Salyan Dövlət Rəsm Qalereyası
| Qusar Dövlət Rəsm Qalereyası | |
|---|---|
| Fəaliyyəti | Əsərlərin bərpası və qorunması |
| Yaranma tarixi | 1986 |
| Yarandığı yer | Azərbaycan Salyan rayonu[1] |
| Fəaliyyət göstərdiyi yer | Salyan, H.Əliyev pr.,156 |
| Sədr | İmanverdi Mustafayev |
| azgallery.az | |
Salyan Dövlət Rəsm Qalereyası — Heydər Əliyev Fondunun təşəbbüsü ilə Salyan rayonunda inşa olunan rəsm qalereyası 2008-ci ilin noyabrında istifadəyə verilib. Gənc istedadlara dövlət qayğısının əyani nümunəsi olan bu qalereya rayonda yeniyetmə rəssamların estetik zövqünün formalaşdırılmasında və onların peşəkarlığının artırılmasında əsaslı rol oynayır. Salyan Dövlət Rəsm Qalereyasının yeni binası Heydər Əliyev Fondunun dəstəyi ilə orijinal layihə əsasında tikilib. Ümumi sahəsi təxminən 1000 kv. metr olan qalereya gənc rəssamlar üçün emalatxanalardan, foye və sərgi salonundan, habelə iş otaqlarından ibarətdir. Asma şüşə tavan qalereyanın təbii işıqlandırılmasına imkan yaradır. 80-ə yaxın əsas və köməkçi fondu olan mədəniyyət müəssisəsinin bölmələrində peşəkar rəssamların 48 əsəri yerləşdirilib.[2]Mədəniyyət Nazirliyinin hədiyyə etdiyi 22 rəsm əsəri qalereyanın əsas fondunu daha da zənginləşdirib. Qalereyada rayon məktəblilərinin yaradıcılıq müsabiqələrinin keçirilməsi, əl işlərindən nümunələrin nümayiş etdirilməsi nəzərdə tutulur.[3]
İstinadlar[redaktə | mənbəni redaktə et]
- ↑ azgallery.az http://azgallery.az/az/content/40 (#bare_url_missing_title). 2022-01-20 tarixində arxivləşdirilib. İstifadə tarixi: 27.04.2021.
- ↑ "SALYAN RAYON İCRA HAKİMİYYƏTİ". salyan-ih.gov.az. 2022-01-19 tarixində arxivləşdirilib. İstifadə tarixi: 27.04.2021.
- ↑ "Salyan Dövlət Rəsm Qalereyası". kataloq.gomap.az. 2021-04-29 tarixində arxivləşdirilib. İstifadə tarixi: 27.04.2021.
Xarici keçidlər[redaktə | mənbəni redaktə et]
- "Salyan Dövlət Rəsm Qalereyası uğurlarının sayını artırıb". cenub.arbtv.az. İstifadə tarixi: 27.04.2021.
- "Mədəni tələbatlar üçün müxtəlif tədbirlər keçirilir". www.anl.az.