Salahəddin Kazımov

Salahəddin Kazımov
Salahəddin Kazımov
Azərbaycan SSR daxili işlər nazirinin müavini
	1970 – 2 iyul 1978
Nazir	Arif Heydərov
Şəxsi məlumatlar
Doğum tarixi	22 dekabr 1920
Doğum yeri	Qass, Zaqatala qəzası[d], Azərbaycan SSR;
Vəfat tarixi	2 iyul 1978 (57 yaşında)
Vəfat yeri	Bakı, Azərbaycan SSR, SSRİ;
Vəfat səbəbi	sui-qəsd
Dəfn yeri	Birinci Fəxri Xiyaban;
Təhsili	Azərbaycan Dövlət Pedaqoji Universiteti;
Fəaliyyəti	zabit
Hərbi xidmət
Mənsubiyyəti	Sovet Sosialist Respublikaları İttifaqı
Qoşun növü	artilleriya[d]
Döyüşlər	Böyük Vətən müharibəsi,; Kursk döyüşü,; Dnepr uğrunda döyüş[d];
Rütbəsi	general-mayor;
Təltifləri	;
	Vikianbarda əlaqəli mediafayllar

Kazımov Salahəddin Həsən oğlu (22 dekabr 1920, Qass, Zaqatala qəzası^[d], Azərbaycan SSR – 2 iyul 1978, Bakı) — general-mayor, Azərbaycan SSR daxili işlər nazirinin müavini, Böyük Vətən müharibəsi illərində artilleriya diviziyası komandiri, Sovet İttifaqı Qəhrəmanı (1943).^[1]

Həyatı

Zaqatala rayonu Qass kəndində (indiki Dağlı bələdiyyəsinin tərkibində) dünyaya göz açmış və 1941-ci ildə hərbi xidmətə çağrılmışdır. 1942-ci ilin aprelindən Mərkəzi cəbhədə 13-cü ordu tərkibində, 62-ci artilleriya alayında batalyon komandiri vəzifəsində döyüş əməliyyatında başlamışdır.Milliyətcə saxurdur.

Baş leytenant S. Kazımov Desna, Dnepr və Pripyat çaylarının keçilməsi əməliyyatlarında fərqlənmişdir.

1943-cü ilin 22–23 sentyabrında Dnepr çayını keçərkən sərrast atəş ilə düşmənin atəş nöqtələrini məhv edərək alayın Dneprin sağ sahilinə keçməsini və hücüm əməliyyatının Çerniqov və Qomel istiqamətlərində genişlənməsini təmin etmiş və 1943-cü ilin 16 oktyabrında Sovet İttifaqı Qəhrəmanı adı almışdır.^[1]

Müharibədən sonrakı dövrdə Azərbaycanda Daxili İşlər Nazirliyi sistemində işləmiş və general-mayor rütbəsində nazir müavini vəzifəsinə yüksəlmişdir.

1978-ci il 29 iyunda iş yerində Azərbaycan SSR daxili işlər naziri Arif Heydərovla güllələnib.^[2] Qatil Şuşa həbsxanasının təsəfüratt hissəsinin rəisi kapitan Ziya Muradov 29 iyunda Bakıya gələrək, mülki geyimdə Daxili İşlər Nazirliyinin binasına daxil olur. Nazirin qəbul otağına gələrək, nazirin böyük referenti podpolkovnik Səfixanovu Makarov tipli tapança ilə öldürür və otağa daxil olaraq nazir Arif Heydərovu və onun müavini general Salahəddin Kazımovu qətlə yetirir. Daha sonra Z. Muradov özünü öldürür. S. Kazımov 3 gün sonra xəstəxanda vəfat etmişdir. Qəzetllər "xidməti vəzifəsini yerinə yetirərkən faciəli surətdə həlak olmuşdur" ifadəsi ilə çıxmışdır.^[3]

Sovet İttifaqı Qəhrəmanı Salahəddin Kazımovun Bakı şəhərində yaşadığı Səməd Vurğun küçəsi 196 ünvanındakı binaya baralyefi vurulmuşdur.

İstinadlar

↑ ¹ ² "Кязимов Салахадин Иса оглы". 6 iyun 2014 tarixində arxivləşdirilib. İstifadə tarixi: 20 avqust 2013.
↑ "Gözlənilməyən bir qətlin tarixçəsi" ( (az.)). azadliq.org. 5 oktyabr 2009. 7 yanvar 2017 tarixində arxivləşdirilib. İstifadə tarixi: 9 dekabr 2016.
↑ "XX yüzillik. Faktlar, hadisələr və insanlar, 1978-ci il". YouTube. İctimai TV. 31 yanvar 2024. 4 may 2024 tarixində arxivləşdirilib. İstifadə tarixi: 4 may 2024.

Xarici keçidlər

9may.az. Qəhrəmanlar. Arxivləşdirilib 2010-01-18 at the Wayback Machine

[:0-1] ¹ ² "Кязимов Салахадин Иса оглы". 6 iyun 2014 tarixində arxivləşdirilib. İstifadə tarixi: 20 avqust 2013.

[2] "Gözlənilməyən bir qətlin tarixçəsi" ( (az.)). azadliq.org. 5 oktyabr 2009. 7 yanvar 2017 tarixində arxivləşdirilib. İstifadə tarixi: 9 dekabr 2016.

[3] "XX yüzillik. Faktlar, hadisələr və insanlar, 1978-ci il". YouTube. İctimai TV. 31 yanvar 2024. 4 may 2024 tarixində arxivləşdirilib. İstifadə tarixi: 4 may 2024.

[1]

[2]

[3]