Sənan Axundov (şəhid)

Vikipediya, açıq ensiklopediya
Keçid et: naviqasiya, axtar
Sənan Axundov
Sənan Tahir oğlu Axundov
Sənan Axundov.png
Doğum tarixi: 29 sentyabr 1979(1979-09-29)
Doğum yeri: Füzuli, Azərbaycan
Vəfat tarixi: 18 aprel 2016 (36 yaşında)
Vəfat yeri: Cəbrayıl, Azərbaycan
Vətəndaşlıq: Flag of Azerbaijan.svg Azərbaycan
Təltifləri: "Hərbi xidmətdə fərqlənməyə görə" III dərəcəli medalı "Qüsursuz xidmətə görə" II dərəcəli medalı "Qüsursuz xidmətə görə" III dərəcəli medalı "Azərbaycan Silahlı Qüvvələrinin 10 illiyi" yubiley medalı "Azərbaycan Silahlı Qüvvələrinin 90 illiyi" yubiley medalı "Azərbaycan Silahlı Qüvvələrinin 95 illiyi" yubiley medalı

Sənan Tahir oğlu Axundov (d. 29 sentyabr 1979; Füzuli, Azərbaycan - ö. 18 aprel 2016; Azərbaycan) — Azərbaycan Silahlı Qüvvələrinin zabiti (polkovnik-leytenantı). 2016-cı ildə Aprel döyüşlərindən sonra şəhid olub.

Həyatı[redaktə | əsas redaktə]

Ailənin yeganə oğul övladı olan Sənan Axundov 1979-cu ilin 29 sentyabr günündə Füzuli şəhərində Tahir və Roza Axundovların anadan olub. 1993-cü ildə erməni quldurlarının Füzuli şəhərinin bir hissəsini işğal etməsi ilə Axundovlar ailəsi qaçqın həyatı sürməyə başladı. Sənan Axundov 1997-ci ildə Binəqədi rayonunda yerləşən N. Babayev adına 144 saylı tam orta məktəbi bitirdi. 2001-ci ildə Heydər Əliyev adına Ali Hərbi Məktəbi, 2005-ci ildə Almaniya Hərbi Akademiyasını və 2009-cu ildə isə Bakı Dövlət Universitetinin "hüquq" fakültəsini bitirən Sənan Axundov daha sonra Müdafiə Nazirliyində fəaliyyətə başladı.

Hərbi xidməti[redaktə | əsas redaktə]

Polkovnik-leytenant Sənan Axundov 2016-cı ilin aprel ayında Azərbaycan-Ermənistan təmas xəttində baş verən atışmadan sonra doğulduğu Füzuli şəhərinin ətrafında yerləşən və döyüşlər zamanı Azərbaycan Silahlı Qüvvələrinin hərbçiləri tərəfindən işğaldan azad olunan Lələ təpə strateji nöqtəsində olan zaman minaya düşdü və şəhid oldu.

Aprelin 19-u isə Sənan Axundov Beyləqan şəhərində yerləşən "İbadətgahımız-Həzrəti Cərciz Peyğəmbər" məzarlığında son mənzilə yola salındı. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və polkovnik-leytenant Axundov uğrunda şəhid olduğu torpağa tapşırıldı.

İstinadlar[redaktə | əsas redaktə]