Saleh Qocayev

Vikipediya, azad ensiklopediya
Jump to navigation Jump to search
Saleh Qocayev
Saleh Qocayev.PNG
bayraqAzərbaycan SSR Xalq Komissarları Soveti sədrinin müavinibayraq
24 sentyabr 1940 — 1941
bayraqAzərbaycan SSR xalq avtomobil nəqliyyatı komissarıbayraq
17 iyul 1939 — 24 sentyabr 1940
Xələfi Ələkbər Əliyev
bayraqAzərbaycan Dövlət Sənaye İnstitutunun rektorubayraq
1941 — 1960
Sələfi Musa Əliyev
Xələfi İsmayıl İbrahimov
Şəxsi məlumatlar
Doğum tarixi
Doğum yeri İlisu, Zaqatala dairəsi, Rusiya imperiyası
Vəfat tarixi (84 yaşında)
Vəfat yeri Bakı, Azərbaycan SSR, SSRİ
Təhsili
Atası Balay Qoca oğlu Qocayev
Anası İmamat Qocayeva
Həyat yoldaşı Xanım Əbdülrəhman qızı Qocayeva
Uşağı Qocayeva Şərqiyə Salihovna

Saleh Balay oğlu Qocayev (12 sentyabr 1899, Qax, Zaqatala dairəsi1984, Bakı) — azərbaycanlı ixtiraçı alim; texnika elmləri namizədi (1949); Azərbaycan SSR Ali Sovetinin (1–4-cü çağırış) deputatı; Zaqafqaziya Federasiyası İcraiyyə Komitəsinin üzvü, Azərbaycan SSR Xalq Komissarları Soveti sədrinin müavini; Neft İnstitutunun rektoru (1941–1960).[1]

Həyatı[redaktə | mənbəni redaktə et]

Saleh Qocayev 1899-cu ildə Qax rayonunun İlisu kəndində anadan olmuşdur. O, Azərbaycanda Gənclər İttifaqının təşkilatçılarından olmuş, 1918-ci ildə Balakən rayon Gənclər İttifaqı sədrinin müavini, 1920-ci ildə Zaqatala İnqilab Komitəsinin sədri vəzifələrində çalışmışdır.

1925-ci ildə Bakıda fəhlə fakültəsini bitirərək Neft İnstitutunun Texnologiya fakültəsinə daxil olmuş, eyni zamanda S.Budyonnı adına zavodda çilingər işləmişdir. Bir müddətdən sonra partiya səfərbərliyi xətti ilə rayonlara göndərilmiş, yalnız 1928-ci ildən dərslərə davam edərək 1932-ci ildə maşınqayırma şöbəsi üzrə mühəndis diplomu almışdır.

Təhsilini bitirdikdən sonra o, yenidən partiya-təsərrüfat fəaliyyətinə cəlb olunmuş, Ağır Sənaye Xalq Komissarlığının nümayəndəsi, Leytenant Şmidt adına zavodun yığma sexinin mühəndisi, Şamxor (Şəmkir) Diyar Partiya Komitəsinin birinci katibi, Zaqatala Diyar Partiya Komitəsinin katibi, Kirov Rayon Partiya Komitəsinin katibi (1935–1936), "Kirovneft", "Azərneftemaş" trestlərinin müdiri, Azərbaycan SSR xalq avtomobil nəqliyyatı komissarı, "Azərneftkombinat"ın rəisi, Azərbaycan SSR Xalq Komissarları Soveti sədrinin müavini vəzifələrində çalışmışdır.

1941–1960-cı illərdə Neft İnstitutunun rektoru olmuş, buna baxmayaraq istehsalatla əlaqəsini kəsməmiş, bir sıra ixtiralar (səkkizsürətli aqreqat, qazma bucurqadı və s.) etmiş, onun işləmələri Respublikada maşınqayırmanın inkişafının istiqamətini müəyyən etmişdir.

Saleh Qocayev 1949-cu ildə texnika elmləri namizədi elmi dərəcəsini almışdır. O, dəfələrlə Azərbaycan K(b)P MK-nın, Azərbaycan MİK-nin, Zaqafqaziya MİK-nin üzvü, Azərbaycan SSR Ali Sovetinin (1–4-cü çağırış) deputatı seçilmişdir.

İxtiraları[redaktə | mənbəni redaktə et]

  • "SBQ-8" qazma aqreqatı.
  • "82 MM" avtomatik minomyotu

Mükafatları[redaktə | mənbəni redaktə et]

  • SSRİ "Qırmızı Bayraq" ordeni;
  • SSRİ 4 dəfə "Qırmızı əmək bayrağı" ordeni;
  • SSRİ "Qırmızı Ulduz" ordeni;
  • və medallarla təltif olunmuşdur.

Barəsində[redaktə | mənbəni redaktə et]

  • Mehdi Hüseyn 1959-cu ildə Saleh Qocayev şəxsiyyətinə həsr etdiyi "Qabar" hekayəsində onun həyatını "Yüksək əyarlı ömür yolu" adlandırmışdı.
  • Mahmud Qocayev "Dərin zəka, dönməz əqidə" kitabını Saleh Qocayevin şərəfli ömür yoluna həsr etmişdir.

İstinadlar[redaktə | mənbəni redaktə et]

Mənbə[redaktə | mənbəni redaktə et]

Xarici keçidlər[redaktə | mənbəni redaktə et]