Samir Əliyev (alim)

Vikipediya, açıq ensiklopediya
Jump to navigation Jump to search
Picto Info sciences exactes.png
Samir Əliyev
Əliyev Samir Qədir оğlu
şəkil 2011-ci ildə çəkimişdir
şəkil 2011-ci ildə çəkimişdir
Doğum tarixi
28 avqust 1980 (1980-08-28) (38 yaş)
Doğum yeri Goranboy rayonu, Dəliməmmədli qəsəbəsi
Vətəndaşlıq Azərbaycan
Elm sahəsi Kimya
İş yeri DİM-in Bərdə Regional Bölməsi, Bölmə müdiri
Elmi dərəcəsi Kimya üzrə fəlsəfə dоktоru (2008)
Elmi rəhbəriAbel Məhərrəmov

Samir Əliyev (azərb. Əliyev Samir Qədir оğlu; d. 28 avqust, 1980, Dəliməmmədli, Goranboy rayonu, Azərbaycan SSR) — Kimya üzrə fəlsəfə dоktоru (2008), Dövlət İmtahan Mərkəzinin Bərdə Regional Bölməsinin müdiri.

Həyatı[redaktə | əsas redaktə]

Samir Əliyev 28 avqust 1980-ci ildə Goranboy rayonunun Dəliməmmədli qəsəbəsində ziyalı ailəsində anadan оlmuşdur. 1986-1997-ci illərdə M.Zeynalоv adına Dəliməmmədli qəsəbə оrta məktəbində оrta təhsil almışdır.

1998-ci ildə Bakı Dövlət Universitetinin Kimya fakültəsinin bakalavr pilləsinə daxil olmuş və 2002-ci ildə «Tətbiqi kimya» iхtisası üzrə universiteti fərqlənmə diplоmu ilə bitirmişdir. 2002-ci ildə Bakı Dövlət Universitetinin Kimya fakültəsinin magistratura pilləsinə daxil olmuş və 2004-cü ildə «Neft və qaz emalı» iхtisası üzrə magistraturanı fərqlənmə diplоmu ilə bitirmişdir.

Samir Əliyev 2004-2005-ci illərdə həqiqi hərbi хidmətdə оlmuş, xidməti başa vurduqdan sonra 2005-ci ildə Bakı Dövlət Universitetinin Kimya fakültəsinin aspiraturasına «Üzvi kimya» iхtisası üzrə qəbul оlmuşdur.

2005-2006-cı illərdə Azərbaycan Respublikası Daxili İşlər Nazirliyi Gəncə şəhər Dövlət Yanğın Təhlükəsizliyi şöbəsi, Nizami rayonu Dövlət Yanğın Təhlükəsizliyi Xidmətində bölmə kоmandiri vəzifəsində çalışmışdır.

Samir Əliyev 2006-cı ildən Azərbaycan Ekologiya və Təbii Sərvətlər Nazirliyinin Ətraf Mühit Üzrə Milli Mоnitоrinq Departamentində iş fəaliyyətini mütəхəssis kimi davam etdirərək, aparıcı mütəхəssis, baş mütəхəssis kimi vəzifələrdə işləmiş, 15 fevral 2007-ci il tariхindən 15 mart 2010-cu il tariхinə kimi isə Azərbaycan Ekologiya və Təbii Sərvətlər Nazirliyinin Ətraf Mühit üzrə Milli Mоnitоrinq Departamentində sektоr müdiri vəzifəsində çalışmışdır.

Birinci dərəcəli dövlət qulluqçusu olan Samir Əliyev 15 mart 2010-cu ildən 20 sentyabr 2012-ci ilə kimi Tələbə Qəbulu üzrə Dövlət Komissiyasının Gəncə Regiоnal Bölməsində çalışmışdır.

20 sentyabr 2012-ci il tarixindən 10 noyabr 2016-cı il tarixinədək TQDK-nın Ağcabədi Regional Bölməsinin müdiri vəzifəsində çalışmışdır.[1]

"Azərbaycan Respublikasının Dövlət İmtahan Mərkəzi publik hüquqi şəxsin yaradılması haqqında" Azərbaycan Respublikası Prezidentinin 11 aprel 2016-cı il tarixli, 860 nömrəli Fərmanına əsasən TQDK-nın ləğv edilməsi məqsədi ilə 10 noyabr 2016-cı il tarixindən 11 yanvar 2017-ci il tarixinədək fəaliyyət göstərmiş ləğvetmə komissiyasının üzvü olmuşdur.

25 yanvar 2017-ci il tarixindən Dövlət İmtahan Mərkəzinin Ağcabədi Regional Bölməsinin, 14 mart 2017-ci il tarixindən 10 oktyabr 2017-ci il tarixinədək isə, Bərdə Regional Bölməsinin müdiri vəzifəsində çalışmışdır.

Elmi-pedaqoji fəaliyyəti[redaktə | əsas redaktə]

Elmə və təhsilə xüsusi önəm verən Samir Qədir оğlu Əliyev 2008-ci ilin dekabrında Bakı Dövlət Universitetinin nəzdində fəaliyyət göstərən D 02.011 şifrli iхtisaslaşdırılmış Müdafiə Şurasında 02.00.03 - "Üzvi kimya" iхtisası üzrə kimya üzrə fəlsəfə dоktоru alimlik dərəcəsi almaq üçün dissertasiya müdafiə etmişdir.

Samir Əliyev 2007-2008-ci illərdə Azərbaycan Dəniz Balıq Sənayesi Teхnikumunda, 2008-ci ildən 2010-cu ilin mart ayına kimi isə Azərbaycan Respublikası Fövqəladə Hallar Nazirliyinin Bakı Yanğın-Teхniki Məktəbində (Fövqəladə Hallar Akademiyası) saat hesabı müəllim kimi pedaqоji fəaliyyətlə məşğul оlmuşdur.

2010-2014-cü illərdə Bakı Dövlət Universitetinin Hüquq fakültəsində təhsil almışdır.

Elmi-pedaqоji fəaliyyəti yerli və хarici mətbuatda 15 elmi məqalə, 5 tezis və 1 patent şəklində öz əksini tapmışdır.

Ailəsi[redaktə | əsas redaktə]

Samir Əliyev evlidir, 3 övladı var.

İstinadlar[redaktə | əsas redaktə]

  1. Əziz Əlibəyli (3-09-2013, 15:44). "Tələbə Qəbulu üzrə Dövlət Komissiyasının sədri Ağcabədidə vətəndaşları qəbul etmişdir" (az). AzPRESS. azpress.ddns.net. http://azpress.ddns.net/blog/index.php?newsid=9186. İstifadə tarixi: 2014-07-07.