Sənə qurban

Vikipediya, azad ensiklopediya
Jump to navigation Jump to search
“Sənə Qurban”
Zeynəb Xanlarova tərəfindən

Mahnı

Yazılıb 1968
Janr xalq musiqisi
Dil Azərbaycan dili
Müddəti 3:06
Bəstəkar Ələkbər Tağıyev
Sözlərin müəllifi Mikayıl Müşfiq
Dinlə
Mahnının Zeynəb Xanlarovanın ifasında səslənməsi

Sənə Qurban - Ələkbər Tağıyevin Mikayıl Müşfiqin sözlərinə bəstələdiyi[1] və ilk dəfə Zeynəb Xanlarova tərəfindən 1968-ci ildə ifa edilmiş mahnı. Mahnı müxtəlif ölkələrdən olan müğənnilər tərəfindən, müxtəlif dillərdə ifa edilmişdir.[2]

Mahnı Zeynəb Xanlarova tərəfindən bir çox Yaxın Şərq ölkələrində, o cümlədən Suriyanın Hələb şəhərində və Türkiyənin bir neçə şəhərlərində verilmiş konsertlər zamanı ifa edilmişdir.[3]

Türkiyədə istifadəsi[redaktə | əsas redaktə]

Mahnı Türkiyədə "Mavi muncuq" (türk. Mavi bocuk) adı ilə məşhurdur və Mikayıl Müşfiqin yox, Ülkü Aker adlı şairin yazdığı sözlərlə ifa edilir.[4] İlk dəfə 1974-cü ildə "Mavi muncuq" adlı türk filmində Emel Sayın tərəfindən ifa edilib.

2015-ci ildə "Eti" şirkətinin istehsalı olan uşaq şirniyyatının reklamında "Sənə Qurban" mahnısının musiqisindən istifadə edilmişdir.[5] 2017-ci ildə referendum qabağı təbliğat kompasiyası çərçivəsində Türkiyənin Cümhuriyyət Xalq Partiyasının (CHP) yayımladığı təbliğat videosunda "Sənə Qurban" mahnısından istifadə olunmuşdur.[6]

Suriyada istifadəsi[redaktə | əsas redaktə]

1972-ci ildə çəkilmiş "Sahanum" adlı televiziya tamaşasında "Sənə Qurban" mahnısı ərəb dilidə əsas qəhrəmanın dilindən səsləndirilir.[3] 2012-ci ildə Suriyada vətəndaş müharibəsi zamanı etirazçılar mahnının sözlərini dəyişərək ərəb dilində ölkə rəhbərliyini istefaya çağıran sözlərlə ifa etmişlər.[3]

Digər dillərdə[redaktə | əsas redaktə]

1974-cü ildə Türkiyədə "Mavi muncuq" filmində istifadə edilməsindən qısa müddət sonra film Balkanlarda və Yunanıstanda da məşhurlaşır. 1970-ci illərdə Yunanıstan müğənnisi Filippos Nikolaou mahnını yunan dilində "Pare Pare Me" adı ilə ifa edir. 1985-ci ildə İran ermənilərindən olan müğənni Andranik Madadyan mahnını erməni dilində "Garun garun" (azərb. Bahar bahar‎) adı ilə ifa edir. Ərəb dilli ölkələrdə mahnı "Fatoum fatoum fatoume" adı ilə tanınır. Ərəb mənşəli Livan müğənnisi Nensi Ajram "Sənə Qurban" mahnısıı teleşoulardan birində erməni dilində ifa edib.

İstinadlar[redaktə | əsas redaktə]

  1. ""Ələkbər Tağıyev elə bir günah işlətməyib ki..."". milli.az. 6 Sentyabr 2011. İstifadə tarixi: 21 noyabr 2017.
  2. "Ələkbər Tağıyevin mahnıları "Mənim dünyam"da". 525.az. 525-ci qəzet. 01.10.16. İstifadə tarixi: 21 noyabr 2017.
  3. 1 2 3 Xəlilova, Könül (3 Avqust 2012). "Suriya müxalifəti "Qal sənə qurban" melodiyasını necə öyrənib?". bbc.com. BBC. İstifadə tarixi: 21 noyabr 2017.
  4. Səlimqızı, Cəvahir (12 Oktyabr 2015). "Ələkbər Tağıyevin oğlu: "Atamın mahnılarından gəlir götürürəm"". publika.az. İstifadə tarixi: 21 noyabr 2017.
  5. "Zeynəb Xanlarova ilə bağlı daha bir qalmaqal". day.az. 12 октября 2015. İstifadə tarixi: 21 noyabr 2017.
  6. [Türkiyə partiyası Zeynəb Xanlarovanın mahnısını seçdi "http://istipress.com/siyaset/17-03-2017/turkiye-partiyasi-zeyneb-xanlarovanin-mahnisini-ogurladi-video"] (#bad_url). http://istipress.com. 17 Mart, 2017. İstifadə tarixi: 21 noyabr 2017.

Həmçinin bax[redaktə | əsas redaktə]