulu, təxminən sapşəkilli, uzunluğu 40-80 və qalınlığı 1-2 mm, seyrək və qısa tükcüklü, bir az ağımtıl və ya çılpaq, bünövrəsində qalınlaşmış, yuxarıya uzanmışdır. Çiçəkləri tək, çiçəkaltlığı yarpaqlarının qoltuqlarında oturur və xüsusi zoğlarda sünbülvari çiçək qrupu əmələ gətirir. Bu cür zoğların oxu nazik, nahamar olub, vegetasiyanın sonunda 50-100 sm-dək uzanır. Erkəkcikləri 5-dir, tozluqları alt tərəfdə yayılan, üstü kiçik, sarımtıl,uzunsov-yumurtavari örtüklü, çıxıntılı; yumurtalığı yuxarı, uzunsov sütuncuqlu və iki qanadlı dişicik ağızlıdır. Meyvələri quru,bozumtul qanadlı, diametri 10-15 (20) mm olan birtoxumlu qozalardır. Toxumları spiral, horizontal yerləşmiş nüvəlidir. Toxumlarla çoxalır. Çiçəkləmə dövrü mayın axırlarından və iyundan sentyabra qədər uzanır; iyuldan payızın axırlarınadək meyvə verir.

Ekologiyası[redaktə | əsas redaktə]

Quraqlığa və istiyə davamlı olub, şorakətləşmiş quru, qumlu torpaqlarda bitir.

Azərbaycanda yayılması[redaktə | əsas redaktə]

Qobustanda, Naxçıvan düzənliklərində, təbii halda bitir.

İstifadəsi[redaktə | əsas redaktə]

Meyvələri müalicəvi məqsədlər üçün istifadə edilir.

Məlumat mənbəsi[redaktə | əsas redaktə]