Səbinə Salmanova
| Səbinə Salmanova | |
|---|---|
Vəzifədədir | |
| 23 sentyabr 2024-cü ildən | |
| Seçki dairəsi | VII çağırış — 45 saylı Sumqayıt dördüncü |
| Şəxsi məlumatlar | |
| Doğum tarixi | 15 fevral 1976 (49 yaş) |
| Doğum yeri | |
| Təhsili |
|
Səbinə Qədir qızı Salmanova (15 fevral 1976, Sumqayıt) — Azərbaycan ictimai-siyasi xadimi, Azərbaycan Respublikası Milli Məclisinin VII çağırış deputatı.
Həyatı
[redaktə | vikimətni redaktə et]Səbinə Qədir qızı Salmanova 1976-cı ildə Sumqayıt şəhərində anadan olmuşdur. Sumqayıt şəhər 1 nömrəli tam orta məktəbi başa vurduqdan sonra Bakı Dövlət Universitetində təhsil almış, buranı fərqlənmə diplomu ilə bitirmişdir.[1]
Səbinə Salmanova 2000-ci ildən Azərbaycan Respublikasının Ədliyyə Nazirliyində çalışmış, burada idarə rəisi, baş ədliyyə müşaviri kimi fəaliyyət göstərmişdir. 2020-ci ildə Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin Siyasi partiyalarla iş sektorunun müdiri vəzifəsinə təyin edilmişdir.[1]
2024-cü ilin sentyabr ayında keçirilmiş növbədənkənar parlament seçkilərində 45 saylı Sumqayıt dördüncü seçki dairəsindən Azərbaycan Respublikası Milli Məclisinin deputatı seçilmişdir.[2] Milli Məclisin Hesablayıcı komissiyasının, Müdafiə, təhlükəsizlik və korrupsiya ilə mübarizə komitəsinin və İctimai birliklər və dini qurumlar komitəsinin üzvüdür.
3 fevral 2025-ci ildə Milli Məclisin Hesablayıcı komissiyasının tərkibinə daxil edilib[3] və Azərbaycan və Oman Sultanlığı parlamentlərarası əlaqələr üzrə işçi qrupunun rəhbəri təyin edilib.[4]
İstinadlar
[redaktə | vikimətni redaktə et]- ↑ 1 2 "Yüksək vəzifədə çalışan sektor müdiri ilk dəfə deputat olacaq". sumqayit24.az. 2024-09-02. İstifadə tarixi: 2024-10-04.
- ↑ "Salmanova Səbinə Qədir qızı". Azərbaycan Respublikasının Milli Məclisi. İstifadə tarixi: 2024-10-04.
- ↑ "Milli Məclisin Hesablayıcı komissiyası yenidən formalaşdırılıb". Apa.az (az.). İstifadə tarixi: 2025-02-03.
- ↑ "Azərbaycan-Oman parlamentlərarası əlaqələr üzrə işçi qrupu yaradılıb". Report İnformasiya Agentliyi (az.). 2025-02-03. İstifadə tarixi: 2025-02-03.
.svg)