Səftər Quliyev

Vikipediya, açıq ensiklopediya
Jump to navigation Jump to search
Səftər Quliyev
Quliyev Səftər Mehdi oğlu
Doğum tarixi 1908(1908-Şablondakı doğum və ya ölüm tarixində texniki yanlışlıq var!-00)
Doğum yeri Bakı, Azərbaycan
Vəfat tarixi 1973(1973-Şablondakı doğum və ya ölüm tarixində texniki yanlışlıq var!-00)
İş yeri
Elmi dərəcəsi texnika elmləri doktoru

Quliyev Səftər Mehdi oğlu - texnika elmləri doktoru, professor, Azərbaycan MEA həqiqi üzvü

Həyatı[redaktə | əsas redaktə]

Quliyev Səftər Mehdi oğlu Bakı şəhərində anadan olmuşdur. 1930-cu ildə "Neft və qaz quyularının qazılması" ixtisası üzrə AzPİ-nu bitirmişdir. 1928-1942-ci illərdə "Azərneft" İB-nin qazıma müəssisələrində texnik vəzifəsində əmək fəaliyyətinə başlayaraq, baş mühəndisə qədər müxtəlif vəzifələrdə işləmişdir. 1932-1960-cı illərdə AzNKİ-nun "Neft və qaz quyularının qazılması" kafedrasında assistent, dosent, professor və kafedra rəhbəri işləmişdir. 1939-cu ildə "Qazıma boruları dəstəsinin tarazlığının dayanıqlı formaları barədə" mövzusunda namizədlik, 1948-ci ildə isə "Neft quyuları üçün çınqıllı filtrlər" mövzusunda doktorluq dissertasiyaları müdafiə etmişdir. 1945-ci ildə Quliyev S.M. Azərbaycan EA-nın yenidən yaradılmış Neft institutunda elmi işlər üzrə direktor müavini təyin edilmişdi. 1955-ci ildə Azərbaycan EA müxbir üzvü, 1959-cu ildə isə həqiqi üzvü seçilmişdir. 1960-1971-ci illərdə - Azərbaycan EA DNQYPİ-nun direktoru olmuşdur.

Elmi fəaliyyəti[redaktə | əsas redaktə]

Quliyev S.M. neft və qaz quyularının qazılması sahəsində görkəmli alim, çox dərin qazıma üsulunu ilk tətbiq edənlərdən biri, neft və qaz hasilatı sənayesi sahəsində azərbaycan dilində elmi-texniki terminologiyanın yaradıcısıdır.

Elmi tədqiqatların sahəsi: qazıma rejimlərinin nəzəri əsaslarının işlənilməsi; quyuların bərkidilməsi; sürətli qazıma texnologiyasının işlənilməsi; şaquli və maili quyuların rasional turbin qazımasının əsasları, dağ süxurlarının mərhələ-mərhələ dağıdılması.

Quliyev S.M. 170-dən artıq elmi məqalənin, 20 monoqrafiyanın və dərsliklərin müəllifidir. O, "Azərbaycanın əməkdar elm xadimi", "SSRİ Fəxri neftçisi" adlarına layiq görülmüşdür. "Qırmızı Əmək Bayrağı" və bir çox medallarla mükafatlanmışdır.