Saatlı Olimpiya İdman Kompleksi

Vikipediya, azad ensiklopediya
Jump to navigation Jump to search

Saatlı Olimpiya İdman KompleksiAzərbaycan Respublikasının Saatlı rayonunda olimpiya idman qurğusu. Azərbaycan Milli Olimpiya Komitəsinin balansındadır.

Saatlı Olimpiya İdman Kompleksinin inşasına 2011-ci ilin dekabrında başlanılmışdır. Kompleksin tikintisi məqsədi ilə “Saatlı rayonunda Olimpiya İdman Kompleksinin və Gənclər Mərkəzinin tikintisi haqqında” Azərbaycan Respublikası Prezidentinin Sərəncamı ilə Prezidentin ehtiyat fondundan ilkin olaraq 1 milyon manat, 2012-ci ildə isə, işlərin davam etdirilməsi üçün Azərbaycan Respublikası Nazirlər Kabinetinin sərəncamı ilə 2 milyon, 2013-cü ildə isə investisiya proqramına uyğun olaraq daha 5 milyon manat ayrılmışdır. Burada bir çox yarışların, təlim-məşq toplanışlarının və digər tədbirlərin keçirilməsi üçün hər cür şərait vardır.[1]

Kompleksin üzgüçülük zalında Türkiyə istehsalı olan hovuz sistemi və “Gonka Klima” markalı xüsusi nəmalma qurğusu quraşdırılmışdır. İki yüz yerlik zalda iki soyunub-geyinmə, duş otaqları vardır. Kompleksin ərazisində ikimərtəbəli beş kottec inşa edilmişdir. Hər kottec dörd nömrədən ibarətdir.[1]

Olimpiya İdman Kompleksinin ümumi zalının foyesində Heydər Əliyevin və Prezident İlham Əliyevin Saatlıya səfərlərindən və idmanın inkişafına göstərdikləri qayğıdan bəhs edən fotoguşələr yaradılmışdır.[1]

Kompleksin tikintisi üçün 6 hektar torpaq sahəsi ayrılmış, layihə-smeta sənədləri “Sosial İnkişaf Layihə” Məhdud Məsuliyyətli Cəmiyyət tərəfindən hazırlanmışdır. Layihəyə əsasən ümumi sahəsi 3340 kvadratmetr olan universal idman zalında 432 oturacaq vardır. Eyni zamanda, 400 tamaşaçı yarışları lojalardan izləyə biləcəkdir. Burada idmançılar üçün iki soyunub-geyinmə, məşqçi və digər yardımçı otaqlar vardır. İnzibati hissənin birinci mərtəbəsində geniş vestibül, informasiya mərkəzi, məlumat-qeydiyyat hissəsi, istirahət otağı yerləşir. İkinci mərtəbədə trenajor zalı, kafe, müdiriyyət və işçi otaqları, konfrans zalı və güləş zalı vardır.[1] 2013-cü ilin sonunadək 900 yerlik açıq stadion, tennis kortu, basketbol meydançası tikintisi yekunlaşmışdır.

Açılışı[redaktə | əsas redaktə]

Azərbaycan Respublikasının Prezident İlham Əliyev 29 avqust 2013-cü ildə Saatlı Olimpiya İdman Kompleksinin açılışında iştirak etmişdir.[1]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 1,4 İlham Əliyev Saatlı Olimpiya İdman Kompleksinin açılışında iştirak etmişdir. president.az, 29.08.2013  (azərb.)
Azərbaycan Azərbaycan olimpiya idman kompleksləri

AbşeronAğcabədiAğdamAğdaşBalakənBərdəBiləsuvarFüzuliGöyçayHövsanİsmayıllıKürdəmirOğuzSabirabadŞağanŞəmkirGəncəTovuzİmişliQəbələSumqayıtAstaraCəlilabadQobustanXaçmazŞirvanQaxGöygölQazaxQubaLənkəranMasallıMaştağaNaxçıvanSaatlıSalyanSərhədçiŞamaxıŞəkiŞərurZaqatala