Sakit uşaq (film, 2017)

Vikipediya, azad ensiklopediya
Jump to navigation Jump to search
Sakit uşaq
ing. The Silent Child
Sakit uşaq (film, 2017).jpg
Janr dram
Rejissor Kris Overton
Prodüser Rebekka Harris
Culi Foy
Denni Omerod
Ssenari müəllifi Reyçel Şenton
Baş rollarda Reyçel Şenton
Meyzi Slay
Operator Əli Fərahani
Bəstəkar Əmir Koncani
İstehsalçı Slick Films
İlk baxış tarixi 8 avqust 2017, ABŞ
Filmin növü qısametrajlı bədii film
Rəng rəngli
Vaxt 20 dəqiqə
Ölkə Böyük Britaniya Böyük Britaniya
Dil ingilis dili
Britaniya işarət dili
İl 2017

"Sakit uşaq" (ing. The Silent Child) — işarət dilində[1] çəkilmiş Böyük Britaniya qısametrajlı bədii filmi. 2017-ci ildə Slick Films şirkətində istehsal olunmuş filmin rejissoru Kris Overtondur.[2] Baş rolu filmin ssenari müəllifi Reyçel Şenton ifa edir. Film Oskar mükafatının 90-cı təqdimat mərasimində "Ən yaxşı qısametrajlı bədii filmə görə" nominasiyasının qalibi olub.[3]

Məzmun[redaktə | əsas redaktə]

Film anadangəlmə eşitmə problemi olan 4 yaşlı balaca Libbidən bəhs edir. Qızcığaz səssizlik aləmində yaşayır. Lakin gözlənilmədən onun həyatında sosial işçi peyda olur və Libbiyə əhatəsində olan insanlarla ünsiyyət qurmağı öyrədir.

Rollarda[redaktə | əsas redaktə]

  • Reyçel Şenton — Coan
  • Meyzi Slay — Libbi
  • Reyçel Fildinq — Syu
  • Filip York — Pol
  • Anna Berri — Nensi
  • Sem Ris — Sib
  • Enni Kassell — Pip

Zəmin[redaktə | əsas redaktə]

Film həyatda atası kar olan Şentonun şəxsi təcrübəsinə əsaslanır. Filmdə dərin eşitməzlik yaşayan uşağın obrazını kinoda ilk dəfə çəkilən 6 yaşlı Meyzi Slay ifa etmişdir.[4][5] Filmdə Britaniya işarət dilindən (BSL) istifadə olunmuşdur.

Mükafatlar və nominasiyalar[redaktə | əsas redaktə]

"Sakit uşaq" filmi 2017-ci ilin avqustunda Rod Aylend Beynəlxalq Film Festivalında "Ən yaxşı qısametrajlı film" nominasiyasının qalibi olmuşdur. Bu məqam filmin "Oskar"a yolunun açılmasında əsas rol oynadı. 2017-ci ilin dekabrında film "Oskar"ın "Ən yaxşı qısametrajlı bədii filmə görə" nominasiyasında yekun olaraq seçilmiş 10 filmin arasında yer aldı.[2][1] 23 yanvar 2018-ci ildə filmin Ən yaxşı qısametrajlı bədii filmə görə "Oskar" mükafatına namizəd göstərildiyi elan edildi və sonradan mükafatın sahibi oldu.[3] Mükafat Şentona təqdim edilərkən o öz çıxışını həm söz, həm də işarət dili üzərində qurdu.[6]

Mükafat Təqdimetmə tarixi Nominasiya Namizəd Nəticə İst.
Oskar mükafatı 4 mart 2018 Ən yaxşı qısametrajlı bədii film Kris Overton
Reyçel Şenton
Qalib
Aestetika Qısametrajlı Film Festivalı 12 noyabr 2017 Tamaşaçı səsverməsi Kris Overton Qalib
"York Yous" mükafatı Kris Overton Qalib
Hollivud Beynəlxalq Hərəkətli Şəkillər Film Festivalı avqust, 2017 Tanıtım mükafatı: qısametrajlı dram Kris Overton Qalib [7]
Tanıtım mükafatı: 18 yaşdan aşağı aktrisa Meyzi Slay Qalib
London Müstəqil Film Mükafatı avqust, 2017 Ən yaxşı aktrisa Reyçel Şenton Qalib [8]
Rod Aylend Beynəlxalq Film Festivalı 13 avqust 2017 Ən yaxşı aktrisa Meyzi Slay Qalib [9][10]
Münsiflər heyətinin Qran-Pri mükafatı Kris Overton Qalib

İstinadlar[redaktə | əsas redaktə]

  1. 1 2 Colin Paterson (2018-01-20). "The Silent Child: From Hollyoaks to Hollywood?". BBC News.
  2. 1 2 "10 Live action shorts advance in 2017 Oscar race". Academy of Motion Picture Arts and Sciences. 2017-12-11.
  3. 1 2 "Oscars 2018: The list of nominees in full". BBC News. 2018-01-23.
  4. "Profoundly deaf Maisie Sly is the star of a short film which might be nominated for an Oscar". BBC News. 2018-01-20.
  5. Daniel Angelini (2018-01-23). "Oscar nomination for short film starring Swindon six-year-old Maisie". Swindon Advertiser.
  6. Oscars (17.04.2018). ""The Silent Child" wins Best Live Action Short Film" (ingilis). Youtube.com. İstifadə tarixi: 2019-08-05.
  7. "August 2017 Winners". A home for your amazing films. (ingilis). avqust 2017. İstifadə tarixi: 6 March 2018.
  8. "August 2017 Winners". LIF Awards. 2017-11-09. İstifadə tarixi: 6 March 2018.
  9. "Little Maisie wins best actress award at international film festival". Swindon Advertiser (ingilis). 2017-08-16. İstifadə tarixi: 6 March 2018.
  10. "2017 RIIFF Awards". www.film-festival.org. 2017-08-13. İstifadə tarixi: 6 March 2018.

Xarici keçidlər[redaktə | əsas redaktə]