Sabirabad Olimpiya İdman Kompleksi

Sabirabad Olimpiya İdman Kompleksi (rəsmi adı: "Sabirabad Olimpiya İdman Kompleksi" MMC) — Azərbaycan Respublikasının Sabirabad rayonunda yerləşən olimpiya idman qurğusu. Azərbaycan Respublikası Gənclər və İdman Nazirliyinin strukturuna daxil olmayan tabeliyindəki təsərrüfathesablı qurumdur^[1]

Tarixi[redaktə | əsas redaktə]

Sabirabad Olimpiya İdman Kompleksi 2008-ci il sentyabrın 26-da istifadəyə verilmişdir.

Fəaliyyəti[redaktə | əsas redaktə]

Ümumi sahəsi 6,4 hektar olan kompleksin əsas korpusunda tamaşaçı tutumu 600 nəfər olan idman zalı, 2 trenajor zalı, 4 inzibati, 2 texniki, 1 həkim otaqları və kafe fəaliyyət göstərir. Bundan əlavə üzgüçülük kompleksi, açıq tipli voleybol və mini futbol meydançaları, qaçış zolağı, 28 yerli mehmanxana və hər biri 4 nəfərlik 3 kotec mövcuddur. Üzgüçülük kompleksində tamaşaçı tutumu 196 nəfər olan hovuz, trenajor zalı, 4 inzibati, 2 texniki, 1 həkim otaqları və kafe fəaliyyət göstərir. Əsas idman zalının ölçüsü 40 m x 60 m, tamaşaçı tutumu 432 nəfər, Uzgüçülük hovuzunun ölçüsü – 25 m x 11.5 m, tamaşaçı tutumu 150 nəfər, Trenajor zalının ölçüsü isə 13 m x 9 m-dir.

Kompleksdə mini-futbol, voleybol, basketbol, üzgüçülük, stolüstü tennis, güləş və atletika idman növlərinin inkişafı üçün hər bir şərait yaradılıb.

Sərbəst güləş, boks, mini futbol, sambo, karate, trenajor, üzgüçülük, stolüstü tennis bölmələri fəaliyyət güstərir.