Sanama (oyun)

Vikipediya, açıq ensiklopediya
Jump to navigation Jump to search

Sanama - Azərbaycanda uşaqgənclər arasında yazqabağı günlərdə, şənlik və bayramlarda dəstələrə bölünmədən oynanılan oyunlarda "başçı"("aparıcı" və ya "işçi") seçmək üçün başlanğıc forma.

Ümumi məlumat[redaktə | əsas redaktə]

Dəstələrə bölünməklə oynanılan bütün oyunlar Halay qurmaqla başlanır. Lakin bir çox oyunlarımız dəstələrə bölünmədən oynanılır. Ənzəli, Eşşək beli sındırdı, Yeddi ağac buna misal ola bilər. Bu oyunları başlayarkən, "başçı", "aparıcı" və ya "işçi" seçmək üçün sanamadan istifadə edirlər.

Oyunun qaydaları[redaktə | əsas redaktə]

Püşk yolu ilə yaxud ümumi razılığı ilə(oyunda və ya uşaqlar arasında müəyyən keyfiyyətləri ilə fərqlənən) bir nəfər seçilir. O, bütün oyunçuları sıraya düzür. Sanama yolu ilə oyunçuları bir-bir sıradan azad edir. Axıra qalan oyunçu "başçı"("aparıcı" və ya "işçi") seçilmiş olur. Sanamanı aparmaq üçün müxtəlif sanamalardan istifadə edirlər."İynə-iynə", "Motal-motal","Əmim oğlu" və s. bu kimi sanamalar uşaqların sevimli nəğmələridir.

Sanama oyunu
  • Iynə-iynə

İynə-iynə,
Ucu düymə
Bal ballıca,
Ballı keçi,
Şam ağacı,
Şatır keçi.
Qoz ağacı,
Qotur keçi.
Hoppan-hoppan,
Yarıl-yırtıl,
Su iç qurtul.

  • Motal- motal

Motal-motal
Tərsə motal,
Qıl atar,
Qaymağ tutar
Ağ quşum,
Ağarçınım,
Göy quşum,
Göyərçinim.
Qarğa qara,
Durna çala,
Çiləmə çilik,
Bircə əmlik,
Əmrəqulu, vur nağara,
Çıx qırağa.

  • Əmim oğlu

Əmim oğlu,
Üzü buğlu,
Haldırım dedi,
Huldurum dedi,
Göyə bir ağac atdı.
Kərki sapı.
Gül budağı.

[1]

Bəzən bu məqsədlə düzgülərdən də istifadə edilir.

Mənbə[redaktə | əsas redaktə]

  1. Şifahi xalq ədəbiyyatı, Uşaq folkloru. "Altun kitab" nəşriyyatı, Bakı-2007. səh. 40-48.

Xarici keçidlər[redaktə | əsas redaktə]