Ruhangiz Qarayeva
| Ruhangiz Qarayeva | |
|---|---|
| Qarayeva Ruhangiz Mehman qızı | |
| Doğum tarixi | 1975 |
| Doğum yeri | |
| Təhsili | |
Qarayeva Ruhangiz Mehman qızı (1975, Marneuli rayonu) — psixologiya üzrə fəlsəfə doktoru, İctimai Televiziyanın Gənclər, Elm və Təhsil Departamentinin direktor müavini və televiziya aparıcısıdır.
Həyatı[redaktə | mənbəni redaktə et]
Ruhangiz Qarayeva Mehman qızı 1975-ci ildə Gürcüstanın Marneuli rayonunda anadan olub. 1992-ci ildə Qaradağ rayonu 106 saylı orta məktəbini bitirib. Elə həmin ildə Bakı Dövlət Universitetinin "Sosial elmlər və psixologiya" fakültəsinin Psixologiya ixtisasına daxil olub.
1997-ci ildə ali təhsilini başa vurub və həmin ildən müəllim kimi Bakı Dövlət Universitetində fəaliyyətə başlayıb. 1998–2005-ci illərdə Qızlar Universitetində müəlim kimi çalışıb. 1999-cu ildə BDU-nun dissertantı olub "Yeniyetmə qızların şəxsiyyətinin etnopsixoloji xüsusiyyətləri" mövzusunda dissertasiyasını 2010-cu idə müdafiə edib, psixologiya üzrə fəlsəfə doktorudur.
2005-ci ildən İctimai Televiziya və Radio Yayımları Şirkətində çalışır. "Psixoloq pəncərəsi" müəllif verlişi ilə aparıcılıq fəaliyyətinə başlayıb. Daha sonra "Virtual – rinq" intellektual verlişinin aparıcısı olub. Hal- hazırda isə "Addım-Addım" verlişinin müəllifi və aparıcısıdır. 2 övladı var.