Məzmuna keç

Səudiyyə Ərəbistanının Azərbaycandakı səfirliyi

Vikipediya, azad ensiklopediya
Səudiyyə Ərəbistanı Krallığınının Azərbaycandakı səfirliyı
Səfirİssam bin Saleh əl-Cuteyli
SaytSaudi Embassies

Səudiyyə Ərəbistanı Krallığınının Azərbaycanda səfirliyı — Səudiyyə Ərəbistanın Azərbaycan Respublikasında diplomatik nümayəndəliyi. Səfirlik Səudiyyə Ərəbistanın rəsmi nümayəndəliyi olaraq Azərbaycan ilə Səudiyyə Ərəbistanı arasında diplomatik münasibətlərə aid bütün məsələləri əhatə edir. O, Səudiyyə Ərəbistanın siyasi, iqtisadi, maliyyə və hüquqi məsələləri, eləcə də elm, təhsil, mədəniyyət və s. sahələrində maraqlarını Azərbaycan Respublikasında təmsil edir. Səudiyyə Ərəbistanı Krallığı Azərbaycan Respublikasının suverenliyini və ərazi bütövlüyünü daim dəstəkləmişdir.

Azərbaycanla SƏK ikitərəfli əlaqələrlə yanaşı, İslam Əməkdaşlıq Təşkilatı, BMT, Neft İxrac Edən Ölkələr Birliyi, Qoşulmama Hərəkatı və digər nüfuzlu regional və beynəlxalq təşkilatlar çərçivəsində əməkdaşlıq edir.

2023-cü ildən Səudiyyə Ərəbistanın Azərbaycanda Fövqaladə və səlahiyyətli səfiri İssam bin Saleh əl-Cuteylidir.[1]

Haqqında

[redaktə | vikimətni redaktə et]

Səudiyyə Ərəbistanı Krallığı Azərbaycan Respublikasının müstəqilliyini 1991-ci il 30 dekabr tarixində tanımışdır.

Azərbaycan Respublikası ilə Səudiyyə Ərəbistanı Krallığı arasında diplomatik əlaqələr 1992-ci il fevralın 24-də qurulmuşdur.[2]

1994-cü ilin aprel ayından Azərbaycanın Səudiyyə Ərəbistanı Krallığında səfirliyi təsis edilib.

1999-cu ilin iyun ayında Səudiyyə Ərəbistanı Krallığının Azərbaycanda səfirliyi açılıb.[3][4]

Parlamentlərarası əlaqələri

[redaktə | vikimətni redaktə et]

Milli Məclisdə Azərbaycan-Səudiyyə Ərəbistanı Parlamentlərarası əlaqələr üzrə işçi qrupu fəaliyyət göstərir.[5]

Səudiyyə Ərəbistanı Krallığının (Parlamenti) Məşvərət Şurasında Səudiyyə Ərəbistanı - Azərbaycan Dostluq Komitəsi yaradılıb.

21 noyabr 1994-cu ildə Səudiyyə Ərəbistanın Turkiyədəki səfiri, eyni zamanda Azərbaycanda akkreditə olunub.

Səfirlər

[redaktə | vikimətni redaktə et]
Səfir Müddət başlanğıcı Müddətin sonu
Fəhd bin Əli əd-Dosəri 2013-cü ilə qədər[6] 2013
Musaid bin İbrahim bin Abdullah Əl-Səlimi[7] 2013-2018 2013 2018
Haməd bin Abdullah bin Səud bin Xudeyr 2018-2023 [8] 2018 2023
İssam bin Saleh əl-Cuteyli[1] 2023

Viza

[redaktə | vikimətni redaktə et]

Səudiyyə Ərəbistanına turist vizası www.visitsaudi.com saytında elektron formada təqdim olunur. Ərizə təsdiq olunduqdan sonra ölkəyə daxil olduqda pasporta viza möhürü vurulur.[9]

Elektron turist vizası aşağıdakı xüsusiyyətlərə malikdir:

  • Müddəti 1 il
  • Çoxgirişlidir (multi-entry)
  • İldə 180 gün ölkədə qalmaq icazəsi var
  • Hər səfər 90 gündən çox olmamalıdır

Elektron ərizə üçün tələb olunan məlumatlar:

  • Ad və soyad
  • Doğum tarixi və yeri
  • Qeydiyyat ünvanı
  • Ailə vəziyyəti, cins, milliyyət
  • Peşə
  • Fotoşəkil (200x200 px, 1 KB-a qədər)
  • Səudiyyədə qalma ünvanı
  • Səfərin məqsədi
  • Aviabiletlər və pasport məlumatları
  • Məcburi tibbi sığorta

Ümrə vizası: Bu viza növü yalnız Ciddə, Məkkə və Mədinə şəhərlərində etibarlıdır və bu cür viza ilə işləmək, qalma müddətini uzatmaq, istirahət üçün başqa yerlərə getmək olmaz.[10]

İstinadlar

[redaktə | vikimətni redaktə et]
  1. 1 2 İlham Əliyev Səudiyyə Ərəbistanının ölkəmizdə yeni təyin olunmuş səfirinin etimadnaməsini qəbul edib
  2. ↑ "Səudiyyə Ərəbistanı Krallığı". 27 iyul 2022 tarixində arxivləşdirilib. İstifadə tarixi: 12 fevral 2026.
  3. ↑ Embassy of the Republic of Azerbaijan to the Kingdom of Saudi Arabia
  4. ↑ Azərbaycan — Səudiyyə Ərəbistanı Krallığı münasibətləri
  5. ↑ Azərbaycan-Səudiyyə Ərəbistanı parlamentlərarası əlaqələr üzrə işçi qrupu
  6. ↑ İlham Əliyev Səudiyyə Ərəbistanı Krallığının Azərbaycandakı səfirini qəbul etmişdir 16 yanvar 2013
  7. ↑ İlham Əliyev Səudiyyə Ərəbistanı Krallığının Azərbaycanda yeni təyin olunmuş səfirinin etimadnaməsini qəbul etmişdir 28 iyun 2013
  8. ↑ İlham Əliyev Səudiyyə Ərəbistanının Azərbaycanda yeni təyin olunmuş səfirinin etimadnaməsini qəbul edib
  9. ↑ Turist vizası
  10. ↑ Səudiyyə vizası

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Səudiyyə_Ərəbistanının_Azərbaycandakı_səfirliyi&oldid=8943398"