Süleyman Nəcəfov (aktyor)

Vikipediya, açıq ensiklopediya
Jump to navigation Jump to search
Süleyman Nəcəfov
Süleyman Nəcəfov.jpg
Doğum tarixi 6 avqust 1948(1948-08-06)
Doğum yeri İrəvan, Ermənistan SSR, SSRİ
Vəfat tarixi 9 may 2012 (63 yaşında)
Vəfat yeri Bakı, Azərbaycan
Peşəsi Aktyor
Mükafatları "Azərbaycan Respublikasının xalq artisti" fəxri adı — 2007

Süleyman Paşa oğlu Nəcəfov (6 avqust 1948 – 9 may 2012) — aktyor, Azərbaycan Respublikasının xalq artisti (2007).

Həyatı[redaktə | əsas redaktə]

Süleyman Paşa oğlu Nəcəfov 1948-ci ildə anadan olub[1].

S.Nəcəfov 1966-cı ildə Xoreoqrafiya Texnikumunu bitirmişdir. 1972-ci ildən o, Ermənistan Dövlət Rəqs Ansamblında rəqqas (solist) kimi fəaliyyət göstərmişdir.

1976-cı ildən S.Nəcəfov C.Cabbarlı adına İrəvan Dövlət Azərbaycan Dram Teatrında aktyor vəzifəsində işləyir. Onun bu teatrın səhnəsində yaratdığı Çingiz bəy (H.Cavid,"Maral"), Cena (G.Xuqayev, "Mənim qaynanam"), Oğru (M.B.Marinye,"Oğru"), Ziya Çalaqçı (Əziz Nesin, "Toros canavarı"), Ağamehdi (R.İbrahimbəyov, "Qum üstündə ev"), Tamada (Əli Əmirli, "Müqəddəs Valentin günü"), Kərəməli (Hidayət, "Məhəbbət yaşayır hələ"), Məmiş (Hidayət, "Məni qınamayın"), Səlim, (C.Cabbarlı, "Aydın"), Süleyman, Rza bəy (Ü.Hacıbəyov, "Arşın mal alan", "O olmasın, bu olsun"), Dərviş (M.F.Axundov, "Müsyö Jordan və Məstəli şah"), Təlxək (U.Şekspir, "Axırı xeyir olsun") kimi müxtəlif janrlı obrazlar aktyorun geniş yaradıcılıq diapazonuna malik olduğunu bildirir.

2000-ci ildə S.Nəcəfov Əməkdar Artist, daha sonra Xalq artisti fəxri adlarına layiq görülmüşdür. 9 may 2012-ci ildə uzun sürən xəstəlikdən sonra vəfat etmişdir. Novxanı qəbiristanlığında dəfn olunmuşdur[1].

Ailəsi[redaktə | əsas redaktə]

Həyat yoldaşı və iki uşağı İrəvanda ermənilər tərəfindən öldürülən Süleyman Nəcəfov qoca anası ilə tək qalırdı. Evləri olmadığı üçün anası Qocalar evində, özü isə teatrın zirzəmisində yaşamışdır[1].

Filmoqrafiya[redaktə | əsas redaktə]

  1. Salur Qazanın evi talandığı boy (film, 2001)
  2. Oyun (film, 2003)
  3. Biz qayıdacağıq (film, 2007)
  4. Cavid ömrü (film, 2007)
  5. Buta (film, 2011)
  6. Mən evə qayıdıram (film, 2014)

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı

İstinadlar[redaktə | əsas redaktə]

  1. 1,0 1,1 1,2 Xalq artisti vəfat edib. gunxeber.com saytı