Səfiyyə Dibirova
| Səfiyyə Dibirova | |
|---|---|
| 1970 – aprel 1982 | |
| Əvvəlki | Asiyət Yusifova |
| 1965 – 1970 | |
| Əvvəlki | vəzifə yenidən təsis edilib |
| 1963 – 1965 | |
| Əvvəlki | vəzifə təsis edilib |
| Sonrakı | vəzifə ləğv edilib |
| 1962 – 1963 | |
| Əvvəlki | Sadıq Murtuzayev |
| 1960 – 1962 | |
| 1958 – 1960 | |
| Əvvəlki | Fikrət Əfəndiyev |
| Şəxsi məlumatlar | |
| Doğum tarixi | 1933 |
| Doğum yeri | |
| Vəfat tarixi | 31 yanvar 2015 |
| Vəfat yeri | |
| Dəfn yeri | |
| Partiya |
|
| Təhsili | |
|
|
|
| Təltifləri |
   |
.svg){kind=small}
.svg){kind=small}
Səfiyyə (Sofiya) Hacı qızı Dibirova (1933, Qullar, Balakən rayonu – 31 yanvar 2015, Balakən rayonu) — Azərbaycan dövlət və partiya xadimi, Azərbaycan Kommunist Partiyasının Qax (1970–1982), Vartaşen (1963–1970), Zaqatala (1962–1963), Balakən (1960–1962) rayon komitələrinin birinci katibi, Balakən Rayon Zəhmətkeş Deputatları Soveti İcraiyyə Komitəsinin sədri (1958–1960).
Həyatı[redaktə | mənbəni redaktə et]
Səfiyyə Hacı qızı Dibirova 1933-cü ildə Balakən rayonunun Qullar kəndində kolxozçu ailəsində anadan olmuşdur. Orta məktəbi bitirdikdən sonra Nuxa şəhərinə gəlmiş və buradakı müəllimlər institutuna daxil olmuşdur. 1954-cü ildə ədəbiyyət diplomu ilə doğulduğu kəndə qayıdaraq məktəbdə müəllimlik etmişdir.[1]
Səfiyyə Dibirova 1954–1956-cı illərdə kənd məktəbində pioner baş dəstə rəhbəri, 1956–1957-ci illərdə Balakən rayon pionerlər evinin direktoru olmuşdur.[2] 1957-ci ilin yanvar ayında o, Azərbaycan LKGİ Balakən Rayon Komitəsinin Pioner və məktəblilərlə iş şöbəsinin müdiri təyin olunmuşdur. İki aydan sonra isə Balakən Rayon Zəhmətkeş Deputatları Soveti İcraiyyə Komitəsinin sədrinin müavini vəzifəsinə irəli çəkilmişdir.[1]
1958-ci ilin iyun ayında Səfiyyə Dibirova Sovet İttifaqı Kommunist Partiyası üzvlüyünə qəbul edilmiş və eyni ildə Balakən Rayon ZDS İcraiyyə Komitəsinin sədri vəzifəsinə təyin olunmuşdur. Həmin illərdə vəzifələrdə çalışmaqla bərabər, Azərbaycan Dövlət Pedaqoji İnstitutunun Dil və ədəbiyyat fakültəsinin qiyabi şöbəsində təhsil almışdır.[1]
1960-cı ildə Səfiyyə Dibirova Azərbaycan Kommunist Partiyası Balakən Rayon Komitəsinin birinci katibi vəzifəsinə irəli çəkilmiş və bu vəzifədə iki il çalışmışdır. 1962–1963-cü illərdə Azərbaycan KP Zaqatala Rayon Komitəsinin birinci katibi olmuşdur. 1963-cü ildə Vartaşen və Nuxa rayonları birləşdirildikdə Vartaşen Rayon Kolxoz-Sovxoz İstehsalat İdarəsi Partiya Komitəsinin katibi seçilmiş, iki il sonra bu rayonların ayrılması ilə Azərbaycan KP Vartaşen Rayon Komitəsinin birinci katibi kimi fəaliyyətini davam etdirmişdir. 1970-ci ildə Azərbaycan KP Qax Rayon Komitəsinin birinci katibi seçilmiş və 1982-ci ilin aprel ayına kimi bu vəzifədə çalışmışdır.[2][3]
Səfiyyə Dibirova Azərbaycan Kommunist Partiyası Mərkəzi Komitəsinin üzvü olmuş, Azərbaycan SSR Ali Sovetinin altı çağırış (5–10-cu çağırışlar) deputatı seçilmişdir.[4] Bir sıra orden və medallarla təltif edilmişdir. 11 iyun 2002-ci ildə Azərbaycan Respublikası Prezidentinin fərdi təqaüdünə layiq görülmüşdür.[3]
Səfiyyə Dibirova 2015-ci il yanvarın 31-i doğulduğu Balakən rayonunda vəfat etmişdir.[3]
İstinadlar[redaktə | mənbəni redaktə et]
- ↑ 1 2 3 Софија Һаҹы гызы Дибирова // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 283.
- ↑ 1 2 Дибирова Сәфијјә Һаҹы гызы // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 93.
- ↑ 1 2 3 Ömrünü işə həsr edən qadın: Ailəsiz katib, Brejnevlə görüş və "Ana" poeması // Sputnik Azərbaycan. 18 may 2020. 26 March 2023 tarixində arxivləşdirilib. İstifadə tarixi: 26 mart 2023.
- ↑ Дибирова Сәфијјә Һаҹы гызы // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 125.
Xarici keçidlər[redaktə | mənbəni redaktə et]
- Səfiyyə xanım Dibirova şərəfli ömür yaşadı // "Ədalət" qəzeti. 2 fevral 2019. 2023-03-26 tarixində arxivləşdirilib. İstifadə tarixi: 26 mart 2023.
Rayon rəhbərlikləri | ||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||||||||||||||||||||||||||||||||||||||||||
- 1933-cü ildə doğulanlar
- Balakən rayonunda doğulanlar
- 31 yanvarda vəfat edənlər
- 2015-ci ildə vəfat edənlər
- Balakən rayonunda vəfat edənlər
- Balakəndə dəfn olunanlar
- Sovet İttifaqı Kommunist Partiyasının üzvləri
- Azərbaycan Dövlət Pedaqoji Universitetinin məzunları
- "Lenin" ordeni ilə təltif edilənlər
- SSRİ-nin "Qırmızı əmək bayrağı" ordeni ilə təltif edilənlər
- "Xalqlar dostluğu" ordeni ilə təltif edilənlər
- Əlifba sırasına görə vəzifəli şəxslər
- Azərbaycan Kommunist Partiyası Qax Rayon Komitəsinin birinci katibləri
- Azərbaycan Kommunist Partiyası Vartaşen Rayon Komitəsinin birinci katibləri
- Azərbaycan Kommunist Partiyası Zaqatala Rayon Komitəsinin birinci katibləri
- Azərbaycan Kommunist Partiyası Balakən Rayon Komitəsinin birinci katibləri
- Balakən Rayon Xalq Deputatları Soveti İcraiyyə Komitəsinin sədrləri
- Azərbaycan Kommunist Partiyası Mərkəzi Komitəsinin üzvləri
- Azərbaycan SSR Ali Sovetinin V çağırış deputatları
- Azərbaycan SSR Ali Sovetinin VI çağırış deputatları
- Azərbaycan SSR Ali Sovetinin VII çağırış deputatları
- Azərbaycan SSR Ali Sovetinin VIII çağırış deputatları
- Azərbaycan SSR Ali Sovetinin IX çağırış deputatları
- Azərbaycan SSR Ali Sovetinin X çağırış deputatları
- Azərbaycan Respublikası Prezidentinin fərdi təqaüdçüləri