Running Scared

Vikipediya, açıq ensiklopediya
Jump to navigation Jump to search
Flag of Azerbaijan.svg "Running Scared"
Running Scared cover.jpg
2011 Avroviziya Mahnı Müsabiqəsi mahnısı
Ölkə Azərbaycan
Müğənni(lər) Eldar & Nigar
Dil İngiliscə
Bəstəkar(lar) Stefan Örn, Sandra Bjurman və Iain Farquharson
Sözləri Stefan Örn, Sandra Bjurman
Yarımfinal nəticəsi
Yarımfinal I yarımfinal
Çıxış sırası 18
Yeri 2
Xalı 122
Final nəticəsi
Çıxış sırası 19
Yeri 1
Xalı 221
Xronologiya
◄ Drip Drop (2010)   
When the Music Dies (2012) ►

Running Scared (azərb. Ürküb qaçan) — Azərbaycanı 2011 Avroviziya Mahnı Müsabiqəsində təmsil edən Eldar & Nigar cütlüyünün müsabiqədə ifa etdikləri mahnı. Finalda 221 xalla birinci olmuşdur. Running Scared mahnısının müəllifləri isveçli Stefan Örn, Sandra Byurman və İen Farquhansondur. Bu müəlliflər Avroviziya 2010-da Azərbaycan təmsilçisi Safuranın ifa etdiyi "Drip Drop" mahnısını bəstələmişdilər[1].

Fon[redaktə | əsas redaktə]

Bu mahnıdan əvvəl ifaçıların heç biri kiminləsə duet ifa etməmişdi.[2] Hər iki ifaçı musiqi alətlərində Eldar pianoda, Nigar isə saksafondar ifa etməyi bacarır.[2] "Bizə duet şəklində çıxış etməyi təklif edəndə hər ikimiz narahat olduq. Hələ bilmirdik ki, bir yerdə işləyə biləcəyik ya yox. Lakin hər şey yaxşı oldu. Biz hər ikimiz sadəcə olaraq Avroviziyada çıxış etməyi çox istəyirdik. Sonra nə olacaq demək çətin idi. Baş verənləri dərk etmək lazım idi. Heç nəyi inkar etmək olmazdı." deyə Eldar qeyd edir.[2]

Birləşmiş Krallığın "Daily Mail" qəzetinin müxbirinin "Fəaliyyətinizə Eldarla birgə davam etmək istəyirsinizmi?" sualına Nigar Camal "Ola bilər ki, birlikdə bir neçə mahnı yazaq. Lakin sonra solo kariyeramı qurmaq fikrindəyəm." deyə cavab verib.[3]

Mahnı[redaktə | əsas redaktə]

Mahnının musiqisi isveçli Stefan Örn, Sandra Bjurman, Iain Farquharson, sözləri isə Stefan Örn və Sandra Bjurman tərəfindən yazılmışdır.[4] Eyni müəlliflər (Iain Farquharson istisna olmaqla) 2010 – cu ildə Azərbaycanı Avroviziya mahnı müsabiqəsində təmsil etmiş Safuranın ifa etdiyi "Drip Drop" mahnısının da müəllifləri olmuşlar.[5]

Akustik və remix versiyalar[redaktə | əsas redaktə]

Eldar və Nigar duetinin ifa etdiyi "Running Scared" mahnısının harmoniyalı akustik və remix versiyaları hazırlanıb. Mahnının remix versiyasını DJ Ingo Martens aka Azzido Da Bass ərsəyə gətirib.

Mahnının akkustik versiyası isə gitaraçı və prodüsser Dmitriy Çetverqovun müşayiəti ilə yazılıb. "Running Scared"-i akustik versiya üçün uyğun olduğunu hiss edən musiqiçi mahnını həqiqətən də ürəyə yatan formada hazılayıb. Onun bu yeni versiyası Beatles qrupunun YesterdayExtreme qrupunun More than Words mahnılarını xatırladır.

Eldar və Nigar akuktik versiyada əlavə komputer texnologiyasından istifadə edilmədiyini bildirir:

" "Burada bir bizik, bir də musiqimiz. Mahnını ürəkdən oxumuşuq. Bundan böyük həzz aldıq"[6]. "

Klip[redaktə | əsas redaktə]

"Running Scared" mahnısının klipinin rejissoru Tarmo Krimdir. Tarmo Krim 2002-ci ildə Tallində keçirilən Avroviziya Mahnı Müsabiqəsinin prodüseri olub. Müsabiqənin pərəstişkarı Tarmo Krim həmişə Avroviziya mahnısına klip çəkməyi arzuladığını bildirib. Running Scared mahnısının klipi romantik və həssas bir tarixçədən bəhs edir. Gözəl mənzərə və kadrlarla zəngin olan klipin çəkilişləri dəniz sahilində aparılıb. Klip geniş tamaşaçı auditoriyasına aprelin 11-də İctimai Televiziyada təqdim olunub[7]. May ayının on səkkizində mahnıya çəkilmiş klipin YouTube video paylaşım saytında ən çox izlənən video olması açıqlanıb.[8]

Rəylər[redaktə | əsas redaktə]

Mahnının rəsmi klipindən qısa parça

"RBK Daily"dən Lüdmila Paşkova Avroviziya 2011 haqqında fikirlərini bildirdikdən sonra qeyd edir ki, "Ell & Nikki dueti müsabiqənin qalibi oldu. Gələn il müsabiqə Bakıda keçiriləcək. Deyəsən hələ heç vaxt Avroviziya bu qədər Şərqə üz tutmamışdı. Və heç vaxt Asiyanın bu qədər dərinliklərinə getməmişdi." [9].

"Deutsche Welle"dən Andrey Brenner qeyd edir ki, ""Running Scared" qısa, lakin güclü məhəbbətin tarxçəsidir. Hansı ki, Azərbaycan bu mahnı vasitəsiylə yarışmanı Xəzərin sahillərinə aparmağa cəhd edirdi." [10].

Ukraynanın "Kommersant" qəzetində yazılır: "Eldarın evdar xanımı Nigar Camal və Nigarın gənc tələbəsi Eldar Qasımov səhnəyə ağ paltarda çıxaraq lirik görüntü yaratdılar və "Running Scared" mahnısını ifa etdilər. Hansı ki, mahnı praktik olaraq onu yaddaqalan edən hansısa xüsusiyyətə malik deyildi." [11].

"Esctoday" qəzeti Azərbaycan nümayəndə heyətinin çıxışını, "Ell və Nikki Almaniyada fırtına qopardı" sözləri ilə ifadə edib.[12]. "The Music Magazine" jurnalında qeyd edilir: ""Running Scared" klassik Avroviziya mahnısıdır. Bir oğlan, bir qız, parlaq ağ paltar və ilk baxışdan məhəbbət."[13].

Musiqi tənqidçisi Katherine St. Laurent qeyd edir ki, "Onların hər ikisinin çox yaxşı səsi var. Mən şəxsən oğlanın səsini daha çox bəyənirəm. Məncə bu daha maraqlı və cəlbedicidir. Xorun ifası da olduqca alımlıdır, lakin mən həmin ifanı bir qədər də uzadar və sonda bir az sürətləndirərdim." Başqa bir tənqidçi - Frank McNamara isə Xorun ifasını çox bəyəndiyini bildiridikdən sonra qeyd edir ki, "mahnının sölərində heç bir çılğınlıq yoxdur. İfa isə müsabiqə gecəsinin ən yaxşı ifalarından biridir." Digər tənqidçi Charlie Rapino isə deyir: "Mən bunu çox bəyənirəm...musiqi səksəninci illərin mahnılarını xatırladır,...yaxşı ifaçılardır,...yaxşı təşkil edilmiş işdir."[14].

Türkiyənin "Cihan" xəbər agentliyinə müsahibə verən məşhur türk sənətçiləri isə Azərbaycanın əvvəlki illərdə göstərdiyi şoulardan sonra 2011 – ci il Avroviziya Mahnı Müsabiqəsində qalib gəlməsinin təsadüf olmadığını və çox sevindiklərini bildirimişlər.[15][16] "Günişığı" qəzetinin müxbiri R. Mithat Yılmaz isə Azərbaycanın və Türkiyəni Avroviziya 2011 – də təmsil edən mahnıların ingilis dilində olmasını pisləmiş və həmin mahnıların türk mədəniyyətini yox, ingilis mədəniyyətini təbliğ etdiyini bildirmişdir.[17]

Ermənistan parlamentinin üzvü Qagik Məlikyan Azərbaycanın Avroviziya 2011 - də qalib gəlməsi fonunda, Ermənistan təmsilçisi Emmynin böyük uğursuzluğa düçar olmasından sonra, Ermənistanın Avroviziya təmsilçilərinin Ermənistan İctimai kanalında seçilməsi kriteriyalarının Ermənistan Parlamentində müzakirəyə çıxarılmasını təklif etmişdi.[18][19][20]

Milli seçimlər[redaktə | əsas redaktə]

Azərbaycanda keçirilən Milli seçim turlarlarına Eldar QasımovNigar Camal ayrılıqda qatılmışdılar.[21] Bəzi mənbələrin verdikləri məlumata görə, Milli Seçim Turlarının yekun nəticələrinə görə Nigar Camal heç də ilk yerlərdə olmamışdır. Lakin müsabiqənin nəticələri elan edilərkən təkcə tamaşaçıların deyil, münsiflər heyətinin də səsləri nəzərə alınmış və Nigar Camal və Eldar Qasımov digər finalçılar İlqarə İbrahimova, İlhamə QasımovaAynişan Quliyevanı geridə qoyaraq Azərbaycanı 2011 – ci ildə Avroviziya Musiqi yarışmasında təmsil etmək hüququ qazanmışdılar.[21]

"Running Scared" mahnısı 70 mahnı arasından ifaçılar və peşəkar münsiflər heyəti tərəfindən seçilmişdir.[22] Eldar Qasımov qeyd edir ki, "biz xeyli mahnı dinləsək də heç biri ürəyimizə yatmırdı. Lakin biz "Running Scared" mahnısının ilk notlarını eşidən kimi hər şey qaydasına düşdü. Biz sadəcə olaraq həmin mahnını sevdik. Bu isə çox vacibdir, nə ifa etdiyini biləsən və hiss edəsən." [23]

Avroviziya 2011[redaktə | əsas redaktə]

Eldar & Nigar Düsseldorfda (2011)

2011-ci ilin yanvar ayının 10-dan etibarən bir ay müddətində elan edilmiş mahnı müsabiqəsinə yerli bəstələrlə yanaşı, xarici bəstələr də təqdim olunmuşdu[24].

"Running Scared" 70 mahnı arasından seçilmişdir. Seçimi İctimai Televiziya və Radio Yayımları Şirkətinin baş direktoru İsmayıl Ömərov, bəstəkar Faiq Sücəddinov, Rauf Babayev, Beynəlxalq Musiqi Şurasının Azərbaycan Milli Musiqi Komitəsinin prezidenti Lalə Kazımova, Mədəniyyət və Turizm Nazirliyinin nümayəndələri Mənzər Nurəliyeva, Zəhra Bədəlbəyli və müğənni Zülfiyyə Xanbabayevanın təmsil olunduğu münsiflər heyəti aparıb.[25]

Eldar Qasımov bildirib ki, "Running Scared" mahnısı duet ortaqlarının səhnə stili, səsi və ruhları ilə çox həmahəngdir:

" ""Eurovision" auditoriyasının bu mahnını sevəcəyinə ümid edirik" "

Nigar Camal isə

" "Bu, dərin mənalı, təsirli və gözəl mahnıdır. Bu bəstəni mənim kiçik qızlarım da çox bəyənir" "

- deyə söyləyib[26].

Eldar və Nigar Running Scared mahnısı ilə I yarımfinalda yarışdı. Səhnəyə 18-ci çıxdılar və 122 xalla Yunanıstandan sonra ikinci oldular. Finalda səhnəyə 19-cu nömrədə çıxdılar və İtalyanı 32 xal qabaqlayaraq 221 xalla birinci olmuşlar.

Azərbaycanın yarışmada qalib gəlməsi aydınlaşdıqdan sonra Bakı sakinləri maşınlarla şəhərin mərkəzi küçə və meydanlarına çıxaraq bu hadsəni qeyd etmişlər.[27]. Rusiyadakı azərbaycanlılar isə Azərbaycanın Rusiyadakı fövqəladə və səlahiyyətli səfiri Polad Bülbüloğlu ilə birgə Moskvanın küçələrində qeyd ediblər.[28]

MuzTV mükafat 2011[redaktə | əsas redaktə]

EldarNigar 3 iyunda MuzTV mükafat 2011 musiqi müsabiqəsində də "Running Scared" mahnısı ilə Azərbaycanı təmsil ediblər.[29]

Hit paradlarda[redaktə | əsas redaktə]

Çart Zirvə
mövqeyi
Almaniya (Musicload Top 100 Singles)[30] 7
UK Singles (UK Singles Chart)[31] 61
Avstriya (Ö3 Austria Top 40)[32] 22
Almaniya (Media Control Charts) 33
Greek Digital Singles[33] 8
İrlandiya (IRMA)[34] 41
İsveçrə (Media Control Charts)[35] 11
Belçika (Ultratop 50 Wallonia)[36] 43
Belçika (Ultratip Wallonia) [37] 22
Niderland (Mega Single Top 100)[38] 59
İslandiya (Tonlist)[39] 29
Rusiya (TopHit)[40] 272
Slovakiya (IFPI)[41] 57
iTunes Store Top 10 Songs (Almaniya)[42] 7
iTunes Store Top 10 Songs (İsveç)[42] 5
iTunes Store Top 10 Songs (İsveçrə)[42] 4
iTunes Store Top 10 Songs (Lüksemburq)[42] 6
iTunes Store Top 10 Songs (Yunanıstan)[42] 7

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Eldar & Nigar dueti Azərbaycanı "Running Scared" mahnısı ilə təmsil edəcək!" (Azərbaycanca). Eurovisionaz.com. http://eurovisionaz.com/az/runningscared.
  2. 2,0 2,1 2,2 "Воробьёва уложила на лопатки лондонская домохозяйка" (rusca). Ekspress. http://www.eg.ru/daily/evrovidenie-2011/25561/. İstifadə tarixi: 26 may 2011.
  3. "'I don't know if we'll continue as a duo': Eurovision winner Nikki Jamal casts doubt on future of Ell/Nikki during an appearance on Loose Women" (ingiliscə). Daily Mail. http://www.dailymail.co.uk/tvshowbiz/article-1389219/Eurovision-winner-Nikki-Jamal-casts-doubt-future-Ell-Nikki-appearance-Loose-Women.html. İstifadə tarixi: 26 may 2011.
  4. "Ell&Nikki / Running Scared" (rusca). tophit.ru. http://www.tophit.ru/cgi-bin/wind.cgi?id=32413. İstifadə tarixi: 06 iyun 2011.
  5. "Running_Scared"__194289.html "Авторы песни "Running Scared" Стефан Орн и Сандра Бьюрман: "Это был совершенный перфоманс победы"" (rusca). apa.az. http://ru.apa.az/news_Авторы_песни_"Running_Scared"__194289.html. İstifadə tarixi: 06 iyun 2011.
  6. ""Running Scared" mahnısının akustik və remix versiyaları hazırlanıb" (Azərbaycanca). İtv.az. http://az.itv.az/eurovision2011/xeber_eurovision/20468.html. İstifadə tarixi: 29 Aprel 2011.
  7. ""Running Scared" mahnısının klip çəkilişləri artıq başa çatıb" (Azərbaycanca). İtv.az. http://az.itv.az/eurovision2011/photomillisechimturu/20069.html. İstifadə tarixi: 8 Aprel 2011.
  8. "Running Scared is the most watched video on YouTube" (İngiliscə). eurovisiontalents.com. http://eldarnigar.eurovisiontalents.com/latest-news/running-scared-is-the-most-watched-video-on-youtube. İstifadə tarixi: 18 May 2011.
  9. ""Евровидение" едет в Баку" (rusca). "RBK Daily". http://www.rbcdaily.ru/2011/05/16/lifestyle/562949980248423. İstifadə tarixi: 26 may 2011.
  10. "Баку обещает на "Евровидении-2012" хорошее шоу" (rusca). Deutsche Welle. http://www.dw-world.de/dw/article/0,,15078171,00.html. İstifadə tarixi: 26 may 2011.
  11. "Мику Ньютон пропесочили" (rusca). Kommersant. Arxivləşdirilib: [1] saytından 2011-05-19 tarixində. http://web.archive.org/web/20110519083157/http://www.kommersant.ua/doc.html?docId=1641393. İstifadə tarixi: 26 may 2011.
  12. "Azerbaijan: Ell and Nikki take Germany by storm" (ingiliscə). Esctoday. http://www.esctoday.com/news/read/17457. İstifadə tarixi: 26 may 2011.
  13. "Ell & Nikki – Running Scared (Azerbaijan Eurovision 2011)" (ingiliscə). The Music Magazine. http://www.themusicmagazine.co.uk/ell-nikki-running-scared-azerbaijan-eurovision-2011. İstifadə tarixi: 26 may 2011.
  14. "An Expert Opinion: Azerbaijan - 'Running Scared'" (ingiliscə). escflashmalta.com. http://www.escflashmalta.com/index.php/images/stories/PDF-Files/index.php?option=com_content&view=article&id=960:an-expert-opinion-azerbaijan-running-scared&catid=2:latest-news-international&Itemid=2. İstifadə tarixi: 06 iyun 2011.
  15. "Azerbaycan'ın Eurovision birinciliği, Türk sanatçıları gururlandırdı" (türkcə). Zaman. http://www.zaman.com.tr/haber.do?haberno=1135775&title=azerbaycanin-eurovision-birinciligi-turk-sanatcilari-gururlandirdi. İstifadə tarixi: 26 may 2011.
  16. "Azerbaycan'ın Eurovision birinciliği, Türk sanatçıları gururlandırdı" (türkcə). Star. http://www.stargundem.com/kultur-sanat/1183372-azerbaycanin-eurovision-birinciligini-turk-sanatcilari-gururlandirdi.html. İstifadə tarixi: 26 may 2011.
  17. "EUROVISION’U EUROPA KAZANDI" (türkcə). Günişığı. http://www.gunisigigazetesi.net/kategori.php?id=4282. İstifadə tarixi: 26 may 2011.
  18. "Армянский депутат предлагает в парламенте обсудить критерии отбора ОАТ участников "Евровидения" от Армении" (rusca). Panarmenian.net. http://www.panarmenian.net/rus/culture/news/70021/%D0%90%D1%80%D0%BC%D1%8F%D0%BD%D1%81%D0%BA%D0%B8%D0%B9_%D0%B4%D0%B5%D0%BF%D1%83%D1%82%D0%B0%D1%82_%D0%BF%D1%80%D0%B5%D0%B4%D0%BB%D0%B0%D0%B3%D0%B0%D0%B5%D1%82_%D0%B2_%D0%BF%D0%B0%D1%80%D0%BB%D0%B0%D0%BC%D0%B5%D0%BD%D1%82%D0%B5_%D0%BE%D0%B1%D1%81%D1%83%D0%B4%D0%B8%D1%82%D1%8C_%D0%BA%D1%80%D0%B8%D1%82%D0%B5%D1%80%D0%B8%D0%B8_%D0%BE%D1%82%D0%B1%D0%BE%D1%80%D0%B0_%D0%9E%D0%90%D0%A2_%D1%83%D1%87%D0%B0%D1%81%D1%82%D0%BD%D0%B8%D0%BA%D0%BE%D0%B2_%D0%95%D0%B2%D1%80%D0%BE%D0%B2%D0%B8%D0%B4%D0%B5%D0%BD%D0%B8%D1%8F_%D0%BE%D1%82_%D0%90%D1%80%D0%BC%D0%B5%D0%BD%D0%B8%D0%B8. İstifadə tarixi: 26 may 2011.
  19. "Представитель правящей партии Армении не может смириться с победой Азербайджана на "Евровидение"" (eusca). http://news.am. http://news.am/rus/news/59487.html. İstifadə tarixi: 26 may 2011.
  20. "Армянский парламентарий не скрывает зависти к победе Азербайджана на "Евровидении 2011"" (rusca). Day.az. http://news.day.az/armenia/267733.html. İstifadə tarixi: 26 may 2011.
  21. 21,0 21,1 "Убегая в испуге" (rusca). lenta.ru. http://www.lenta.ru/articles/2011/05/15/eurovision/. İstifadə tarixi: 26 may 2011.
  22. "Эльдар Касимов и Нигяр Джамал (Ell & Nikki) представляют Азербайджан на песенном конкурсе "Евровидение-2011"" (rusca). donbass.ua. http://donbass.ua/multimedia/video/eurovision-2011-azerbaidzhan-ell-and-nikki-running-scared-video.html. İstifadə tarixi: 26 may 2011.
  23. "Главные фавориты "Евровидения": Хотим, чтобы нас запомнили" (rusca). RBK. http://top.rbc.ru/society/09/05/2011/588798.shtml. İstifadə tarixi: 26 may 2011.
  24. "Azərbaycanı "Eurovision-2011" Mahnı Müsabiqəsində "Running Scared" mahnısı təmsil edəcək" (Azərbaycanca). itv.az. http://az.itv.az/eurovision2011/xeber_eurovision/19511.html. İstifadə tarixi: 14 Mart 2011.
  25. "Azərbaycanı "Eurovision-2011" Mahnı Müsabiqəsində "Running Scared" mahnısı təmsil edəcək" (Azərbaycanca). Milli.az. http://www.milli.az/news/showbiz/40839.html. İstifadə tarixi: 14 Mart 2011.
  26. "Azərbaycanın "Eurovision-2011" müsabiqəsindəki mahnısı açıqlanıb" (Azərbaycanca). Apa.az. http://az.apa.az/news.php?id=216237. İstifadə tarixi: 14 Mart 2011.
  27. "В Твери, в честь победы на Евровидении, азербайджанцы устроили ночной автопробег" (rusca). Komsomolskaya pravda. http://amur.kp.ru/online/news/892051. İstifadə tarixi: 26 may 2011.
  28. "Как на улицах Москвы Полад Бюльбюльоглу и азербайджанцы отмечали победу на "Евровидении"" (rusca). Trend. http://ru.trend.az/life/socium/1879765.html. İstifadə tarixi: 26 may 2011.
  29. "Ell/Nikki на Премии МУЗ-ТВ" (rusca). Cosmo.ru. http://www.cosmo.ru/in_focus/section_news_events/1010047/. İstifadə tarixi: 26 may 2011.
  30. http://www.musicload.de/officialcharts
  31. http://acharts.us/song/63320
  32. http://www.austriancharts.at/showitem.asp?interpret=Ell%2FNikki&titel=Running+Scared&cat=s
  33. http://www.billboard.com/bbcom/charts/chart_display.jsp?g=Singles&f=Greece
  34. http://www.chart-track.co.uk/index.jsp?c=p%2Fmusicvideo%2Fmusic%2Farchive%2Findex_test.jsp&ct=240001&arch=t&lyr=2011&year=2011&week=20
  35. http://www.swisscharts.com/showitem.asp?interpret=Ell%2FNikki&titel=Running+Scared&cat=s
  36. "Ultratop.be – Ell/Nikki – Running Scared"
  37. "Ultratop.be – Ell/Nikki – Running Scared"
  38. "Dutchcharts.nl – Ell/Nikki – Running Scared"
  39. Icelandic Singles Chart
  40. Russian Airplay Chart
  41. IFPI Slovakia Track Info: Eldar & Nigar, "Running Scared"
  42. 42,0 42,1 42,2 42,3 42,4 iTunes Store Top 10 Songs

Xarici keçidlər[redaktə | əsas redaktə]

Əvvəlki:
Drip Drop
Azərbaycanın Avroviziya mahnısı
2011
Sonrakı:
When the Music Dies
Əvvəlki:
Satellite
Avroviziya Mahnı Müsabiqəsi qalib mahnısı
2011
Sonrakı:
Euphoria