Samid Quliyev

Vikipediya, açıq ensiklopediya
Keçid et: naviqasiya, axtar
Samid Quliyev
Samid Qənbər oğlu Quliyev
Axund Samid Quliyev.jpg
Doğum tarixi: 29 may 1984 (1984-05-29) (33 yaş)
Doğum yeri: Azərbaycan, Lənkəran rayonu, Ləj.


Samid Quliyev — ilahiyyatçı-alim, din xadimi, Azərbaycan Jurnalistlər Birliyinin üzvü. "Qızıl qələm" mükafatı laureatı, Lənkəran rayon Ləj kənd məscidinin ilk axundu. “Məşəl” jurnalının şöbə müdiri.

Həyatı[redaktə | əsas redaktə]

Quliyev Samid Qənbər oğlu - 29 may 1984-cü ildə Lənkəran rayonu Ləj kəndində anadan olmuşdur. 1990-cı ildə H.Səfərov adına Kərgəlan kənd tam orta məktəbinin I sinfinə getmiş, 2001-ci ildə həmin məktəbin XI sinifini bitirmişdir. Uşaq yaşlarından qəlbində olan ilahi sevgi onu Lənkəranın tanınmış din xadimlərindən ibtidai ilahiyyat elmini öyrənməyə sövq etmiş daha sonra Lənkəran şəhər “Abbasiyyə” islam mədrəsəsində dini təhsilini davam etdirmişdir.
2001-ci ildə Bakı İslam Universitetinin “Şəriət” fakültəsinə daxil olmuş, 2006-cı ildə həmin Universiteti “imam-axund”, “islamşünas”, “tərcüməçi”, “şəriət müəllimi” ixtisası üzrə bitirmişdir. Həmçinin Bakı İslam Universitetində təhsil alarkən ixtisasına tam yiyələnmək üçün Qafqaz Müsəlmanları İdarəsinin göndərişiylə Misir Ərəb Respublikasında yerləşən ali dini təhsil ocağına “Əl-Əzhər” Universitetinə ezam olunmuşdur. 2007-ci ilin yanvar ayından 2008-ci ilin yanvar ayına kimi DİN DQ-nın N saylı hərbi hissəsində xidmətdə olmuşdur.
2010-cü ilin aprel ayından Lənkəran rayonu Ləj kənd məscidi dini icmasının üzvüdür.
2012-ci ildən Azərbaycan Milli Elmlər Akademiyası Məhəmməd Füzuli adına Əlyazmalar İnstitutunun qiyabi doktoranturasına qəbul olmuş, Əhməd bin Məhəmməd Ərdəbilinin “Əqaidül-isləm” əsəri mövzusunda dissertasiya üzərində çalışır. 2012-ci ildən etibarən bir sıra dövri mətbuatda müntəzəm olaraq elmi-dini məqalələrlə çıxış edir, Qızıl qələm mükafatı laureatı, Azərbaycan Jurnalistlər Birliyinin üzvüdür. Lənkəran ensiklopediyasında haqqında məlumat yer almışdır. “Məşəl” jurnalında “Fəlsəfə və yeni fikr” şöbəsinin müdiri vəzifəsində çalışır.

İstinadlar[redaktə | əsas redaktə]

Xarici keçidlər[redaktə | əsas redaktə]