Roza Otunbayeva

ROZA OTUNBAYEVA
qırğ. Роза Исаковна Отунбаева
Doğum tarixi	23 avqust 1950
Doğum yeri	Qırğızıstan
Vətəndaşlığı	SSRİ
Təhsili	M.V.Lomonosov adına Moskva Dövlət Universiteti
Fəaliyyəti	siyasətçi, diplomat
Vikianbarda əlaqəli mediafayllar

Roza Otunbayeva (d. 23 avqust 1950) — Qırğızıstanda baş verən 7 aprel 2010-cu ildə qarşıdurmalardan sonra yaradılan müvəqqəti hökumətin rəhbəri.

Həyatı

Roza Otunbayeva 1950-ci ildə Qırğızıstanda anadan olub. 1972-ci ildə Moskva Dövlət Universitetinin fəlsəfə fakültəsini bitirib. Fəlsəfə elmləri namizədidir. Qırğızıstan Dövlət Universitetinin (indiki Qırğız Milli Universiteti) kafedra müdiri olub.

1981-ci ildə partiya işinə keçib. Frunze (indiki Bişkek) Şəhər Partiya Komitəsinin ikinci katibi işləyib.

1986-1989-cu illərdə Qırğıstan Nazirlər Soveti sədrinin müavini, xarici işlər naziri postunu tutub.

1986-1991-ci illərdə SSRİ Xarici İşlər Nazirliyinin YUNESKO məsələləri üzrə komissiyasına rəhbərlik edib.

1992-ci ildə Qırğızıstan baş nazirinin müavini, xarici işlər naziri, həmin ildən 1994-cü ilə qədər Qırğızıstanın ABŞ və Kanadada səfiri vəzifələrində çalışıb.

1994-1997-ci illərdə yenidən xarici işlər naziri olan Otunbayeva 1997-2002-ci illərdə ölkəsini Böyük Britaniya və İrlandiyada səfir kimi təmsil edib.

2002-ci ildən BMT baş katibinin Gürcüstandakı xüsusi nümayəndəsinin müavini postunda çalışıb.

2004-cü ildə ölkəsinə dönərək “Ata-Yurt” müxalif hərəkatının yaradıcılarından olub. Əsgər Akayev prezident postundan devriləndən sonra xarici işlər vəzifəsinə gətirilib. Ancaq 2005-ci il prezident seçkisindən sonra parlament onu nazir postuna təsdiqləməyib.

2007-ci ildən Qırğızıstan parlamentinin deputatı, 2009-cu ildən sosial demokrat fraksiyasının rəhbəridir.

Qırğızıstanda baş verən 7 aprel 2010-cu ildə qarşıdurmalardan sonra yaradılan müvəqqəti hökumətin rəhbəridir.

Qırğız, rus, ingilis, alman, fransız dillərini bilir.

Həyat yoldaşından boşanmış Roza Otunbayeva bir qız, bir oğul anasıdır.