Səfər Əliyev (general-mayor)

Səfər Əliyev
Səfər Hüseyn oğlu Əliyev
Şəxsi məlumatlar
Doğum tarixi	29 iyun 1961(1961-06-29) (62 yaş)
Doğum yeri	Maxta, Noraşen rayonu, Naxçıvan MSSR, Azərbaycan SSR, SSRİ
Milliyyəti	Azərbaycanlı
Vətəndaşlığı	Azərbaycan
Rütbəsi	Polis general-mayoru
Təltifləri

Səfər Hüseyn oğlu Əliyev (29 iyun 1961, Maxta, Noraşen rayonu) — polis general-mayoru, Azərbaycan Respublikasının Daxili İşlər Nazirliyinin Baş Təşkilat-İnspeksiya İdarəsinin Nazir yanında məsləhətçi qrupun baş mütəxəssisi.

Həyatı

Səfər Hüseyn oğlu Əliyev 29 iyun 1961-ci ildə Naxçıvan MSSR Şərur rayonunun Maxta kəndində anadan olmuşdur.

1987–1993-cü illərdə Azərbaycan Texniki Universitetinidə təhsil almışdır.

1993–1997-ci illərdə Daxili İşlər Nazirliyinin Polis Akademiyasını bitirmişdir.

1980–1982-ci illərdə həqiqi hərbi xidmət keçmişdir.

Ailəlidir, iki övladı var.

Fəaliyyəti

1983-cü ildən daxili işlər orqanlarında xidmət edir. Bu dövrdə ictimai təhlükəsizlik strukturunda müxtəlif vəzifələrdə xidmət aparmışdır.

1990–1997-ci ilədək Daxili İşlər Nazirliyinin Kadrlar İdarəsində inspektor, baş inspektor, şöbə rəisi, 1997–1999-cu illərdə Daxili İşlər Nazirliyinin Qərargahının Nəzarət-Əlaqələndirmə şöbəsində inspektor, baş inspektor, şöbə rəisi vəzifələrində çalışmışdır.

2010–2016-cı ilədək Daxili İşlər Nazirliyinin Baş Kadrlar İdarəsinin rəis muavini, 2016–2022-ci illərdə Daxili İşlər Nazirliyinin Katibliyində rəis vəzifələrində çalışmışdır.

2022-ci ilin yanvar ayından etibarən Daxili İşlər Nazirliyinin Baş Təşkilat-İnspeksiya İdarəsinin Nazir yanında məsləhətçi qrupun baş mütəxəssisi vəzifəsində çalışır.

Təltifləri

• Azərbaycan Respublikası Prezidentinin 29 iyun 2017 ci il tarixli Sərəncamı ilə polis general-mayoru ali xüsusi rütbəsi verilmişdir.
• 2018-ci ildə Daxili İşlər Nazirliyinin "Azərbaycan Polisinin 100 illiyi (1918–2018)" yubiley medalı ilə təltif olunmuşdur.
• Cinayətkarlığa qarşı mübarizədə, ictimai qaydaların qorunması, xidməti vəzifələrin və xüsusi tapşırıqların yerinə yetirilməsində fərqləndiyinə görə Azərbaycan Respublikası Daxili İşlər Nazirliyinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı ilə 2013-cü ildə "Vətən uğrunda" medalı ilə təltif edilmişdir.