Sabit Rəhmanın Ev-Muzeyi

Vikipediya, azad ensiklopediya
Jump to navigation Jump to search
Sabit Rəhmanın Ev-Muzeyi
Əsası qoyulub 2001
Mövzu Tarix
Yerləşir Şəki şəhəri, Ağvanlar məhəlləsi, 21
Kolleksiyası 541 eksponat
Telefon (+994 24) 244-50-89
İş rejimi (II – VII) 10:00 – 18:00[1]

Sabit Rəhmanın Ev-Muzeyi — doğulduğu, boya-başa çatdığı ata mülkündə yaradılmışdır. Azərbaycan Respublikası Nazirlər Kabinetinin Bakı şəhəri, 7 sentyabr 2000-ci il, № 163-li Qərarına əsasən Şəki şəhərində Sabit Rəhmanın ev-muzeyinin yaradılması haqqında Azərbaycan Respublikası Mədəniyyət Nazirliyinin Şəki şəhər İcra Hakimiyyəti ilə razılaşdırılmış təklifi qəbul edilib.[2]

Muzey binası[redaktə | mənbəni redaktə et]

Bina Sabit Rəhmanın atası Rəhman Əfəndi XIX əsrin əvvəllərində 26 mart 1910-cu ildə inşa edilmişdir. Sabit Rəhman burada anadan olub.XX əsrin əvvəllərində əksər binalar və hasarlar çiy kərpicdən tikilirdi. Rəhman Əfəndi isə binanı daşdan tikdirib, sonra məhəllədə ilk daş hasar da çəkdirib. Elə bu səbəbdən də bu nəsil "Daşagirənlər" adlanırdı. Sabit Rəhmanın doğulduğu ev 2001-ci ildən muzey kimi fəaliyyət göstərir. Muzeydə 541 eksponant nümayiş etdirilir. Sabit Rəhmanın ömür yolunun ŞəkiBakı dövrləri ,ədəbi fəaliyyəti maraqlı eksponatlar vasitəsilə tamaşaçıya çatdırılır. Azərbaycanın böyük bəstəkarı Emin Sabitoğlu Sabit Rəhmanın oğludur. Muzeydə bəstəkara aid eksponatlardan ibarət ekspozisiya nümayiş etdirilir. Beləliklə muzeyə gələn tamaşaçı Azərbaycanın iki ziyalı oğlunun həyat və yaradıcılığı ilə tanış olur.[3]

Muzeyin ekpozisiyası[redaktə | mənbəni redaktə et]

Muzeyin ekzpozisiyası2 mərtəbə, 4 otaq, 2 dəhlizdən ibarətdir. Birinci mərtəbədə iki otaq və dəhliz, otaqların birində gözəl naxışlarla işlənmiş buxarı və böyük divar sobası var. 2000-ci ildə bərpasına başlanan bina 2001-ci ilin iyun ayının 8-də Sabit Rəhmanın ev-muzeyi kimi istifadəyə verilib. Böyük ekspozisiya zalında Sabit Rəhmanın şəxsi əşyaları, üzərində yazıb-yaratdığı masa, uşaqlıq və gənclik illərində çaldığı royal nümayiş etdirilir. Üzeyir bəy Hacıbəyli vaxtilə Sabitin bu royalda ifasını dinləyib və çox bəyənib, ona bu işi davam etdirməyi məsləhət görüb. Lektoriya zalında Sabit Rəhmanın oğlu, 600-dən çox mahnının müəllifi bəstəkar Emin Sabitoğluna aid eksponatlar, üçüncü otaqda ailənin məişət əşyaları, dördüncü otaqda isə dramaturqun 50 illik yubileyində verilmiş hədiyyələr sərgilənir. Ev-muzeydə bütövlükdə 460-a yaxın eksponat saxlanılır.[4]

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]