Rufino Tamayo

Vikipediya, azad ensiklopediya
Jump to navigation Jump to search
Rufino Tamayo
isp. Rufino del Carmen Arellanes Tamayo
Rufino Tamayo.jpg
Rufino Tamayo 1945-ci ildə.
Doğum tarixi 25 avqust 1899(1899-08-25)
Doğum yeri Oaxaka, Meksika
Vəfat tarixi 24 iyun 1991 (91 yaşında)
Vəfat yeri Mexiko, Meksika
Milliyyəti Meksikalı
Vətəndaşlığı
Fəaliyyəti rəssam
Təhsili Milli Arxeologiya Muzeyi
Stili Modernizm
Tanınmış işləri Alovla oynayan uşaqlar, Şir və at, Heyvanlar, Pəncərə.
Saytı museotamayo.org/inicio/
Commons-logo.svg Vikianbarda əlaqəli mediafayllar

Rufino Tamayo (tam adı: Rufino del Carmen Arellanes Tamayo; d. 25 avqust 1899 – 24 iyun 1991) — Sapoteki irsinə mənsub olan Meksikalı rəssam, Meksikanın Oaxaka şəhərində anadan olmuşdur.[1][2] Tamayo 20-ci əsrin ortalarında MexikoNyu-Yorkda fəaliyyət göstərmiş və sürrealizmin təsiri ilə abstrakt fiqurlarını[3][4] təsvirlərini yaratmışdır.[1]

Erkən həyatı[redaktə | əsas redaktə]

Valideynlərinin ölümündən sonra Tamayo xalası ilə yaşamaq üçün Mexikoya köçdü. Orada olarkən, o, özünü kiçik bizneslə məşğul olan ailəsinə həsr etdi. Lakin bir müddət sonra, 1917-ci ildə xalası onu incəsənəti öyrənmək üçün San-Karlosdakı Milli Rəssamlıq Məktəbinə apardı.[3] Şagird kimi o dövrdə olan digər məşhur cərəyanlar arasında Kubizm, İmpressinoizmFovizm cərəyanlarından təsirləndi.[3] Burada Tamayo gənc bir rəssam kimi təhsil alsa da, sonralar bu təhsildən razı qalmadı və özü fərdi şəkildə məşğul olmağa başladı. 1921-ci ildə Etnoqrafik Rəsimlər Bölməsində çalışmağa başladı, daha sonra isə bu bölmənin rəhbəri təyin olundu.

Karyerası[redaktə | əsas redaktə]

30-cu illərdə o, monumental əsərlərin yaradılması ilə bağlı bir sıra sifarişlər aldı . Bu əsərlərdə muralist tendensiyaların təsiri açıq-aydın şəkildə hiss olunurdu. Eyni zamanda, Rufino Tamayo öz xüsusi bədii üslubunun inkişafında Amerika xalqlarının incəsənətinin güclü təsiri altında idi.  Rufino Tamayo  əsərlərində daha çox Meksikalıları və onların qayğılarını əks etdirir. Əsərlərində istifadə etdiyi qədim Meksika simvolları və mistik şəkillər tənhalıq, dava və mübahisələr, kədər və digər hisslər isnaların problemlərini daha aydın şəkildə ifadə etmək üçün təsvir edilir. Rufino Tamayo muralist rəssamların ikinci generasiyasına aid edilir.

Rufino Tamayonun rəsm əsərlərində Pablo PikassoJorja Brakanın təsiri daha qabarıq şəkildə hiss olunur.

Əsərləri[redaktə | əsas redaktə]

  • Pəncərə (1932)
  • Rufino və Olqa (1934)
  • İki üzgüçü (1934)
  • Heyvanlar (1941)
  • Şir və at (1942)
  • Alovla oynayan uşaqlar (1947)
  • Gün və gecə (1954)
  • Natürmort (1954)
  • Amerika (1955)
  • Evlilik  (1958)
  • Ayda it (1973)
  • Oxuyan üç personaj (Üç Şənlik) (1981)
  • Çiçəkli kişi (1989)
  • Ay və Günəş (1990)
  • Meksika bu gün

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 Sullivan, 170-171
  2. Ades, 357
  3. 3,0 3,1 3,2 Carlos Suarez De Jesus (2007). "Mexican Master". The Miami New Times. Retrieved October 1, 2007.
  4. The Adani Gallery (2007). "Rufino Tamayo". The Adani Gallery. Retrieved October 1, 2007.

Xarici keçidlər[redaktə | əsas redaktə]