Rockstar San Diego

Vikipediya, azad ensiklopediya
Naviqasiyaya keçin Axtarışa keçin
Rockstar San Diego
Loqonun şəkli
Ümumi məlumatlar
Sənaye videooyun sənayesi[d]
Təsis tarixi yanvar 1984[1]
Baş qərargahın yeri
Struktur
Ana şirkət Rockstar Games[1]

Rockstar San Diego (əvvəllər – Angel Studios, Inc.) — ABŞ-nin Kaliforniya ştatının Karlsbad şəhərində təsis edilmiş və videooyunların istehsalında ixtisaslaşan studiya. 1984-cü ildə Kolumbiya incəsənət xadimi və biznesmeni Dieqo Angel tərəfindən təsis edilmiş şirkətin ilk dövrlərdə diqqət mərkəzində film və kliplər kimi multimediya məhsulları üzrə ixtisaslaşan kompaniyalar üçün animasiya və vizual effektləri hazırlamaq var idi. Şirkət Angelin yüksək riskli biznes sektorlarından yayınmaq biznes strategiyasından sonra – 1990-cı illərdə videooyun sənayesində işləməyə başlamışdır. Onun ilk videooyun layihələri "Ecco: The Tides of Time" (1994) və "Mr. Bones" (1996) idi. Angelin özü bu videooyunlar üçün videoçarxlar hazırlamışdır.

Şirkət "Nintendo" ("Major League Baseball Featuring Ken Griffey Jr." və "Ken Griffey Jr.'s Slugfest"), "Microsoft" ("Midtown Madness" və "Midtown Madness 2") ilə əməkdaşlıq edərək öz videooyunlarını istehsal edirdi. Buna əlavə olaraq, şirkət "Capcom" ilə əməkdaşlıq edərək "Resident Evil 2" videooyununu "Nintendo 64" platformasına portlaşdırmışdır. Studiyanın "Midtown Madness" videooyunundakı etdiyi işdən heyran qalan "Rockstar Games" 1999-cu ildə uzunömürlü partnyorluq təklifi ilə "Angel Studios" studiyası ilə danışıqlara başlamışdır. Bu dövrdə "Midnight Club" və "Smuggler's Run" videooyun seriyaları yaradılmışdır.

"Angel Studios" 2002-ci ilin noyabr ayında "Rockstar Games" korporasiyasının ana şirkəti olan "Take-Two Interactive" tərəfindən satın alınmış və "Rockstar San Diego" adı altında "Rockstar Games" qrupuna qoşulmuşdur. "Rockstar San Diego" 2004-cü ildən bəri "RAGE Technology Group" komandasına ev sahibliyi edir, hansı ki, "Rockstar Games" şirkətinə malik olan "Rockstar Advanced Game Engine" videooyun mühərrikini istehsal edir. "Rockstar Games" bu videooyun mühərrikindən kompüterlər və konsollar üçün istehsal elətdirdiyi videooyunların əksəriyyətində istifadə edir.

Oyunlar[redaktə | mənbəni redaktə et]

Angel Studios kimi[2]

  • Major League Baseball Featuring Ken Griffey, Jr. (1998) (N64)
  • Virtual Jungle Cruise - DisneyQuest (1998)
  • Resident Evil 2 (1999) (N64)
  • Ken Griffey Jr.'s Slugfest (1999) (N64, GBC)
  • Midtown Madness (1999) (PC)
  • Savage Quest (1999)
  • Pirates - GameWorks (1999)
  • Smuggler’s Run (2000) (PS2)
  • Midtown Madness 2 (2000) (PC)
  • Midnight Club: Street Racing (2000) (PS2)
  • Smuggler’s Run 2: Hostile Territory (2001) (PS2)
  • Test Drive Off-Road Wide Open (2001) (Xbox, PS2)
  • Transworld Surf (2001) (Xbox, PS2, GameCube)
  • Smuggler’s Run: Warzones (2002) (GameCube)

Rockstar San Diego kimi[3]

  • Midnight Club II (2003) (PS2, Xbox, PC)
  • Red Dead Revolver (2004) (PS2, Xbox)
  • Midnight Club 3: DUB Edition (2005) (PSP, PS2, Xbox) (Rockstar Leeds ilə birlikdə)
  • Midnight Club 3: DUB Edition Remix (2006) (PS2, Xbox)
  • Rockstar Games presents Table Tennis (2006) (X360, Wii) (Rockstar Leeds ilə birlikdə)
  • Midnight Club: Los Angeles (2008) (PS3, X360)
  • Midnight Club: LA Remix (2008) (PSP) (Rockstar London ilə birlikdə)
  • Red Dead Redemption (2010) (PS3, X360, XOne) (Rockstar North ilə birlikdə)
  • Red Dead Redemption: Undead Nightmare (2010) (PS3, X360) (Rockstar North ilə birlikdə)
  • Red Dead Redemption 2 (2018) (PS4, XOne) (Rockstar North ilə birlikdə)

İstinadlar[redaktə | mənbəni redaktə et]

  1. 1,0 1,1 https://www.polygon.com/2020/4/16/21222700/diego-angel-colombia-rockstar-san-diego.
  2. Meynink, Todd (28 İyul, 2000). "Postmortem: Angel Studios Arxivləşdirilib 2018-12-10 at the Wayback Machine' Resident Evil 2 (N64 Version), Page 3 of 3". Gamasutra. İstifadə tarixi: 30 Oktyabr, 2017.
  3. Gamespot Staff (12 yanvar, 2010). "Midnight Club canceled at beleaguered Rockstar San Diego? Arxivləşdirilib 2017-11-07 at the Wayback Machine". GameSpot. İstifadə tarixi: 30 oktyabr, 2017

Xarici keçidlər[redaktə | mənbəni redaktə et]