Sadiq Xəlilov

Vikipediya, azad ensiklopediya
Jump to navigation Jump to search
Sadiq Xəlilov
Xəlilov Sadiq Xosrov oğlu
Sadiq Xəlilov.jpg
Doğum tarixi (71 yaş)
Doğum yeri Ağdam, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elm sahəsi fizika-riyaziyyat
Elmi dərəcəsi fizika-riyaziyyat elmləri namizədi (1979)
Təhsili Azərbaycan Dövlət Universitetinin Fizika fakültəsi
Mükafatları "Qabaqcıl təhsil işçisi"

Xəlilov Sadiq Xosrov oğlu — fizika-riyaziyyat elmləri namizədi (1979), "Qabaqcıl təhsil işçisi", Sumqayıt Dövlət Universitetində kafedra müdiri.

Həyatı[redaktə | əsas redaktə]

Sadiq Xəlilov 20 aprel 1950-ci ildə Ağdam şəhərində anadan olmuşdur. 1966-cı ildə Ağdam şəhər 2 saylı beynəlmiləl orta məktəbi başa vurmuşdur.

1966-cı ildə Azərbaycan Dövlət Universitetinin fizika fakültəsinə daxil olmuş və 1971-ci ildə universiteti bitirmişdir.

Universiteti bitirdikdən sonra təyinatla Ağcabədi rayonunun Boyad kənd orta məktəbində fizika müəllimi işləmişdir.

Sadiq müəllim 1972-ci ildən 1982-ci ilə qədər Azərbaycan Dövlət Universitetinin fizika fakültəsinin “Ümumi fizika” kafedrasında laborant, baş laborant və baş elmi işçi vəzifələrində çalışmışdır.

1979-cu ildən fizika-riyaziyyat elmləri namizədidir.

Sadiq Xəlilov 1982-ci ildən 2000-ci ilədək Azərbaycan Texniki Universitetinin Fizika kafedrasında dosent vəzifəsində çalışmışdır.

2000-ci ilin avqustundan hal-hazıra qədər Sumqayıt Dövlət Universitetində tədris hissəsinin müdiri, 2006-cı ildən isə həm də fizika tədrisi metodikası kafedrasının müdiri vəzifəsində çalışır. Sadiq Xəlilov 110-a qədər elmi, elmi-metodik məqalənin və bir neçə dərs vəsaitinin müəllifidir. 2010-cu ildə Azərbaycan Respublikası Təhsil Nazirliyinin “Qabaqcıl təhsil işçisi” döş nişanı ilə təltif edilmişdir. 2012-ci ildə Azərbaycan Respublikası Prezidentinin sərəncamı ilə ona "Azərbaican Respublikasının Əməkdar müəllimi" fəxri adı verilmişdir.

Üç övladı və beş nəvəsi var.

Mənbə[redaktə | əsas redaktə]