Sakon aşırımlı körpüsü

Vikipediya, açıq ensiklopediya
Jump to navigation Jump to search
Sakon aşırımlı körpüsü
yun. Τοξωτή Γέφυρα Τσακώνας
Tsakona bridge Messinia.jpg

Keçid maşın üçün
Yeri Yunanıstan Yunanıstan
İnşaatı
Üslubu Aşırımlı körpü
Material dəmir-beton
Uzunluğu 490 metr
Eni 27 metr
Hündürlüyü 300 metr
İstismarı
Memarı Nikos Donas
Açılışı 28 fevral 2016

Sakon aşırımlı körpüsü (yun. Τοξωτή Γέφυρα Τσακώνας) — Yunanıstanda, Megalopolis şəhəri yaxınlığında yerləşən və Sakon vadisindən keçən dünyanın ən böyük aşırımlı köprülərindən biri. Körpü son bir neçə on il ərzində çoxlu sürüşmənin baş verdiyi təhlükəli bir ərazidə yerləşir[1][2][3].

Tikintisi[redaktə | əsas redaktə]

Aşırımlı körpünün ümumi uzunluğu 490 metrdir[1]. Bu Paradeziya-Sakona və Tripolis-Kalamata nəqliyyat xətlərinin tikintisi zəncirində son iş olmuşdur. Tikinti işləri «Moreas» konsorsiumu tərəfindən Yunanıstan hökumətinin dəstəyi ilə aparılmışdır. Layihəni hazırlayan Nikods Donas olmuşdur. O, bu layihəni «Cəsarət» adlandırırdı. Sakon aşırımlı körpüsü Harilaos Trikupis Körpüsündən sonra ən çətin mühəndislik layihələrindən biri hesab edilir. Layihənin ümumi dəyəri tikintidə çıxan problemlərdən dolayı 94 milyondan 131,5 mln avroya qədər artmışdır[4].

Körpü üç yerdə dəstəklənir: köprünün ucunda və körpünün sütununda. Bu körpüdə sabitliyini təmin etmək üçün əsasdır. Körpünün aşırımı sütunla başlayır və 30 metr hündürlüyə çatır. Körpünün iki tərəfində olan iki aşırım körpünün metal hissəsini dəstəkləyir[5]. Körpünün özü pulludur. Körpünün tikinrisi 2008-ci ildən 2016-cı ilə qədər davam etmişdir[1]: faktiki açılış 2016-cı ilin yanvar ayında, rəsmi açılış isə 28 fevralda keçirilib. Körpünün eni 27 metrdir. Konstruksiyanın hündürlüyü isə 300 metrdir. Körpü üzərindən keçən magistral dörd zolaqlıdır. Avtomobil nəqliyyatı üçün nəzərdə tutulan körpünün memarı Nikos Donasdır. Aşırımlı körpü dəmir-beton konstruksiyasından hazırlanmışdır.

İstinadlar[redaktə | əsas redaktə]