Rodeo

Vikipediya, açıq ensiklopediya
Jump to navigation Jump to search
"Vəhşi" öküzü çapma

Rodeo - Meksikalı və ABŞ-lı kovboylar arasında yaranmışdır. İlk vaxtlar rodeo təkcə vəhşi atları, öküzləri əhilləşdirmək üçün edilirdisə daha sonrakı dövrdə əyləncəyə və idmana çevrildi. Rodeo idmanının bir neçə növü var: "Vəhşi" öküzü çapma, yəhərli ya da yəhərsiz at çapma, kəmənd (lasso) ilə öküz tutma, öküzü yıxma və.s. Ən tanınmışı və hamının rodeo bildiyi öküz və ya at çapmadır. Kovboy 8 saniyə boyunca öküzün belində qalmalı, yalnız bir əli ilə öküzdən tutmalıdır. Digər əli isə nə öküzə nə də özünə toxunmamalıdır. Yarışçının ayağı üzəngidən çıxarsa, cilovu əlindən buraxarsa ya da atdan yıxılarsa uduzmuş sayılır. Atın ya da öküzün şaha qalxması üçün onlara ayrıca qayış taxırlar. Yarışçı öküzün belinə mindikdən və qapılar açıldıqdan sonra arxada duran adam həmin qayışı möhkəmcə sıxır və bununla heyvan güclü ağrılar keçirir. Ona görə də acıqlanan heyvan durmadan şaha qalxır, atılıb-düşür ki, minicisini belindən atsın. İki hakim həm kovboya həm də heyvana 1 - 25 arası xal verirlər. Yarışlara qabaqlar qadınlar da qatılırdı. Ancaq 1929-ci ildə Bonni MakKerrolun ölümü qadınların bu idmana olan istəyini azaltdı. İndi qadınlar rodeonun daha təhlükəsiz növlərinə qatılırlar. Başlıca yarış hər il dekabrda Las-Veqasda keçirilir. Ən tanınmış rodeo kovboylarının illik qazancı 100 000 dollara çatır. Castin Mak Brayd adlı dəliqanlı kovboy bütün karyerası boyunca 5 milyon dollar qazanmışdır.

Mənbə[redaktə | əsas redaktə]