Samirə Əfəndi

Vikipediya, azad ensiklopediya
Jump to navigation Jump to search
Samira Əfəndi
Samirə Əfəndiyeva
Samirə Əfəndiyeva.jpg
Sənətçi məlumatları
Doğum tarixi 17 aprel 1991(1991-04-17) (29 yaş)
Doğum yeri
Vətəndaşlığı Azərbaycan Azərbaycan
Peşəsi Müğənni

Üslub Pop, Caz
Ləqəbi Efendi
Musiqi aləti vokal
Fəaliyyət illəri 2004— davam edir

Samirə Əfəndiyeva (Samira Əfəndi; 17 aprel 1991(1991-04-17), Bakı) — Azərbaycanlı müğənni. O, 2020 Avroviziya Mahnı Müsabiqəsində Azərbaycanı Cleopatra mahnısı ilə təmsil edəcək.

Həyatı[redaktə | əsas redaktə]

Samirə Əfəndiyeva Azər qızı 17 aprel 1991-ci ildə Bakı şəhərində hərbçi ailəsində anadan olmuşdur. 1994-cü ildən Oqtay Zülfüqarovun rəhbərliyi altında Uşaq filarmoniyasının solisti olub. Həmin illərdə "Cücələrim Rəqs Ansamblinda" milli rəqs dərslərini alıb.

2001-ci ildə Bakı şəhəri K.Səfərəliyeva adına 16 saylı uşaq musiqi məktəbinə daxil olmuş, 2006-cı ildə həmin məktəbi fortepiano ixtisası üzrə bitirmişdir.

2006-cı ildə Azərbaycan Milli Konservatoriyanın tərkibində Asəf Zeynallı adına Musiqi Kollecinə daxil olub.

2010-cu ildə «Estrada musiqi sənəti» ixtisası üzrə tam kursu bitirmişdir.

Fəaliyyəti[redaktə | əsas redaktə]

  • 2014-cü ildə Monte-Karlo, Monako şəhərində keçirilən Rusiya Qastronomik Sezonunda "Azərbaycan" solo konsert proqramı ilə iştirak edib.
  • 2014-ci ildə "BakuProject" lahiyəsində solo ifaçı olaraq iştirak etmişdir.
  • 2014-cü ildə "Baku Project" ilə "Birlik üçün oxu" layihəsində "Göy Göl" mahnısını ifa edib.
  • 2015-ci ildə Azərbaycanda keçirilən Avropa oyunları idman yarışmasına həsr olunmuş konsert proqramında iştirak edib.
  • 2016-cı ildə "Baku Project" qrupu ilə Vyana şəhərində Azərbaycan Mədəniyyət Mərkəzinin üç illiyinə həsr olunmuş gecədə konsertlə çıxış etmişdir.
  • 2016- cı ildə Azərbaycanda keçirilən Formula1 yarışmasında ifa edib.
  • 2016-cı ildə Şəmkir şəhərində Belorussiya Gənclər festivalının iştirakçısı olmuşdur.
  • 2016-cı ildə Bakıda keçirilən «ЖАРА» Beynəlxalq festivalında əməkdar artist Tünzalə Ağayeva ilə bərabər səhnə almışdır.
  • 2016-cı ildə Türkiyənin Alanya şəhərində keçirilən Beynəlxalq Caz festivalında Azərbaycanı uğurla təmsil edib, iki konsert proqramı ilə çıxış etmişdir.
  • 2016-cı ildə "Yarat Müasir İncəsənət Mərkəzində" solo konserti baş tutub . 2017-ci ildən etibarən Yarat Friends-in rəsmi üzvü olub.
  • 2016-cı ildə Azərbaycanda "Birgə və Sağlam birliyinin" keçirtdiyi Dünya Autizm Məlumatlandırma Günü aksiyasında "Fərqliyəm" adlı layihədə iştirak edib.
  • 2016-cı ildə Voleybol Üzrə Azərbaycan Çempionatının açılış mərasimində "Voleybol" adlı himni ifa edib .
  • 2016-cı ildə Azərbaycan Kukla Teatrında keçirilən "Qırmızı papaq" tamaşasında Qırmızı papağın vokal hissələrini səsləndirib.
  • 2016-cı ildə Formula1 üçün Tünzalə Ağayeva tərəfindən bəstələdiyi "Sürət" adlı mahnını ifa edib.
  • 2017-ci ildə Bakı İslam Həmrəlik Oyunları üçün Tünzalə Ağayevanın bəstələdiyi "SalamBakı" mahnısını da ifa edib.
  • 2017-ci ildə Ukrayna production "Art Media" ilə "Я Танцую" / "Dans Ediyorum" adlı mahnı və video çarxı işıq üzü görüb.
  • 2017-ci ildə Rumıniyanın Buxarest şəhərində, Seeya ilə bərabər layihə üçün səfər etmiş. "Tocame" adlı duet və video çarxı ərsiyyə gətirmişlər.
  • 2017-ci ildə Qazaxstanın Almaata şəhərində keçirilən "SilkWayStar " yarışmasında Azərbaycanı təmsil edib . Yarışmanın ikinci həftəsində 53 xal ilə birinci olub. Yarışmanın üçüncüsü olub. "SarıGəlin" və "Laçın" xalq mahnısını ifa etmişdir.
  • 2018-ci ildə Ukraynanın Kiev şəhərində, Azərbaycan səfirliyi tərəfindən təşkil edilmiş Ulu Öndər Heydər Əlirza oğlu Əliyevin 95 illiyinə həsr olunmuş "Etno Jazz" festivalında konsert proqramı ilə çıxış edib.

Gənc mügənni Samirə Əfəndiyeva mütəmadi olaraq gənclər ilə bağlı olan dövlət tədbirlərində iştirak etdiyinə görə bir çox fəxri fərman diplomları ilə təltif olunmuşdur. 2017-ci ildən etibarən Beynəlxalq layihələrdə Samirə Əfəndiyeva "Efendi" ləqəbi ilə tanınır.

İstinadlar[redaktə | əsas redaktə]