Səyyaf Əliyev

Vikipediya, açıq ensiklopediya
Jump to navigation Jump to search
Səyyaf Əliyev
Əliyev Səyyaf Əziz oğlu
Səyyaf Əliyev.jpg
Doğum tarixi 25 yanvar 1937(1937-01-25)
Doğum yeri Ağdam, Novruzlu
Vəfat tarixi 12 iyun 2004 (67 yaşında)
Vəfat yeri Bakı
Vətəndaşlığı SSRİ SSRİAzərbaycan Azərbaycan

Əliyev Səyyaf Əziz oğlu — Ağdam rayon Komsomol Komitəsinin I katibi (1965-1970)

Həyatı[redaktə | əsas redaktə]

Əliyev Səyyaf Əziz oğlu 25 yanvar 1937-ci ildə Azərbaycanın Ağdam rayonun Novruzlu kəndində anadan olmuşdur.1946-1956-cı ildə Ağdam orta məktəbində təhsil almışdır.1957-1959-cu illərdə Ağdam Kənd Təsərrüfatı texnikumunda təhsil almışdır. 1963-1969 cu illərdə V.İ.Lenin adına Azərbaycan Dövlət Pedoqoji institutunda təhsil almışdır.1976-1983-cü illərdə C.Ağamalıoğlu adına Kənd Təsərrüfatı institutunu bitirmiş və beləliklə də ikinci ali təhsilini almışdır.

Əmək fəaliyyəti[redaktə | əsas redaktə]

Əmək fəaliyyətinə 1959-cu ildə Ağdam barama toxumu zavodunda başlayıb. Hələ gənclik illərindən Səyyaf Əliyevin liderlik istedadı diqqəti cəlb etmiş və o 1961-ci ildə Ağdam rayon Komsomol Komitəsinin II katibi, 1965-ci ildə isə I katib seçilmişdir. 1970-ci ildə Ağdam rayon Təşkila Komitəsinin müdiri təyin edilmişdir. 1971-1975 -ci illərdə Ağdam rayon XDS İcraiyyə Komitəsində sədr müavini vəzifəsində işləmişdir. 1975-1979-cu illərdə Ağdam rayon Kənd Təsərrüfatı texnikumunun direktoru vəzifəsində işləmişdir. 1979-1997 –ci illərdə Ağdam 50 saylı Texniki Peşə Məktəbinin direktoru vəzifəsində işləmişdir. 1997-2004-cü illərdə Bakı şəhəri 17 №li peşə məktəbinin direktoru vəzifəsində işləmişdir.[1]

Mükafatları[redaktə | əsas redaktə]

  • 1970 - " Əməkdə fədakarlıq " medalı
  • 1973 - "Sosialist Müsabiqə qalibi " medalı
  • 1997 - "Əmək veteranı" fəxri adı

İstinadlar[redaktə | əsas redaktə]

  1. Orxan Zakiroğlu (Baharlı). Ağdamda təhsil (1883-1993). Bakı, "Ecoprint", 2018.