Səidə Ömərova

Vikipediya, açıq ensiklopediya
Jump to navigation Jump to search
Picto infobox character.png
Səidə Ömərova
Səidə Əjdər qızı Ömərova
Fotoqrafiya
Doğum tarixi
22 avqust 1986 (1986-08-22) (32 yaş)
Doğum yeri Azərbaycan, Bakı
VətəndaşlıqFlag of Azerbaijan.svg Azərbaycan
Milliyyətiazərbaycanlı
FəaliyyətiTürkiyədə Bengü Türk Tvdə “Azərbaycan Rüzgarı”adlı proqramın aparıcı və müəllifi[1]

Səidə Ömərova (Tam adı: Səidə Əjdər qızı Ömərova; d. 22 avqust 1986; Azərbaycan, Bakı) — Türkiyədə Bengü Türk Tvdə “Azərbaycan Rüzgarı”adlı proqramın aparıcı və müəllifi.

Həyatı[redaktə | əsas redaktə]

Səidə Ömərova 22 avqust 1986-cı ildə Bakı şəhərində dənizçi ailəsində anadan olmuşdur. 1993-cü ildə Elşad Yəhyayev adına 56 saylı tam orta məktəbdə təhsil almış, 2004-cü ildə Azərbaycan Dövlət Mədəniyyət və İncəsənət Universitetinin Rejissorluq fakültəsinin Kinorejissorluq bölümünü qırmızı diplomla bitirmişdir. Azərbaycan xalq artisti tanınmış kinorejissor Oktay Mirqasımovun tələbəsi olmuşdur. 2018-ci ildə İstanbul Universitetinin Jurnalistika fakültəsinin “Radio Televiziya Kino” bölümünü magistr olaraq qazanmışdır.

Ailəsi[redaktə | əsas redaktə]

Bir qardaşı ve bir bacısı olan Səidə Ömərovanın atası Azərbaycan türkü, anası Qaqauz türklərindəndir. 2010-cu ildə valideynlərini itirmişdir.

Fəaliyyəti[redaktə | əsas redaktə]

2005-2018-ci illərdə Suraxanı rayonu 2 saylı uşaq evində “Ağ çiçəklər” rəqs qrupunun, 2009-2017-cu illərdə Heydər Əliyev adına liseydə “Zərifə” rəqs qrupunun rəhbəri, 2010-2017-ci illərdə isə Günaz Tv-də Azərbaycan milli rəqsləri öyrədən “Rəqs Dünyası” adlı verilişin və “Günəş ve Həmail” adlı uşaq programramının aparıcısı və müəllifi olmuşdur. 2006-2007-ci illərdə C.Cabbarlı adına “Azərbaycanfilm” kinostudiyasında Oktay Mirqasımovun “Günaydın, mənim mələyim” adlı filmdə rejissor köməkçisi olaraq çalışmışdır. 2017-ci ildən Azərbaycan Alpagut Federasiyasında Mədəniyyət Departamentinin sədri vəzifəsində çalışmışdır. 1996-2002-ci illərdə Vaqif Mustafazadə adına 2 saylı musiqi məktəbində fəaliyyət göstərən “Aysel” rəqs qrupunun üzvü olmuşdur. Türk dünyası ilə bağlı tədbirlərdə Azərbaycan və Qaqauz yerinin rəqslərini təmsil edir. İstanbul Türkiyə Azərbaycan Dayanışma ve Kültür Dərnəyinin üzvüdür. 17 il rəqs sənətini üzrə müəllimlik etmişdir. Hal-hazırda Türkiyədə Bengü Türk Tvdə “Azərbaycan Rüzgarı” adlı proqramın aparıcı və müəllifidir.[2]

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. “Məqsədim “Azərbaycan rüzgarı”yla Azərbaycan ab-havasını Türkiyədə hiss etdirməkdir”
  2. Türkiyədə "Azərbaycan rüzgarı" adlı veriliş efirə gedəcək