Salahəddin Kazımov

Salahəddin Kazımov
Azərbaycan SSR daxili işlər nazirinin müavini
1970 – 2 iyul 1978
Nazir	Arif Heydərov
Şəxsi məlumatlar
Doğum tarixi	22 dekabr 1920(1920-12-22)
Doğum yeri	Zaqatala, Azərbaycan SSR
Vəfat tarixi	2 iyul 1978(1978-07-02) (57 yaşında)
Vəfat yeri	Bakı, Azərbaycan SSR, SSRİ
Dəfn yeri	Fəxri Xiyaban
Təhsili	Azərbaycan Dövlət Pedaqoji Universiteti
Hərbi xidmət
Qoşun növü	artilleriya
Rütbəsi	general-mayor
Döyüşlər	Böyük Vətən müharibəsi, Kursk döyüşü, Dnepr uğrunda döyüş[d]
Təltifləri
Vikianbarda əlaqəli mediafayllar

Kazımov Salahəddin Həsən oğlu (22 dekabr 1920, Zaqatala – 2 iyul 1978, Bakı) — general-mayor, Azərbaycan SSR daxili işlər nazirinin müavini, Böyük Vətən müharibəsi illərində artilleriya diviziyası komandiri, Sovet İttifaqı Qəhrəmanı

Həyatı

Zaqatala rayonu Qass (indiki Dağlı) kəndində dünyaya göz açmış və 1941-ci ildə hərbi xidmətə çağrılmışdır. 1942-ci ilin aprelindən Mərkəzi cəbhədə 13-cü ordu tərkibində, 62-ci artilleriya alayında batalyon komandiri vəzifəsində döyüş əməliyyatında başlamışdır.Milliyətcə saxurdur.

Baş leytenant S.Kazımov Desna, Dnepr və Pripyat çaylarının keçilməsi əməliyyatlarında fərqlənmişdir.

1943-cü ilin 22–23 sentyabrında Dnepr çayını keçərkən sərrast atəş ilə düşmənin atəş nöqtələrini məhv edərək alayın Dneprin sağ sahilinə keçməsini və hücüm əməliyyatının Çerniqov və Qomel istiqamətlərində genişlənməsini təmin etmiş və 1943-cü ilin 16 oktyabrında Sovet İttifaqı Qəhrəmanı adı almışdır.

Müharibədən sonrakı dövrdə Azərbaycanda Daxili İşlər Nazirliyi sistemində işləmiş və general-mayor rütbəsində nazir müavini vəzifəsinə yüksəlmişdir.

Sovet İttifaqı Qəhrəmanı Salahəddin Kazımovun Bakı şəhərində yaşadığı Səməd Vurğun küçəsi 196 ünvanındakı binaya baralyefi vurulmuşdur.

Xarici keçidlər

• 9may.az. Qəhrəmanlar. Arxivləşdirilib 2010-01-18 at the Wayback Machine