Sərxan Ömərov

Sərxan Ömərov
Şəxsi məlumatlar
Doğum tarixi	18 oktyabr 1999(1999-10-18)
Doğum yeri	Yuxarı Tala, Zaqatala rayonu, Azərbaycan
Vəfat tarixi	13 sentyabr 2022(2022-09-13) (22 yaşında)
Vəfat yeri	Kəlbəcər rayonu, Azərbaycan
Dəfn yeri	Yuxarı Tala
Vətəndaşlığı	Azərbaycan
Atası	Mübariz Ömərov
Anası	Rəna Ömərova
Hərbi fəaliyyəti
Mənsubiyyəti	Azərbaycan Ordusu
Qoşun növü	Xüsusi Təyinatlı Qüvvələr
Rütbə	Leytenant
Döyüşlər	Azərbaycan–Ermənistan sərhəd toqquşması (2022) Vətən müharibəsi  • Cəbrayılın azad edilməsi  • Füzulinin azad edilməsi  • Qubadlının azad edilməsi  • Zəngilanın azad edilməsi  • Hadrutun azad edilməsi
Təltifləri

Sərxan Mübariz oğlu Ömərov (18 oktyabr 1999, Yuxarı Tala, Zaqatala rayonu – 13 sentyabr 2022, Kəlbəcər rayonu) — Azərbaycan Silahlı Qüvvələrinin leytenantı.

Həyatı

Sərxan Ömərov 1999-cu il oktyabrın 18-də Zaqatala rayonu Yuxarı Tala kəndində anadan olmuşdur. 2005-ci ildə Zaqatala rayonu Yuxan Tala kənd 4 nömrəli tam orta məktəbinə daxil olub, 2005-ci ildən 2014-cü ilə qədər həmin məktəbdə təhsil almışdır. 2014-cü ildə C. Naxçıvanski adına Hərbi liseyə daxil olub və 2017-ci ildə həmin liseyi bitirib. 08.08.2017-ci ildən 30.09.2020-ci ilədək Heydər Əliyev AAHM-də təhsil alıb və həmin məktəbin Quru Qoşunlar fakültəsini Xüsusi təyinatlı texnika sistemlər ixtisası üzrə bitirmişdir.

Hərbi xidməti

Sərxan Ömərov xidmətini davam etdirmək üçün "N" saylı hərbi hissəyə göndərilir və 30.09.2020-ci ildən 04.11.2020-ci ilədək "N" saylı hərbi hissədə tank əleyhinə idarə olunan raketlər batereyasının ll tank əleyhinə idarə olunan taqım Komandiri vəzifəsinə təyin olunub və xidmət etmişdir.

04.11.2020-ci ildən 28.11.2020-ci ilədək "N" saylı Artilleriya Briqadasında Artilleriya divizyonunun kəşfiyyat rəisi vəzifəsində xidmət etmişdir.

28.11.2020-ci ildən 25.06.2021-ci ilədək Heydər Əliyev adına Azərbaycan Ali Hərbi Məktəbində təhsilini davam etdirib. 25.06.2021-ci ildən 27.12.2021-ci ilə dək Xüsusi Təyinatlı Qüvvələr Komandanının sərəncamında olmuşdur. 27.12.2021-ci ildə isə Xüsusi Təyinatlı Qüvvələrin "N" saylı hərbi hissəsində Xüsusi təyinatlı dəstənin Xüsusi təyinatlı taqım komandirinin Müavini vəzifəsinə təyin olunub və Şəhid olanadək bu vəzifədə xidmət etmişdir.

Xidmət müddətində komandir və rəislər tərəfindən təşəkkür və fəxri fərmanlarla həvəsləndirilmişdir.

Sərxan Ömərov 2022-ci il sentyabrın 13-də Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı şəhid olub. Yuxarı Tala qəbiristanlığında dəfn olunmuşdur.

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Sərxan Ömərov Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra "Azərbaycan Bayrağı" ordeni və "Vətən uğrunda" medalı ilə təltif edilmişdir.

Təltifləri

• (05.11.2022) — "Vətən uğrunda" medalı (ölümündən sonra)
• (05.11.2022) — "Azərbaycan Bayrağı" ordeni (ölümündən sonra)