Sənan Süleymanov

Sənan Süleymanov
Sənan Süleymanov 2021-ci il Dünya Çempionatında
Şəxsi məlumatlar
Tam adı	Sənan Əmrah oğlu Süleymanov
Vətəndaşlığı	Azərbaycan
Doğum tarixi	15 dekabr 1996
Doğum yeri	Dmanisi, Gürcüstan
İdman növü	Güləş
Boyu	166 sm. (5 ft 6 in)
Çəkisi	77 kq
Medallar Dünya Çempionatı Gümüş 2021 Oslo 77 Kq. Avropa Çempionatı Qızıl 2020 Roma 77 Kq. Bürünc 2021 Varşava 77 Kq. Bürünc 2022 Budapeşt 77 Kq.

Sənan Süleymanov (15 dekabr 1996; Dmanisi, Gürcüstan) — Azərbaycanı təmsil edən yunan-roma güləşçisi, 2020-ci il Avropa Çempionatının qalibi.

Həyatı

Sənan Əmrah oğlu Süleymanov 1996-cı il dekabrın 15-də Gürcüstanın Dmanisi rayonunun Qızıl Kilsə qəsəbəsində anadan olub.

Karyerası

Sənan Süleymanov 2012-ci ildə Polşada yeniyetmələr arasında Avropa Çempionatının və Azərbaycanda yeniyetmələr arasında Dünya Çempionatının gümüş medallarına sahib oldu. 2016-cı ildə isə Sənan Süleymanov Rumıniyada gənclər arasında Avropa Çempionatını bürünc medalla başa vurdu.

2017-ci ildə Sənan Süleymanov əvvəlcə Macarıstanda U23 Avropa Çempionatını 7-ci, sonra isə Serbiyada Avropa Çempionatını 11-ci pillədə başa vurdu. 2019-cu ildə Kiyev şəhərində baş tutan beynəlxalq turnirin qalibi olan Sənan Süleymanov, Qazaxıstanda Dünya Çempionatını 8-ci pillədə, Macarıstanda U23 Dünya Çempionatını isə gümüş medalla başa vurdu.

2020-ci ildə isə Sənan Süleymanov Roma şəhərində (İtaliya) baş tutan Avropa Çempionatının final görüşündə Macarıstan nümayəndəsi Zoltan Levai üzərində qələbə qazanaraq Avropa Çempionatının qalibi oldu. 2021-ci ildə Fransada Fransa Qran-Prisini və Macarıstanda Avropa Olimpiya Təsnifat Turnirinin bürünc medallarına sahib olan Sənan Süleymanov, Varşava şəhərində (Polşa) Avropa Çempionatını bürünc, Oslo şəhərində (Norveç) Dünya Çempionatını isə gümüş medallarla başa vurdu.

2022-ci ilin fevralında İstanbul şəhərində Vəhbi Əmrənin xatirəsinə həsr olunan beynəlxalq turniri gümüş medalla başa vuran Sənan Süleymanov, martda Budapeşt şəhərində Avropa Çempionatının bürünc, avqustda Konya şəhərində V İslam Həmrəyliyi Oyunlarının isə gümüş medalına sahib oldu. Sentyabrda Belqrad şəhərində (Serbiya) baş tutan Dünya Çempionatında isə uğursuzluqla üzləşdi və turniri 20-ci pillədə başa vurdu.

2023-cü ildə Sənan Süleymanov əvvəlcə Zaqreb şəhərində (Xorvatiya) baş tutan Zagreb Open beynəlxalq turnirini 28-ci pillədə, sonra isə apreldə Avropa Çempionatını 20-ci pillədə başa vurdu.

Uğurları

Sıra	İl	Yarış	Ev sahibi	Nəticə
1	2012	Yeniyetmələrin Avropa Çempionatı	Polşa	3.
2	2012	Yeniyetmələrin Avropa Çempionatı	Azərbaycan	3.
3	2016	Gənclərin Avropa Çempionatı	Rumıniya	3.
4	2017	U23 Avropa Çempionatı	Macarıstan	7.
5		Avropa Çempionatı	Serbiya	11.
6	2019	Kiyev Beynəlxalq Turniri	Ukrayna	1.
7		Dünya Çempionatı	Qazaxıstan	8.
8		U23 Dünya Çempionatı	Macarıstan	2.
9	2020	Avropa Çempionatı	İtaliya	1.
10	2021	Fransa Qran-Prisi	Fransa	3.
11		Avropa Olimpiya Təsnifat Turniri	Macarıstan	3.
12		Avropa Çempionatı	Polşa	3.
13		Dünya Çempionatı	Norveç	2.
14	2022	Vəhbi Əmrə Turniri	Türkiyə	2.
15		Avropa Çempionatı	Macarıstan	3.
16		İslam Həmrəyliyi Oyunları	Türkiyə	2.
17		Dünya Çempionatı	Serbiya	20.
18	2023	Zagreb Open	Xorvatiya	28.
19		Avropa Çempionatı	Xorvatiya	20.