Rosa glanduloso-setosa

Rosa glanduloso-setosa
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Qızılgülkimilər Triba: Roseae Cins: İtburnu Növ: Rosa glanduloso-setosa
Beynəlxalq elmi adı
Rosa glanduloso-setosa Gadzh., 1977
Şəklin VikiAnbarda axtarışı

Rosa glanduloso-setosa (lat. Rosa glanduloso-setosa) — bitkilər aləminin gülçiçəklilər dəstəsinin gülçiçəyikimilər fəsiləsinin i̇tburnu cinsinə aid bitki növü.

Təbii yayılması

Avropada, Qafqazda təbii halda yayılmışdır.

Botaniki təsviri

Hündürlüyü 20-25 sm, gövdəsinin qabığı tünd qonur olan kolcuqdur. Tikanları iynəşəkilli, qılçıqlı, vəzicikləri oturaqdır. Orta yarpaqların uzunluğu 4-7 sm-dir. Xırda yarpaqları 7 ədəd, alt cütlükdə inkişaf etməmişdir, digərləri bir-birindən uzaqdır. Uzunluğu 0,7-1,8 sm, eni 0,4-1,2 sm, enli-yumurtavari, sarımtıl-yaşıl, üstü çılpaq və hamar, alt tərəfi tükcüklü, oturaqdır. Yalançı zoğları ensizdir, əsas oxu tükcüklü vəziciklərlə örtülmüşdür. İyun-iyul aylarında çiçəkləyir. Çiçəkləri tək, bəzən 2-dir. Çiçək saplağının uzunluğu 1,5 sm, vəziciklidir. Çiçək altlığı yaxşı inkişaf edərək çiçək saplağını örtür. Kasayarpaqları bütöv, uzunluğu 2,5-3 sm, alt tərəfdən tükcüklü, üstdən çox vəzicikli, alt tərəfində qılçıqlıdır, çiçəklədikdən və meyvə yetişdikdən sonra yuxarıya istiqamətlənmişdir. Ləçəkləri tünd çəhrayıdır. Sütuncuqların başı oturaq, keçəli tükcüklüdür. Meyvələri (hipantiləri) şarşəkillidir, yetişdikdə tünd qırmızı rəngdə olur.

Ekologiyası

Dəniz səviyyəsindən 1550 m hündürlükdə, dağların qərb yamacında bitir. İstyə, soyuğa, davamlıdır.

Azərbaycanda yayılması

Lerik rayonunun Orant və Nisli kəndində, həmçinin Lənkəran çay ətrafında yayılmışdır.

İstifadəsi

Ləçəklərindən alınan yağdan tibbdə istifadə edilir.