Robert Qoddard

Vikipediya, açıq ensiklopediya
Keçid et: naviqasiya, axtar
Robert Qoddard
Dr. Robert H. Goddard - GPN-2002-000131.jpg
Doğum tarixi: 5 oktyabr 1882(1882-10-05)
Doğum yeri: Vorçester, ABŞ
Vəfatı: 10 avqust 1945 (62 yaşında)
Vəfat yeri: Baltimor, ABŞ

Robert Qoddard (ing. Robert Goddard) amerikalı alim və raket mühəndisi. Onun raket texnikası üzrə apardığı işlərin əhəmiyyəti vəfatından sonra tanınmışdır.

Həyatı[redaktə]

Qoddard ilk təhsilini Klark Universitetində alır. O 1910-cu ildə burada elmi işini müdafiə edərək alimlik dərəcəsinə yiyələnir.

1918-ci ildə Qoddard artıq tank əleyhinə Bazuka raketinin yaradılması ilə məşğul olur. Onun bu ideyası I Dünya Müharibəsindən sonra 1945-ci ildə həyata keçir. Onlar II Dünya Müharibəsində geniş tətbiq olunurlar.

O, təkcə raketlərə aid nəzəri problemlərin həlli ilə yox, həm də praktikada tətbiq oluna biləcək texnikanın yaradılması ilə məşğul olur. O ilk dəfə olaraq sübut edir ki, vakuumda raket mühərrikləri itələmə qüvvəsi yaratmaq qabiliyyətinə malikdirlər.

Qoddard 1916-cı ildən başlayaraq maye yanacaqla işləyən raketlərin düzəldiməsi ilə məşğul olur. 1925-ci il dekabrın 16-da o ilk dəfə olaraq düzəltdiyi raketi sınaqdan keçirir. Onun raketi havada cəmi 2,5 saniyə qalaraq 14 metr hündürlüyü fəth etsə də, bu onun ideyalarının düzgün olduğunu sübut etmişdir.

1930-cu ildən başlayaraq Qoddard Rosveldə sayca 5-ci olan raket sınağını hazırlayır. Bu raket 610 metr hündürlüyə qalxaraq 800 km/saat sürət yığır. Burada o uçuşun stabilləşdirilməsi problemini anlayır.

Üç il fasilədən sonra 8 mart 1935-ci ildə o növbəti raketini uçuşa buraxır. Bu raket 1125 km/saat sürətlə uçur. 28 mart 1935-ci ildə onun növbəti stabilləşdirici qurğu ilə təchiz olunmuş raketi isə 1460 m hündürlüyə qalxaraq 4000 metr məsafəyə uçur.

Sonrakı illərdə Qoddardın raket üzrə apardığı işləri 1934-cü ildən almanlar tərəfindən qabaqlanır.

Goddard 1945-ci ildə 63 yaşında bir boğaz əməliyyatından aldığı zədədən vəfat edir.

Robert Qoddardın həyatı və düzəltdiyi raketlər haqqında film

Xarici keçidlər[redaktə]