Ruslan Muradov

Ruslan Muradov
Ruslan Həmid oğlu Muradov
Şəxsi məlumatlar
Doğum tarixi	27 iyun 1973
Doğum yeri	Mingəçevir, Azərbaycan
Vəfat tarixi	22 avqust 1992 (19 yaşında)
Vəfat yeri	Papravənd, Ağdam, Azərbaycan
Vəfat səbəbi	Şəhid
Dəfn yeri	Mingəçevir Şəhidlər Xiyabanı
Vətəndaşlığı	SSRİ→ Azərbaycan
Hərbi fəaliyyəti
Mənsubiyyəti	Azərbaycan Silahlı Qüvvələri
Qoşun növü	Quru qoşunları
Xidmət illəri	22 yanvar 1992 - 22 avqust 1992
Rütbə	Əsgər
Döyüşlər	Qarabağ müharibəsi
Təltifləri

Ruslan Muradov — Azərbaycanın Milli Qəhrəmanı; Qarabağ müharibəsi şəhidi.

Həyatı

27 iyun 1973-cü ildə Mingəçevir şəhərində doğulmuşdur. 1990-cı ildə burada 10 saylı məktəbi bitirmişdir. Daha sonra atasının işlədiyi Mingəçevir Texniki Rezin Məmulatı zavodunda çalışıb. Ruslan 1992-ci il 22 yanvar tarixdə Milli Ordu sıralarına daxil olur. Bir müddət hazırlıq keçdikdən sonra Ağdamın Papravənd kəndinə göndərilir.

Döyüşlərdə iştirakı

Papravənd kəndinə gəldiyi gündən burada qızğın döyüşə girir. Kənd erməni işğalçılarından azad edilir. 1992-ci ildə Azərbaycana məxsus təyyarələrdən biri düşmən əlində olan əraziyə düşmüşdü yaralıları xilas etmək üçün aparılan əməliyyat nəticə verdi... bu əməliyyatda Ruslan xüsusilə fərqlənmişdi.

Ruslan Muradov 1992-ci il 22 avqust Ağdam rayonunun Papravənd kəndi uğrunda gedən döyüşlərdə qəhrəmancasına həlak oldu.

Ailəsi

Subay idi.

Xatirəsi

Azərbaycan Respublikası prezidentinin 6 noyabr 1992-ci il tarixli 290 saylı fərmanı ilə Muradov Ruslan Həmid oğluna ölümündən sonra "Azərbaycanın Milli Qəhrəmanı" adı verilmişdir.

Mingəçevir şəhərinin Şəhidlər xiyabanında dəfn edilib.

Mingəçevir şəhərindəki Texniki Humanitar Lisey qəhrəmanımızın adını daşıyır, burada büstü qoyulub.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 215.