RoboKop (film, 1987)

Vikipediya, açıq ensiklopediya
Keçid et: naviqasiya, axtar
RoboKop
RoboKop (film, 1987).jpg
Orijinal ad: ing. RoboCop
Rejissor: Pol Verhoven
Ssenari müəllifi: Edvard Noymayer
Maykl Mayer
Bəstəkar: Bazil Poliderus
Al Yorqensen
Nivek Oqre
Rollarda: Piter Ueller
Nensi Allen
Ronni Koks
Kevin Peyc
Janr: Döyüş filmi
İlk baxış tarixi: Flag of the United States.svg 17 iyul 1987
Flag of Australia.svg 17 sentyabr 1987
Flag of Argentina.svg 17 sentyabr 1987
Dil: İngilis dili
Ölkə: Flag of the United States.svg ABŞ
İstehsalçı qurum: Orion Pictures
Filmin növü: Macəra
Elmi fantastika
Vaxt: 102 dəqiqə
İl: 1987
Büdcəsi: $13 milyon[1]
Gəliri: $53.4 milyon[1]
Filmin davamı: RoboKop 2
IMDb səhifəsi

RoboKop (ing. RoboCop) — 1987-ci ildə Edvard Noymayer və Maykl Mayerin ssenarisi əsasında Pol Verhoven tərəfindən çəkilən fantastik janrlı ABŞ filmdir.[2] Baş rolları Piter Ueller və Nensi Allen ifa edir. Filmdə Detroyt şəhərində baş verən cinayətlərin qarşısını "RoboKop" tərəfindən alınacağı göstərilir.

Məzmun[redaktə | əsas redaktə]

2020-ci illər, gələcək zaman. ABŞ-ın Miçiqan ştatının Detroyt şəhərinə məxsus "Omni Consumer Products" (OCP) şirkəti robototexnikaya görə dünyada ən layiqli yerlərdən birini tutur. Bu robotların sayəsində ABŞ bir çox müharibələrdə qələbə qazanır. "OCP" şirkətinin vitse-prezidenti Riçard "Dik" Cons görüş zamanı əməkdaşlarına yeni yaradılan ED-209 robotunun fəaliyyəti haqqında danışmağa başlayır. Lakin bu zaman robot idarədən çıxır və Kinni adlı işçini öldürür. Bu hadisədən sonra Robert "Bob" Morton «RoboCop» adlı layihəsini "OCP" şirkətinin başçısına təqdim edir və uğur qazanır. Bu hadisədən sonra Consun Mortona qarşı mənfi münasibət bəsləyir.

Detroyt şəhərinin polislərindən olan Aleks Mörfi, əməkdaşı Enn Lüis ilə birlikdə cinayətkarların izinə düşmüşdür. Cinayətkar heyətinin başçısı Klarens Boddikerdir. Aleks Mörfi onlarla mübarizə aparan zaman həyatını itirir. Bir neçə müddətdən sonra "OCP" şirkətinin işçiləri qərara gəlirlər ki, xüsusi əməliyyat sayəsində Aleks Mörfini robot polisinə çevirsinlər. Bir müddət sonra Aleks Mörfi həyata qayıdır və "RoboKop" (ing. robotic cop) ləqəbini qazanır. "RoboKop" keçmiş həyatını xatırlamır. Müəyyən müddətdən sonra "RoboKop" keçmiş əməkdaşı Enn Lüisi görür və yadına əvvəlki hadisələr düşməyə başlayır. Bir müddət sonra "RoboKop" şəhərdə çoxlu sayda cinayətlərin qarşısını almağı bacarır və bu da Robert "Bob" Mortona müvəffəqiyyət qazandırır. Lakin Cons onu öldürmək niyyətindədir. Klarens Boddiker onun tapşırığı sayəsində Mortonu öldürür.

Klarens Boddikerin izinə düşür və onun bandasının müqavimətini dəf edir. Bu zaman Klarensin Riçard "Dik" Consa işlədiyini öyrənir. "RoboKop" Consu həbs etmək üçün onun iş yerinə yollanır. Consla danışıq zamanı "RoboKop" onun "Direktiv №4" adlı planı haqqında məlumat əldə edir. Bu plana görə "OCP" şirkətinin başçıları həbs edilməkdən azad olmalıdır. "RoboKop" onu həbs etmək qərarına gəlir. Lakin Cons inkişaf etdirilmiş ED-209 robotunu onun üzərinə göndərir. "RoboKop" ED-209 robotuna qarşı mübarizə aparmağa başlayır. Bu zaman Enn Lüis onu xilas edir və buradan uzaqlaşmağı bacarırlar.

Cons həbs edilən Klarensi və onun əməkdaşlarını azad edərək, "RoboKop" və Enn Lüisi tapmağa göndərir. Onlar Consun sayəsində müasir silahlar əldə edərək, şəhərdə yerləşən istifadəsi dayandırılmış zavoda yollanırlar. Məhz burada "RoboKop" cinayətkar heyəti ilə mübarizədə ölmüşdür. Bu müddətdə "RoboKop", Enn Lüis ilə birgə onlar üçün müxtəlif tələlər hazırlamağa başlayır. Bir müddət sonra cinayətkar dəstəsi zavoda daxil olur və "RoboKop" onlarla mübarizə aparmağa başlayır. Mübarizənin sonunda "RoboKop", Enn Lüis ilə birgə cinayətkar dəstəsini məhv edir və Klarens Boddikeri öldürür.

Bir müddət sonra Riçard "Dik" Cons "OCP" şirkətində görüş keçirir. Bu zaman "RoboKop" şirkətə gəlir və ED-209 robotunu məhv edir. "RoboKop" Consun planlarını pozaraq, onun planı haqqında şirkətdəki şəxslərə məlumat verir. Lakin bu zaman Cons yaşlı şəxsi əsir edərək, buradan qaçmaq üçün onlardan vertolyot tələb edir. "RoboKop" onun müqavimətini dəf edir və çoxlu sayda atəş açaraq, onu öldürür. Yaşlı şəxs ona təşəkkür edir və adını soruşur. "RoboKop" isə cavabında "Mörfi" deyir.

İstinadlar[redaktə | əsas redaktə]

  1. 1,0 1,1 "Box Office Information for RoboCop". Box Office Mojo. http://boxofficemojo.com/movies/?id=robocop.htm. İstifadə tarixi: March 21, 2012.
  2. "RoboCop (1987) - Paul Verhoeven - Cast and Crew". AllMovie. All Media Guide. http://www.allmovie.com/movie/robocop-v41702/cast-crew. İstifadə tarixi: 28 June 2015.

Xarici keçidlər[redaktə | əsas redaktə]

Həmçinin bax[redaktə | əsas redaktə]