Sərdar Balayev

Vikipediya, azad ensiklopediya
Jump to navigation Jump to search

Sərdar Güli oğlu Balayev - neftçi, dövlət işçisi[redaktə | əsas redaktə]

Sərdar Balayev.jpg

O, 1913 - cü il iyulun 7-də Abşeronun qədim məskənlərindən olan Ramana kəndində fəhlə- neftçi ailəsində anadan olmuşdur. 19-cu əsrin sonunda Ramana, SabunçuSuraxanıda hətta bütün Azərbaycana şöhrət gətirən zəngin neft yataqları aşkarlandı. Ramana kənd sakinlərinə məxsus kiçik torpaqlar, dövlət tərəfindən müsadirə edilərək neft sənayesinə verildi. Bununla da kənd əhalisi öz qazanc mənbəyi olan bu torpaqlardan məhrum olaraq, neft sənayesində işləməyə məcbur oldular. Keçən əsrin 1920-30-cu illərində Sərdar orta təhsilini başa vurduqdan sonra indiki Azərbaycan Pedaqoji Universitetində ali təhsil almaqla yanaşı, eyni zamanda doğma kəndinin neft yataqlarında çalışır. Ali təhsilini başa vurduqdan sonra, əvvəlcə Cəlilabad rayonu Prişib qəsəbəsində müəllim, 1938- ci ilə qədər isə dərs hissə müdiri kimi işləmişdir.

1938-40-cı illərdə "Lenin neftçisi" qəzetinin redaksiyasında məsul katib kimi çalışmışdır. 1940-cı ildən Azərbaycan SSR "Kommunist" partiyası sıralarına qəbul edilmişdir. 1940-cı ildə Azərbaycan SSR "Kommunist" partiyasının Lenin rayonu şöbəsinin müdiri təyin edilir. O dövrdə Azərbaycanda gənc, milli kadrlara böyük ehtiyac duyulurdu. Məhz, bu səbəbdən Sərdar Balayev Moskva şəhərindəki Ali partiya məktəbində təhsil almağa göndərilir. 1943-cü ildə məktəbi bitirdikdən sonra Azərbaycanın Dövlət Təhlükəsizliyi orqanlarında işə qəbul edilir. 1951-ci ilə qədər Caparidze rayon DTİ sədri işləmişdir. 1951-56-cı illərdə Azərbaycan SSR Neft Sənayesi Nazirliyində inşaat-montaj trestinin müdiri vəzifəsində çalışmışdır. 1956-74-cü illərdə "Gipromorneft" dövlət elmi-tədqiqat institutunda direktor müavini vəzifəsində işləmişdir. İnstitutda işlədiyi dövrdə Sərdar Balayev neft sənayesinin tarixinə həsr olunmuş onlarca elmi məqalələr dərc etdirmişdir. 1969-cu ildə ildə isə "Əbədi odlar ölkəsinin nefti" adlı kitabı nəşr edilmişdir.

S.Balayev Bakı şəhərinin ictimai həyatında da aktiv fəaliyyət göstərmiş, dəfələrlə rayon və şəhər sovetlərinə deputat seçilmişdir. Ailəli idi və üç övladı var. 1974-cü il sentyabrın 9-da vəfat etmiş və doğma kəndi Ramanada dəfn olunmuşdur.