Səbuhi Əzizov

Səbuhi Əzizov
Səbuhi Rüstəm oğlu Əzizov
Şəxsi məlumatlar
Doğum tarixi	29 noyabr 1989
Doğum yeri	Azərbaycan
Vəfat tarixi	27 yanvar 2014 (24 yaşında)
Vəfat yeri	Azərbaycan
Dəfn yeri	Qobustan rayonu
Vətəndaşlığı	Azərbaycan
Hərbi fəaliyyəti
Rütbə	Leytenant
Təltifləri

Səbuhi Rüstəm oğlu Əzizov (d. 29 noyabr 1989; Təklə Mirzəbaba, Qobustan rayonu, Azərbaycan - ö. 27 yanvar 2014; Azərbaycan) — Azərbaycan Silahlı Qüvvələrinin leytenantı. 2014-ci ildə Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.

Hərbi xidməti

Leytenant Səbuhi Əzizov 2014-cü ildə, yanvarın 27-də saat 12.30 radələrində Azərbaycan-Ermənistan təmas xəttində istiqamətində ermənilərin atəşkəs rejimini pozması nəticəsində şəhid oldu. Yanvarın 29-u isə Səbuhi Əzizov Qobustan rayonunun Təklə Mirzəbaba kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və leytenant Əzizov uğrunda şəhid olduğu torpağa tapşırıldı.

Səbuhi Əzizov ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.