Sələh Cədid
| Sələh Cədid | |
|---|---|
| ərəb. صلاح جديد | |
 | |
| Şəxsi məlumatlar | |
| Doğum tarixi | 1926 |
| Doğum yeri | |
| Vəfat tarixi | 19 avqust 1993[1] (66–67 yaşında) |
| Vəfat yeri | |
| Vəfat səbəbi | ürək tutması |
| Hərbi fəaliyyəti | |
| Xidmət illəri | 1946–1970 |
| Rütbəsi |
|
| Döyüşlər | |
 Vikianbarda əlaqəli mediafayllar | |
Sələh Cədid (ərəb. صلاح جديد; 1926, Əl-Laziqiyyə mühafəzəsi – 19 avqust 1993[1], Dəməşq) — Suriya hərbi zabiti, dövlət xadimi və 1966-cı ildən 1970-ci ilə qədər ölkənin faktiki lideri.
Həyatı
[redaktə | vikimətni redaktə et]Sələh Cədid sahil şəhəri Cəblə yaxınlığındakı nüseyri kəndində anadan olmuşdur. Hüms Hərbi Akademiyasında təhsil almış və 1946-cı ildə Suriya Silahlı Qüvvələrinə qoşulmuşdur. Qısa müddət Suriya Sosialist Milliyyətçi Partiyasının (SSNP) üzvü olub, lakin sonradan qardaşı Həsən Cədidin onun liderlərindən biri olduğu üçün SSNP ilə sıx əlaqələrini saxlamağına baxmayaraq, Bəəs Partiyasına qoşulmuşdur. 1950-ci illərdə Camal Əbdül Nəsirin Ərəb Milliyyətçi Hərəkatının üzvü olmuşdur. Birləşmiş Ərəb Respublikasının (Misir və Suriyanın vahid dövləti) yaradılmasını dəstəkləyib. BƏR dövründə Sələh Cədid Qahirədə xidmət etmişdir. Orada, 1959-cu ildə bir neçə digər bəəsçi zabit ilə birlikdə BƏR-i qorumaq məqsədi daşıyan gizli bir təşkilat olan Hərbi Komitə yaratmışdır. Buna baxmayaraq, 1961-ci ilin sentyabrında BƏR süqut etmişdir və Nazim Qüdsi Suriyada hakimiyyətə gəlmişdir. Cədid bir çox Bəəs Partiyası üzvü ilə birlikdə ordudan qovulmuşdur. 1962-ci ildə hərbi çevrilişə hazırlaşmağa başlamışdılar.[2]
İstinadlar
[redaktə | vikimətni redaktə et]- 1 2 Salah al Jadid (ing.). // Encyclopædia Britannica.
- ↑ Sami Moubayed, Steel and Silk: Men and Women Who Shaped Syria 1900—2000, Seattle, 2006, pp.259-260