Sabir Fərəcov

Vikipediya, açıq ensiklopediya
Jump to navigation Jump to search
Sabir Fərəcov
Sabir Abuş oğlu Fərəcov
Fotoqrafiya
Doğum tarixi
1 iyul 1938 (1938-07-01) (80 yaş)
Doğum yeri Qasımlı
Masallı rayonu
Flag of the Azerbaijan Soviet Socialist Republic.svg Azərbaycan SSR
Atası Fərəcov Abuş (Abdul) Gəncəli oğlu
Anası Fərəcova Sürəyya Hüseyn qızı
Həyat yoldaşı Fərəcova Arəstə Şərif qızı
Uşağı Cabir Fərəcov
Kamal Fərəcov
Vətəndaşlığı Flag of the Azerbaijan Soviet Socialist Republic.svg Azərbaycan SSR
Flag of Azerbaijan.svg Azərbaycan
Peşəsi aqronom
kimyaçı
müəllim
bioloq
yazıçı
Milliyyəti Azərbaycanlı
Əsərlərinin dili azərbaycanca
rusca
Mükafatları "Əmək veteranı" medalı

Sabir Abuş oğlu Fərəcov (d. 1938, Qasımlı, Masallı rayonu, Azərbaycan SSR, SSRİ) — Əmək veteranı, aqronom, kimyaçı, biologiya üzrə fəlsəfə doktoru, yazıçı-publisist, AJB-nin üzvü, tədqiqatçı, müəllim[1].

Həyatı[redaktə | əsas redaktə]

Sabir Abuş oğlu Fərəcov 1 iyul, 1938-ci il Azərbaycan SSR, Masallı rayonu, Qasımlı kəndində anadan olub. Atası Fərəcov Abuş (Abdul) Gəncəli oğlu 1941-ci ildə hərbi xidmətə çağırılıb və 1943-cü ildə Krım döyüşlərində həlak olmuşdur və birdaha geri qayıtmamışdır. Sabir Fərəcov 1953-cü ildə Yeddioymaq kənd orta məktəbinə daxil olub, 1956-cı ildə Qızılağac kənd tam orta məktəbini, 1959-cu ildə Salyan kənd təsərrüfatı texnikomunun aqronomluq ixtisasını bitirmişdir. 1959-1961-ci illərdə hərbi xidmətdə olub. 1963-cü ildə Gəncə DPİ-un biologiya fakültəsinə qəbul olub. 1971-1972-ci illərdə Yeddioymaq kənd tam orta məktəbində müəllim və tədris işləri üzrə direktor müavini işləyib. 1990-2011-ci illərdə Qasımlı kənd tam orta məktəbində kimya-biologiya fənnini tədris edib. İşgüzarlığı, pedaqoji ustalığı və qayğıkeşliyi ilə ilk günlərdən şagirdlərinin və müəllim kollektivinin sevimlisinə çevrilib. Tədris etdiyi fənnini şagirdlərə sevdirməklə kənd ictimaiyyəti arasında dərin hörmət qazanıb. 2004-cü ildən 2017-ci ilədək Azərbaycan Milli Elmlər Akademiyası Radiasiya Problemləri İnstitunda bitkilərin insan orqanizminə təsirinin araşdırılması ilə məşğul olub. 2 iyun 2017-ci ildə biologiya üzrə fəlsəfə doktoru elmi dərəcəsi almışdır. Azərbaycan Jurnalistlər birliyinin üzvüdür. Sabir müəllimin əməyi dəfələrlə müxtəlif səviyyələrdə layiqincə qiymətləndirilmiş, dövlət mükafatlarına, fəxri fərmanlara layiq görülmüşdür. Sabir müəllim fədakar əməyinə görə "Əmək veteranı" medalına layiq görülmüşdür. Maraqlıdır ki, 2 ildə müəllifin işıq üzü görən dörd kitabından 3-ü rus dilində nəşr olunmuşdur. Sabir müəllimin həyəti yüzlərlə bəzək və meyvə ağacı ilə zəngin nadir bir bağı xatırladır. Sabir müəllim qurub-yaradan biliyini təmənnasız insanlara bəxş etməyi bacaran Allah adamıdır. O həm də mehriban ailə başçısıdır. Həyat yoldaşı Arəstə xanımla 10 uşaq böyüdüb, tərbiyə etmişlər. Övladlarının hamısı ev-eşik sahibidir.


Sabir Fərəcov tibbə dair yazdığı kitablara və pedaqoji fəaliyyətinə görə RTŞ-nin fəxri fərmanını almışdır.

Bioloq, Sabir Abuşoğlunun "Sekretı Zdorovya" (Sağlamlığın sirləri), "Formula molodosti i dolqoletiye" (Cavanlığın və uzun ömürün düsturu), "Verni svoye zdorovye" (Öz sağlamlığını qaytar), "Zdorovye - eto vaşe boqatstvo" (Sağlamlıq sizin sərvətinizdir), "Hipertoniya, ürək, şəkər xəstəlikləri və onların müalicəsi", "Sağlamlıq böyük nemətdir" kitabları artıq təkcə Azərbaycanda deyil, həmçinin MDB ölkələrində, xüsusilə də Rusiyada geniş oxucu kütləsinin rəğbətini qazanmışdır. Yazdığı bu kitablar müəllifin dərin müşahidə qabiliyyətinə, yüksək tədqiqatçı əzmkarlığına, geniş biliyə malik olmasının bariz sübutudur. Çoxlu sayda elmi və elmi-publisist ədəbiyyatı araşdırıb, aldığı nəticələri ümumiləşdirməklə, müəllif müxtəlif xəstəliklərin müalicəsi üçün tətbiq olunan üsullara yaradıcı nöqteyi-nəzərdən yanaşmış və onları sadə və anlaşılan dildə oxuculara çatdırmışdır. Xeyirxah insan, yorulmaz tədqiqatçı olan Sabir Abuş oğlu Fərəcovun kitabları insan sağlamlığına xidmət etdiyindən qiymətli vəsaitlər hesab olunur[2].

Mükafatları[redaktə | əsas redaktə]

  • RTŞ-nin fəxri fərmanı

Kitabları[redaktə | əsas redaktə]

Rus dilində[redaktə | əsas redaktə]

  • "Секреты здоровья". Масаллы, 2002
  • "Формулы молодости и долголетия". Баку, 2002
  • "Верни свое здоровье". Баку, 2002
  • Здоровье - это ваше богатство"
  • "Как сохранить здоровье?"

Azərbaycan dilində[redaktə | əsas redaktə]

  • "Hipertoniya, ürək, şəkər xəstəlikləri və onların müalicəsi. Bakı 2003"
  • "Sağlamlıq böyük nemətdir"
  • "Səmərəli qidalanma və sağlamlıq"
  • "Qocalma prosesini necə ləngitmək mümkündür?"

Məqalələri[redaktə | əsas redaktə]

Əxlaq normalarımız

Ailəsi[redaktə | əsas redaktə]

  • Ulu babası: Qacarlı Fərəc Məhəmməd oğlu (1813-1894)
  • Babası: Məmmədov Gəncəli Fərəc oğlu
  • Atası: Fərəcov Abuş (Abdul) Gəncəli oğlu

(1909-1943)

  • Uşaqları:
  • Oğlu: Fərəcov KamalFərəcov Cabir
  • Nəvələri: Gəncəliyev Tural, Fərəcov Turan, Fərəcov AsimFərəcov Camal
  • Qardaşı: Gəncəliyev Camal

İstinadlar[redaktə | əsas redaktə]

  1. "Fərəcov Sabir Abuş oğlu" (az). yeni həyat.az. Arxivləşdirilib: [1] saytından 2018-28-02 tarixində. https://web.archive.org/web/20180109181732/http://yeniheyet.az/tehsil/287-qum-saat-byk-mtlblr.html. İstifadə tarixi: 2018-02-15.
  2. Aydın Şükürov. "Masallının təhsil fədailəri 2-ci kitab". Arxivləşdirilib: [2] saytından 5 yanvar 2017 tarixində. https://yadi.sk/i/MVUV4tqnyPRkq.pdf. İstifadə tarixi: 3 mart 2018.

Xarici keçidlər[redaktə | əsas redaktə]

Qum saatı verilişi