Salam Salamzadə

Salam Salamzadə
Doğum tarixi	7 mart 1908
Doğum yeri	Bakı, Bakı quberniyası, Rusiya imperiyası
Vəfat tarixi	12 may 1997 (89 yaşında)
Vəfat yeri	Bakı, Azərbaycan
Dəfn yeri	Fəxri Xiyaban
Milliyyəti	azərbaycanlı
Vətəndaşlığı	SSRİ Azərbaycan
Həyat yoldaşı	Qəmər Salamzadə
Fəaliyyəti	rəssam
Təhsili	Moskva Dövlət Pedaqoji İnstitutu[d]
Janr	portret
Mükafatları

Salam Əbdülqasım oğlu Salamzadə (23 fevral (7 mart) 1908, Bakı – 12 may 1997, Bakı) — rəssam, Azərbaycan SSR xalq rəssamı (1982).

Həyatı

Salam Salamzadə 7 mart 1908-ci ildə Bakıda doğulub. O, sonralar pedaqoji təhsil almışdır. Yaradıcılığında tematik tablolar çəkmək üslubu başlıca yer tutmuş istedadlı fırça ustası portret və mənzərə rəsmləri ilə də böyük tamaşaçı marağı qazanmışdır.

Salam Salamzadə Azərbaycan təbiəti və məişət səhnələri təsvir olunan tabloların, portret və mənzərələrin müəllifidir. "Nəriman Nərimanov", "Günəş altında", "Suya gedən qadınlar", "Çay plantasiyası" və sair əsərləri məşhurdur. Dəfələrlə yaxın və orta şərq ölkələrində olub, həmin ölkələrin həyatını və təbiətini təsvir edən tablolar yaradıb. Dünyanın bir sıra ölkələrində fərdi sərgiləri nümayiş etdirilib.

12 may 1997-ci ildə Bakı şəhərində vəfat etmişdir.

Mükafatları

• "Azərbaycan SSR əməkdar incəsənət xadimi" fəxri adı — 3 iyul 1940
• "Azərbaycan SSR xalq rəssamı" fəxri adı — 1 dekabr 1982
• "Şərəf nişanı" ordeni — 9 iyun 1959
• "Xalqlar Dostluğu" ordeni — 5 mart 1988