Samir Səfərov

Vikipediya, azad ensiklopediya
Naviqasiyaya keçin Axtarışa keçin
Samir Səfərov
Şəxsi məlumatlar
Doğum tarixi 2 yanvar 1979(1979-01-02) (45 yaş)
Doğum yeri
Vətəndaşlığı
Təhsili
Hərbi fəaliyyəti
Mənsubiyyəti Azərbaycan Silahlı Qüvvələri, Azərbaycan Respublikası
Rütbəsi polkovnik-leytenant
Döyüşlər
Təltifləri "Qüsursuz xidmətə görə" 1-ci dərəcəli medalı "Qüsursuz xidmətə görə" 2-ci dərəcəli medalı "Qüsursuz xidmətə görə" 3-cü dərəcəli medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Hərbi xidmətdə fərqlənməyə görə" 3-cü dərəcəli medalı "Cəbrayılın azad olunmasına görə" medalı "Qubadlının azad olunmasına görə" medalı "Laçının azad olunmasına görə" medalı "Vətən müharibəsi iştirakçısı" medalı

Səfərov Samir Eldar oğlu (2 yanvar 1979, Yeni Daşkənd, Bərdə rayonu) — Azərbaycan hərbçisi, polkovnik-leytenant; Aprel döyüşlərininİkinci Qarabağ müharibəsinin iştirakçısı.

Həyatı[redaktə | mənbəni redaktə et]

Samir Səfərov 1979-cu ilin yanvar ayının 2-də Bərdə rayonunun Yeni Daşkənd kəndində anadan olub. 1985-ci ildə Bərdə rayonu Yeni Daşkənd kənd orta məktəbinə daxil olmuş, 1995-ci ildə Yasif Kərimov adına Yeni Daşkənd kənd tam orta məktəbini bitirmişdir.

1996-cı ildə Bakı Ali Hərbi Dənizçilik Məktəbinə qəbul edilmiş, 24.06.2000-ci ildə həmin məktəbi "sosial siyasi işçi-psixoloq" ixtisası üzrə bitirmişdir. Məktəbi bitirdikdə ona leytenant hərbi rütbəsi verilmişdir.

Hərbi xidməti[redaktə | mənbəni redaktə et]

Azərbaycan Müdafiə Nazirinin əmrinə əsasən xidməti davam etdirmək üçün Gədəbəydəki N saylı hərbi hissəyə göndərilmiş, xidməti vəzifəsini icra etməyə başlamışdır. 2001-ci ildə Lənkərandakı N saylı hərbi hissədə motoatıcı taqımın komandiri, 2002-ci ildən 2003-cü ilədək isə N saylı hərbi hissədə xidmət etmişdir.

2003-cü il tarixdən 2006-cı ilədək Füzuli bölgəsində N saylı hərbi hissədə motoatıcı tabor komandirinin müavini olmuşdur.

2006-cı ildən Gəncə şəhərində xidmət etməyə başlamış, 2007-ci ildək N saylı hərbi hissədə motoatıcı tabor komandirinin müavini, 2011-ci ilədək isə şəxsi heyətlə iş üzrə bölmə rəisinin müavini vəzifəsində xidmət etmişdir.

2011-ci ildən Goranboy rayonunda N saylı hərbi hissədə şəxsi heyətlə iş üzrə bölmə rəisinin müavini, 2014-cü ildən isə hərbi hissə komandirinin şəxsi heyət üzrə müavini kimi xidmətinə davam etmişdir.

2015-ci ildən 2017-ci il tarixədək Tərtərdə N saylı hərbi hissə komandirinin şəxsi heyət üzrə müavini, 2017-ci ildən 2018-ci il tarixədək isə Ağcabədidə N saylı hərbi hissə komandirinin şəxsi heyətlə iş üzrə müavini vəzifələrində xidmət etmişdir.[1]

Azərbaycan Respublikası Müdafiə nazirinin 2018-ci il tarixli müvafiq əmri ilə (hərbi geyim forması daşımaq hüququ verilməklə) həqiqi hərbi xidmətdən ehtiyata buraxılmışdır.[2]

Aprel döyüşlərində iştirakı[redaktə | mənbəni redaktə et]

2016-cı ilin Aprel döyüşləri zamanı mayor rütbəsində Tərtərdə N saylı hərbi hissə komandirinin şəxsi heyətlə iş üzrə müavini idi. "Ohanyan müdafiə xətti"nin yarılmasında və strateji yüksəkliklərin alınmasında iştirak etmişdir.[3]

İkinci Qarabağ müharibəsində iştirakı[redaktə | mənbəni redaktə et]

Üst-üstə 22 illik hərbi xidmətinin 11 ilini cəbhə bölgələrində yerləşən hərbi hissələrdə xidmət edən polkovnik-leytenant Samir Səfərov Silahlı Qüvvələrdən 2018-ci ildə tərxis olunmasına baxmayaraq, 27 sentyabr 2020-ci ildə başlayan Azərbaycanın əks-hücum əməliyyatları günü könüllü olaraq hərbi komissarlığa müraciət edərək yenidən xidmətini davam etdirmək istədiyini bildirmişdir.[1]

2020-ci il 1 oktyabrın tarixindən Azərbaycan Silahlı Qüvvələrində zabit kimi xidmətinə davam etməyə başlamış, Cəbrayıl, Qubadlı və Laçın rayonlarının azad olunması istiqamətində gedən döyüş əməliyyatlarında iştirak etmişdir. Torpaqlarımızın düşmən tapdağından azad olunmasında əsgər və zabit yoldaşları ilə birlikdə əsl qəhrəmanlıq göstərmişdir.[1]

Təltif və mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. 1,0 1,1 1,2 Elnur Eltürk. "Aprel döyüşlərinin və İkinci Qarabağ müharibəsinin cəsur zabiti..." (az.). moderator.az. 2020-11-14. 2020-11-15 tarixində arxivləşdirilib. İstifadə tarixi: 2020-11-15.
  2. "Ehtiyatda olan zabit: Biz torpaqlarımızı düşmən tapdağından azad edəcəyik" (az.). AZƏRTAC. 2020-09-24. 2020-11-14 tarixində arxivləşdirilib. İstifadə tarixi: 2020-11-14.
  3. Aqşin Hacızadə. "Aprel döyüşlərinin iştirakçısı, Yeni Daşkəndli Polkovnik-leytenant Samir Səfərovun çıxışı" (az.). YouTube. 2019-04-08. 2020-11-14 tarixində orijinalından arxivləşdirilib. İstifadə tarixi: 2020-11-14.
  4. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı" (az.). 2020-12-24. 2020-12-28 tarixində arxivləşdirilib. İstifadə tarixi: 2020-12-24.
  5. "Azərbaycan Silahlı Qüvvələrinin hərbi qulluqçularının "Qubadlının azad olunmasına görə" medalı ilə təltif edilməsi haqqında Azərbaycan Prezidentinin 29 dekabr 2020-ci il tarixli, 2369 nömrəli Sərəncamı". e-qanun.az (az.). 2020-12-29. 2021-01-17 tarixində arxivləşdirilib. İstifadə tarixi: 2020-12-29.
  6. "Azərbaycan Silahlı Qüvvələrinin hərbi qulluqçularının "Laçının azad olunmasına görə" medalı ilə təltif edilməsi haqqında Azərbaycan Prezidentinin 29 dekabr 2020-ci il tarixli, 2373 nömrəli Sərəncamı". e-qanun.az (az.). 2020-12-29. 2021-01-09 tarixində arxivləşdirilib. İstifadə tarixi: 2020-12-29.